- Эринчекни эр алмаз, эр алса да, кёл салмаз, кёл салса да, кёб бармаз!
- Къобан да къуру да къобханлай турмайды, адам да къуру да патчахлай турмайды.
- Къоркъакъны кёзю экили кёрюр.
- От этилмеген джерден тютюн чыкъмайды.
- Таугъа чыгъаллыкъ эсенг, тюзде къалма.
- Аман къатын сабий табса, бий болур…
- Тюзню ётмеги тюзде къалса да, тас болмаз.
- Ариу – кёзге, акъыл – джюрекге.
- Окъумагъан сокъурду, сокъур ташха абыныр!
- Атлыны ашхысы, ат тизгининден билинир
- Къошда джокъгъа – юлюш джокъ.
- Джюрекге ариу – кёзге да ариу.
- Джуртун къоругъан озар.
- Тойгъан антын унутур.
- Ач отунчуну ачыуу – бурнунда.
- Харам къарнашдан, халал тенг ашхы.
- Ёксюзню къалачы уллу кёрюнюр.
- Ата Джуртуму башы болмасам да, босагъасында ташы болайым.
- Тиширыусуз юй – отсуз от джагъа.
- Тешигини къатында, чычхан да батыр болур.
- Адам сёзге тынгыла, акъыл сёзню ангыла.
- Эркиши – от, тиширыу – суу.
- Къолунгдан къуймакъ ашатсанг да, атаны борчундан къутулмазса.
- Сабыр джетер муратха, сабырсыз къалыр уятха.
- Биреуню тёрюнден, кесинги эшик артынг игиди.
- Этни да ашады, бетни да ашады.
- Кёлсюзден сёзсюз тууар.
- Аш иеси бла татлыды.
- Аманнга алтын чыдамаз.
- Мадар болса, къадар болур.
- Ишни ахырын ойламай, аллын башлама.
- Ашхы адам – халкъ байлыгъы, ашхы джер – джашау байлыгъы.
- Ауузу бла къуш тута айланады.
- Джолда аягъынга сакъ бол, ушакъда тилинге сакъ бол.
- Ётюрюкчюню шагъаты – къатында.
- Ёлген эшек бёрюден къоркъмайды.
- Ариу сёз – джаннга азыкъ, аман сёз – башха къазыкъ.
- Бек ашыкъгъан меннге джетсин, дегенди аракъы.
- Бетинги сатма, малынгы сат.
- Къозулугъунда тоймагъан, къойлугъунда тоймаз.
- Башы джабылгъан челекге, кир тюшмез.
- Джаш къарыу бла кючлю, къарт акъыл бла кючлю.
- Биреу къой излей, биреу той излей.
- Башланнган иш битер, къымылдагъан тиш тюшер.
- Джерни букъусу кёкге къонмаз.
- Акъыл бла адеб эгизледиле.
- Билмезни кёзю кёрмез, этмезни къулагъы эшитмез.
- Адебни адебсизден юрен.
- Акъыллы башны – тили къысха.
- Чомарт джарлы болмаз.
Ошибка!
Для просмотра темы введите ваши логин и пароль.Пожалуйста, авторизуйтесь: