- Къызгъанчдан ычхыныр, мухардан ычхынмаз.
- Тин – байлыгъынг, терен саулугъунг.
- Къаллай салам берсенг, аллай джууаб алырса.
- Айныгъанлы алты кюн, тогъайгъанлы тогъуз кюн.
- Джан саулукъ бермей, сан саулукъ бермезсе.
- Къоркъакъны кёзю экили кёрюр.
- Аджашханны ызындагъы кёреди, джангылгъанны джанындагъы биледи.
- Хансыз джомакъ болмаз.
- Ишге юренсин къоллары, халкъ бла болсун джоллары.
- Эли джокъну – кёлю джокъ.
- Окъуу – билимни ачхычы, окъуу – дунияны бачхычы.
- Атынг аманнга чыкъгъандан эсе, джанынг тамагъынгдан чыкъсын.
- Тилчиден кери бол.
- Кёб ант этген, кёб ётюрюк айтыр.
- Ишлегенден, къарагъан уста.
- Тёрде – темир таякълы, къаяда – чыпчыкъ аякълы.
- Чакъырылмагъан къонакъ – орунсуз.
- Хантына кёре тузу, юйюне кёре къызы.
- Тынгылагъан тынгы бузар.
- Джырына кёре эжиую.
- Кёпюр салгъан кеси ётер, уру къазгъан кеси кетер.
- Тилчи тилден къаныкъмаз.
- Джахил болса анасы, не билликди баласы?
- Татлы сёз – балдан татлы.
- Тешигини къатында, чычхан да батыр болур.
- Чёбню кёлтюрсенг, тюбюнден сёз чыгъар.
- Аллахха ийнаннган кишини, Аллах онгдурур ишин.
- Эркишини аманы тиширыуну джылатыр.
- Мухар, кеси тойса да, кёзю тоймаз.
- Тилчи бир сагъатха айлыкъ хата этер.
- Аманны тукъумуна къарама, игини тукъумун сорма.
- Мухардан ач ычхынмаз.
- Ач отунчуну ачыуу – бурнунда.
- Аман адам этегингден тутса, кес да къач.
- Тенги кёбню джау алмаз, акъылы кёбню дау алмаз.
- Элиб деген, элге болушур.
- Тёгюлген тюгел джыйылмайды.
- Адебни адебсизден юрен.
- Сакъламагъан затынга джолукъсанг, не бек къууанаса, не бек ачыйса.
- Кёбге таш атма.
- Къонакъ хазыр болгъанлыкъгъа, къонакъбай хазыр тюлдю.
- Кёзюнде тереги болгъан, чёбю болгъаннга кюле эди.
- Ханы къызы буюгъа-буюгъа киштик болду.
- Алгъанда – джууукъ, бергенде – джау.
- Акъдан къара болмаз.
- Гугурук къычырмаса да, тангны атары къалмаз.
- Ана кёлю – балада, бала кёлю – талада.
- Таш бла ургъанны, аш бла ур.
- Хазыр ашха – терен къашыкъ.
- Бет бетге къараса, бет да джерге къарар.
Ошибка!
Для просмотра темы введите ваши логин и пароль.Пожалуйста, авторизуйтесь: