- Акъылсызны джууукъгъа алма, акъыллыны кенгнге салма.
- Онгсузну – джакъла, тенгликни – сакъла.
- Кечеси – аяз, кюню – къыш, джарлы къаргъагъа бир аш тюш!
- Джюрекге ариу – кёзге да ариу.
- Къайгъы тюбю – тенгиз.
- Адамны сыфатына къарама, сёзюне къара.
- Таула не мийик болсала да, аууш табылыр.
- Байны къызы баймакъ болса да, юйде къалмаз!
- Ана – юйню кюн джарыгъы.
- Ишге юренсин къоллары, халкъ бла болсун джоллары.
- Аллахдан тилесенг, кёб тиле.
- Борчунг бар эсе, хурджунунга ойлаб узал.
- Мал кёб болса, джууукъ кёб болур.
- Эки ойлашыб, бир сёлешген.
- Эте билген, этген этеди, эте билмеген, юретген этеди!
- Айныгъанлы алты кюн, тогъайгъанлы тогъуз кюн.
- Къызгъанчдан ычхыныр, мухардан ычхынмаз.
- Ким бла джюрюсенг, аны кёзю бла кёрюнюрсе.
- Келинни – келгинчи, бёркню кийгинчи кёр.
- Ашарыкъда сайлагъаннга – чий гырджын.
- Тели турса – той бузар.
- Намысы джокъну – дуниясы джокъ.
- Хата – гитчеден.
- Урунуу – насыбны анасы.
- Нарт сёз – тилни бети.
- Биреуню тёрюнден, кесинги эшик артынг игиди.
- Акъыл бла адеб эгизледиле.
- Джаралыны джастыгъында сау ёлюр.
- Къарнынг къанлынга кийирир.
- Тили узунну, намысы – къысха.
- Биреуге аманлыкъ этиб, кесинге игилик табмазса.
- Башланнган иш битер, къымылдагъан тиш тюшер.
- Кийим тукъум сордурур.
- Тилчи бир сагъатха айлыкъ хата этер.
- Кёб джашагъан – кёб билир.
- Кесинг сынамагъан затны, адамгъа буюрма.
- Джаз бир кюнню джатсанг, къыш талай кюнню абынырса.
- Чабакъгъа акъыл, табагъа тюшсе келеди.
- Ёлюк кебинсиз къалмаз.
- Джылар джаш, атасыны сакъалы бла ойнар.
- Хазыр ашха – терен къашыкъ.
- Нарт сёз къарт болмаз.
- Тешик этген тынчды, аны джамагъан къыйынды.
- Байдан умут эте, джарлыдан ёгюз багъасы къорады.
- Чомартны къолу берекет.
- Зар адамны насыбы болмаз.
- Къызын тута билмеген, тул этер, джашын тута билмеген, къул этер.
- Тёрени джагъы джокъ.
- Тил – кесген бычакъ, сёз – атылгъан окъ.
- Къыйынлы джети элни къайгъысын этер.
Ошибка!
Для просмотра темы введите ваши логин и пароль.Пожалуйста, авторизуйтесь: