- Игини сыйлагъан адетди.
- Эртде тургъан бла эртде юйленнген сокъуранмаз.
- «Ёгюз, джаргъа джууукъ барма, меннге джюк боллукъса», - дегенди эшек.
- Сабий болмагъан джерде, мёлек болмаз.
- Чарсда алчыны эл кёреди.
- Ёзденликни кёбю ётюрюк.
- Нарт сёз – тилни бети.
- Ата Джуртун танымагъан, атасын да танымаз.
- Алтыда кюлмеген, алтмышда кюлмез.
- Дуния мал дунияда къалады.
- Къуру гыбыт бек дыгъырдар.
- Эте билген, этген этеди, эте билмеген, юретген этеди!
- Халкъгъа джарагъан, джарлы къалмаз.
- Ашда уялгъан – мухар, ишде уялгъан – хомух.
- Кёкдеги болмаса, джердегин кёрмейди.
- Джылар джаш, атасыны сакъалы бла ойнар.
- Ёмюрлюк шохлукъну джел элтмез.
- Къарын къуру болса, джюрек уру болур.
- Чабакъ башындан чирийди.
- Къыз чыгъаргъан – къызыл къымжа.
- Эшекге миннген – биринчи айыб, андан джыгъылгъан – экинчи айыб.
- Окъуу – билимни ачхычы, окъуу – дунияны бачхычы.
- Айтылгъан сёз ызына къайтмаз.
- Телини эшигин, махтау джабар.
- Чакъырылгъанны аты, чакъырылмагъанны багъасы болур.
- Биреу ашаб къутулур, биреу джалаб тутулур.
- Ачлыкъ отха секиртир.
- Чакъырылмагъан къонакъ тёрге атламаз.
- Сууда джау джокъ, кёб сёзде магъана джокъ.
- Кийиминг бла танылма, адамлыкъ бла таныл.
- Окъугъан – асыу, окъумагъан – джарсыу.
- Ата – баланы уясы.
- Сёз къанатсыз учар.
- Тюз сёз баргъан сууну тыяр.
- Ач бёрюге мекям джокъ.
- Чыкълы кюнде чыкъмагъан, чыкъса къуру кирмеген.
- Тамбла алтындан бюгюн багъыр ашхы.
- Келлик заман – къартлыкъ келтирир, кетген заман – джашлыкъ ёлтюрюр.
- Тиширыусуз юй – отсуз от джагъа.
- Къарыусузгъа кюлме, онгсузгъа тийме.
- Азыгъы аз, алгъа къабар, аты аман, алгъа чабар.
- Кюн кёрмеген, кюн кёрсе, кюндюз чыракъ джандырыр.
- Тил бла келеди джыр да.
- Джогъун бар этген, барын бал этген.
- Ургъан суудан башынгы сакъла.
- Хар зат кесини орнуна иги.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Уллу атлама – абынырса, уллу къабма – къарылырса.
- Къатын къылыкъсыз, эр тынчлыкъсыз.
- Ишни аллы бла къууанма да, арты бла къууан.
Ошибка!
Для просмотра темы введите ваши логин и пароль.Пожалуйста, авторизуйтесь: