- Биреуге аманлыкъны тилеме да, кесинге ашхылыкъны тиле.
- Акъылсызны джууукъгъа алма, акъыллыны кенгнге салма.
- Сёлеш деб шай берген, тохта деб, сом берген.
- Бетинги сатма, малынгы сат.
- Ач – эснер, ат – кишнер.
- Чомартны къолун джокълукъ байлар.
- Билимли ёлмез, билимсиз кёрмез.
- Ёгюзню мюйюзюнден тутадыла, адамны сёзюнден тутадыла.
- Сабыр джетер муратха, сабырсыз къалыр уятха.
- Адамны аманы адамны бети бла ойнар.
- Башда акъыл болмаса, эки аякъгъа кюч джетер.
- Сабий кёргенин унутмаз.
- Тюкюрюк баш джармаз, налат кёз чыгъармаз!
- Рысхы – насыбха къор.
- Ауузу бла къуш тута айланады.
- Ашын ашагъанынгы, башын да сыйла.
- Къолу уллу – асыу, аягъы уллу – джарсыу.
- Акъыл бла адеб эгизледиле.
- Ашына кёре табагъы, балына кёре къалагъы.
- Кирсизни – саны таза, халалны – къаны таза.
- Акъыл аздырмаз, билим тоздурмаз.
- Ашыкъгъанны этеги бутуна чырмалыр.
- Термилгенинги табмазса, кюлгенинге тюберсе.
- Къыз чыгъаргъан – къызыл къымжа.
- Онгсузну – джакъла, тенгликни – сакъла.
- Акъыл къартда, джашда тюйюлдю – башдады.
- Къралынгы – душмандан, башынгы от бла суудан сакъла.
- Ашарыкъда сайлагъаннга – чий гырджын.
- Акъдан къара болмаз.
- Чомарт къолда мал къалмаз.
- Игилик игилик бла сингдирилиучю затды.
- Чакъырылгъанны аты, чакъырылмагъанны багъасы болур.
- Кёбден умут этиб, аздан къуру къалма.
- Айыбны суу бла джууалмазса.
- Къумурсхала джыйылсала, пилни да джыгъадыла.
- Сангырау къулакъ эл бузар.
- Мураты болгъанны джюрек тебюую башхады.
- Къозулугъунда тоймагъан, къойлугъунда тоймаз.
- Кёзден кетген, кёлден да кетеди.
- Джаханимни кёрмей, джандетге кёл салмазса.
- Башсыз урчукъ тюзюне айланмаз.
- Айтхан – тынч, этген – къыйын.
- Адам къаллай бир ишленмесе, аллай бир кесин уллу кёреди.
- Зар адам ашынгы ашар, кесинги сатар.
- Тамырсыз терекге таянма – джыгъылырса.
- Къонакъ болсанг, ийнакъ бол.
- Ёлген ийнек сютлю болур.
- Айранны сюйген, ийнек тутар.
- Ач, тоймам, дейди, тойгъан, ач болмам, дейди.
- Эртде тургъан джылкъычыны эркек аты тай табар.
Ошибка!
Для просмотра темы введите ваши логин и пароль.Пожалуйста, авторизуйтесь: