- Башынга джетмегенни сорма.
- Къыйынлы джети элге оноу этер.
- Зарда марда джокъ.
- Къызны минг тилер, бир алыр.
- Халкъны джырын джырласанг, халкъ санга эжиу этер.
- Ёнгкюч къууана барыр, джылай келир.
- Узун джолну барсанг, бюгюн келирсе, къысха джолну барсанг, тамбла келирсе.
- Аш кетер да бет къалыр.
- Тили узунну, намысы – къысха.
- Киштикге къанат битсе, чыпчыкъ къалмаз эди.
- Биреуге кёлтюрген таягъынг, кесинги башынга урур.
- Джети тилни билген джети кишиди.
- Джумушакъ сёз къаты таякъны сындырыр.
- Этни бети бла шорпасы.
- Аманны эки битли тону болур, бирин сеннге кийдирир, бирин кеси киер.
- Булут кёкге джарашыу, уят бетге джарашыу.
- Халкъгъа джарагъан, джарлы къалмаз.
- Тёгюлген тюгел джыйылмайды.
- Бек ашыкъгъан меннге джетсин, дегенди аракъы.
- Акъыл сабырлыкъ берир.
- Ышармагъан – кюлмез, кюлмеген – къууанчны билмез.
- Джылыгъа джылан илешир.
- Чомарт бергенин айтмаз.
- Азыгъы аз, алгъа къабар, аты аман, алгъа чабар.
- Келгинчи, къонакъ уялыр, келгенден сора, къонакъбай уялыр.
- Къаллай салам берсенг, аллай джууаб алырса.
- Сангырау къулакъ эл бузар.
- Уруну арты – къуру.
- Айырылгъанланы айю ашар, бёлюннгенлени бёрю ашар.
- Хансыз джомакъ болмаз.
- Агъач – джерни чырайы, кийим – эрни чырайы.
- Къоркъакъны кёзю экили кёрюр.
- Эски джаугъа ышанма.
- Тойгъан джерге джети къайт.
- От кюйдюрген, сау болса да, тот кюйдюрген, сау болмаз.
- Тыш элде солтан болгъандан эсе, кесинги элде олтан болгъан игиди!
- Кёзден кетген, кёлден да кетеди.
- Таш ата билмеген, башына урур.
- Садакъачыны джаны – къапчыгъында.
- Хаухну атма, ёнгкючню сатма.
- Кёб джат да, бек чаб.
- Ана къойну – балагъа джандет.
- Тойгъандан сора, ашны сёкме.
- Атадан ёксюз – бир ёксюз, анадан ёксюз – эки ёксюз.
- Къозулугъунда тоймагъан, къойлугъунда тоймаз.
- Иесиз малны бёрю ашар.
- Ашыкъгъан cуу, тенгизге джетмез.
- Башы ишлегенни, ауузу да ишлер.
- Тёрде – темир таякълы, къаяда – чыпчыкъ аякълы.
- Арбаз къынгырды да, ийнек сауалмайма.
Ошибка!
Для просмотра темы введите ваши логин и пароль.Пожалуйста, авторизуйтесь: