- Халкъгъа джарагъан, джарлы къалмаз.
- Къыз келсе, джумуш эте келеди, къатын келсе, ушакъ эте келеди.
- Ач – эснер, ат – кишнер.
- Тешик этген тынчды, аны джамагъан къыйынды.
- Сютню башын джалагъан къутулур, тюбюн ичген тутулур.
- Ойнаб айтсанг да, эслеб айт.
- Ариу сёз аурууунгу алыр.
- Эрине къаргъыш этген къатын, эрнин къабар.
- Айран ичген – къутулду, джугъусун джалагъан – тутулду.
- Чарсда алчыны эл кёреди.
- Байны къызы баймакъ болса да, юйде къалмаз!
- Ёлген эшек бёрюден къоркъмайды.
- Борчунг бар эсе, хурджунунга ойлаб узал.
- Сёз садакъдан кючлюдю.
- Телини эшигин, махтау джабар.
- Мураты болгъанны джюрек тебюую башхады.
- Таула не мийик болсала да, аууш табылыр.
- Ариу сёз – къылычдан джити.
- Хар адамгъа кеси миннген тау кибик.
- Къарт болгъан джерде, берекет болур, сабий болгъан джерде, оюн болур.
- Ариу сёз – джаннга азыкъ, аман сёз – башха къазыкъ.
- Ач бёрюге мекям джокъ.
- Сютден ауузу кюйген, суугъа юфгюре эди.
- Харам къарнашдан, халал тенг ашхы.
- Терек ауса, отунчу – кёб.
- Тенги кёбню джау алмаз, акъылы кёбню дау алмаз.
- Джангыз терек къынгыр ёсер.
- Ёксюзню тилеги къабыл болур.
- Кесинг сынамагъан затны, адамгъа буюрма.
- Эм ашхы къайын ана мамукъ бла башынгы тешер.
- Тилчиден кери бол.
- Ёнгкюч къууана барыр, джылай келир.
- Халкъны джырын джырласанг, халкъ санга эжиу этер.
- Ашаса, ашамаса да, бёрюню ауузу – къан.
- Экиндини кеч къылсанг, чабыб джетер ашхам.
- Алтыннга тот къонмаз.
- Тойгъан джерге джети къайт.
- Бойнуму джети джерден кессенг да, мен ол ишни этеллик тюлме.
- Ойнай билмеген, уруб къачар.
- Ачылгъан эт джабылыр, кёрген кёз унутмаз.
- Къолу уллу – асыу, аягъы уллу – джарсыу.
- Кёлсюзден сёзсюз тууар.
- Къарын къуру болса, джюрек уру болур.
- Аджал соруб келмез, келсе, къайтыб кетмез.
- Атадан ёксюз – бир ёксюз, анадан ёксюз – эки ёксюз.
- Эринчекге кюн узун.
- Къызбайны юйюне дери сюрсенг, батыр болур.
- Биреуге аманлыкъны тилеме да, кесинге ашхылыкъны тиле.
- Иги сёз – джаннга азыкъ, аман сёз башха – къазыкъ.
- Ауругъанны сау билмез, ач къарынны токъ билмез.
Ошибка!
Для просмотра темы введите ваши логин и пароль.Пожалуйста, авторизуйтесь: