- Адамгъа аман кюн соруб келмейди.
- Эл тойса, тоймагъан, эл къойса, къоймагъан.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Аджашханны ызындагъы кёреди, джангылгъанны джанындагъы биледи.
- Джаралыны джастыгъында сау ёлюр.
- Намысы болмагъанны, сыйы болмаз.
- Ёксюзню тилеги къабыл болур.
- Айырылмаз джууугъунга, унутмаз сёзню айтма.
- Игилик игилик бла сингдирилиучю затды.
- Джюрек кёзден алгъа кёрюр.
- Терек ауса, отунчу – кёб.
- Онгсузну – джакъла, тенгликни – сакъла.
- Айранны сюйген, ийнек тутар.
- Джарлыны тону джаз битер.
- Суугъа – таянма, джаугъа – ийнанма.
- Билмезни кёзю кёрмез, этмезни къулагъы эшитмез.
- Уясында не кёрсе, учханында аны этер.
- Къобан да къуру да къобханлай турмайды, адам да къуру да патчахлай турмайды.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Халкъны юйю – туугъан джери.
- Намыс болмагъан джерде, насыб болмаз.
- Чакъырылмагъан къонакъ – орунсуз.
- Тилчиден кери бол.
- Экеу тутушса, биреу джыгъылыр.
- Байма, деб да, къууанма, джарлыма, деб да, джылама.
- Ариу сёзде ауруу джокъ.
- Къазанны башы ачыкъ болса, итге уят керекди.
- Этни да ашады, бетни да ашады.
- Акъдан къара болмаз.
- Кюн кёрмеген, кюн кёрсе, кюндюз чыракъ джандырыр.
- Азыкъ аз болса, эртде орун сал.
- Бал чибинни ургъаны – ачы, балы – татлы.
- Ачлыкъда тары гырджын халыуадан татлы.
- Эринчекни аурууу – кёб.
- Таукел адам тау тешер.
- Ач келгенни – тойдур, кеч келгенни – къондур.
- Чомарт къонакъ юй иесин сыйлар.
- Ауурну тюбю бла, дженгилни башы бла джюрюген.
- Таякъ этден ётер, тил сюекден ётер.
- Мухар, кеси тойса да, кёзю тоймаз.
- Кёб ант этген, кёб ётюрюк айтыр.
- Сангырау къулакъ эл бузар.
- Рысхысына кёре, джаш ёсер, къышлыгъына кёре, мал ёсер.
- Аякъларынгы джууургъанынга кёре узат.
- Ёзденликни джайгъан – джокълукъ.
- Окъуу – билимни ачхычы, окъуу – дунияны бачхычы.
- Юйюнгден чыкъдынг – кюнюнгден чыкъдынг.
- Ашын ашагъанынгы, башын да сыйла.
- Эллинг бла джау болсанг да, юйюнг бла джау болма.
- Бастасын ашагъан, хантусун да ичер.
Ошибка!
Для просмотра темы введите ваши логин и пароль.Пожалуйста, авторизуйтесь: