- Мен да «сен», дейме, сен да «кесим», дейсе.
- Ариу сёз – джаннга азыкъ, аман сёз – башха къазыкъ.
- Къошда джокъгъа – юлюш джокъ.
- Бек ашыкъгъан меннге джетсин, дегенди аракъы.
- Окъ къызбайны джокълайды.
- Джыгъылгъанны сырты джерден тоймаз.
- Чоюнну башы ачыкъ болса, итге уят керекди.
- Адам сёзюнден белгили.
- Бал ашаргъа сюе эсенг, чибин ургъаннга тёз.
- Тели турса – той бузар.
- Ашыкъгъан cуу, тенгизге джетмез.
- Баланы адам этген анады.
- Чыкълы кюнде чыкъмагъан, чыкъса къуру кирмеген.
- Эртде тургъан джылкъычыны эркек аты тай табар.
- Рысхысына кёре, джаш ёсер, къышлыгъына кёре, мал ёсер.
- Эл тойса, тоймагъан, эл къойса, къоймагъан.
- Таукел къуру къалмаз.
- Джаш болсун, къыз болсун, акъылы, саны тюз болсун.
- Юйлю уругъа ит чабмаз.
- Агъач халкъгъа алтынды, иссиликге салкъынды.
- Дуния мал дунияда къалады.
- Билмейме деген – бир сёз
- Аууздан келген, къолдан келсе, ким да патчах болур эди.
- Аманнга да, игиге да оноусуз къатышма.
- Насыблы элин сюер, насыбсыз кесин сюер.
- Айранын берсенг, челегин да къызгъанма.
- Ач къалгъандан, кеч къалгъан къолай.
- Джылыгъа джылан илешир.
- Джашда акъыл джокъ, къартда къарыу джокъ.
- Къонакъ хазыр болгъанлыкъгъа, къонакъбай хазыр тюлдю.
- Джюрекден джюрекге джол барды.
- Аджашханны ызындагъы кёреди, джангылгъанны джанындагъы биледи.
- Бозаны арты дауур болур.
- Джукъу тёшек сайламайды.
- Джашынгы кесинг юретмесенг, джашау юретир.
- Тюзлюк шохлукъну бегитир.
- Рысхы – насыбха къор.
- Танг атмайма десе да, кюн къоярыкъ тюйюлдю.
- Ойнаб айтсанг да, эслеб айт.
- Окъумагъан сокъурду, сокъур ташха абыныр!
- Ишленмеген джаш – джюгенсиз ат, ишленмеген къыз – тузсуз хант.
- Ашарыкъда сайлагъаннга – чий гырджын.
- Джогъун бар этген, барын бал этген.
- Аман адамны тепсинге олтуртсанг, къызынгы тилер.
- Иги бла джюрюсенг, джетерсе муратынга, аман бла джюрюсенг, къалырса уятха.
- Джыйырма къойну юч джыйырма эбзе кюте эди.
- Айран ичген – къутулду, джугъусун джалагъан – тутулду.
- Къартха ушагъан джаш – акъыллы, джашха ушагъан къарт – тели.
- Терслик кетер, тюзлюк джетер.
- Уруну арты – къуру.
Ошибка!
Для просмотра темы введите ваши логин и пароль.Пожалуйста, авторизуйтесь: