- Тамырсыз терекге таянма – джыгъылырса.
- Бетинги сатма, малынгы сат.
- Билеги кючлю, бирни джыгъар, билими кючлю, мингни джыгъар.
- Аз сёлешген, къайгъысыз турур.
- Эл тойса, тоймагъан, эл къойса, къоймагъан.
- Хоншуну тауугъу къаз кёрюнюр, келини къыз кёрюнюр.
- Ач уят къоймаз.
- Бек анасы джыламаз.
- Этни да ашады, бетни да ашады.
- Ёлмесенг да, къарт дамы болмазса?
- Мадар болса, къадар болур.
- Къая джолда джортма, ачыкъ сёзден къоркъма.
- Чабакъсыз кёлге къармакъ салгъанлыкъгъа, чабакъ тутмазса.
- Зарда марда джокъ.
- Таш ата билмеген, башына урур.
- Ариу джол аджал келтирмез.
- Эр сокъур болсун, къатын тилсиз болсун.
- Ашхы тенг джолгъа салыр, аман тенг джолдан тайдырыр.
- Ауругъан – джашаудан умутчу.
- Байны оноуу, джарлыгъа джарамаз.
- Окъуусуз билим – джокъ, билимсиз кюнюнг – джокъ.
- Арпа, будай – ащды, алтын, кюмюш а – ташды.
- Сангырау къулакъ эл бузар.
- Башы джабылгъан челекге, кир тюшмез.
- Къатын байлыкъны сюер, эр саулукъну сюер.
- Къоркъакъны кёзю экили кёрюр.
- Адамны бетине къарама, адетине къара.
- Аман къатын сабий табса, бий болур…
- Хантына кёре тузу, юйюне кёре къызы.
- Джолда аягъынга сакъ бол, ушакъда тилинге сакъ бол.
- Иги сеники эсе да, сюйген кесимикин этеме.
- Элиб деген, элге болушур.
- Билим къая тешер.
- Къолу уллу – асыу, аягъы уллу – джарсыу.
- Адамны сабийин сюйген джюреги, бычакъча, джитиди.
- Эли джокъну – кёлю джокъ.
- Уруну арты – къуру.
- Билими азны – ауузунда кирит.
- Ёзденликни кёбю ётюрюк.
- Къуру гыбыт бек дыгъырдар.
- Ашлыкъ – бюртюкден, джюн – тюкден.
- Джаным-тиним – окъуу, билим.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Окъдан джара эртде-кеч болса да бителир, сёз джара, ёмюрге къалыр.
- Келгинчи, къонакъ уялыр, келгенден сора, къонакъбай уялыр.
- Азыкълы ат арымаз, къатыны аман джарымаз.
- Кеси юйюмде мен да ханма.
- Къарнынг бла ёч алма.
- Баргъанынга кёре болур келгенинг.
- Джюз элде джюз ёгюзюм болгъандан эсе, джюз джууугъум болсун.
Ошибка!
Для просмотра темы введите ваши логин и пароль.Пожалуйста, авторизуйтесь: