- Джашда акъыл джокъ, къартда къарыу джокъ.
- Гыдай эчки суугъа къараб, мюйюзле кёрмесе, джашма алкъын, дегенди.
- Чыкълы кюнде чыкъмагъан, чыкъса къуру кирмеген.
- Таула не мийик болсала да, аууш табылыр.
- Джерни букъусу кёкге къонмаз.
- Кёзден кетген, кёлден да кетеди.
- Къарнынг ауруса, ауузунгу тый
- Байлыкъ тауусулур, билим тауусулмаз.
- Тулпарлыкъ, билекден тюл – джюрекден.
- Аман хансны – урлугъу кёб.
- Мен да «сен», дейме, сен да «кесим», дейсе.
- Накъырда – кертини келечиси.
- Мал кёб болса, джууукъ кёб болур.
- Чыбыкълыкъда бюгюлмеген, къазыкълыкъда бюгюлмей эди.
- Эртде тургъан бла эртде юйленнген сокъуранмаз.
- Къонакъ хазыр болгъанлыкъгъа, къонакъбай хазыр тюлдю.
- Ашлыкъны арба юйге келтирир, чана базаргъа элтир.
- Сабыр джетер муратха, сабырсыз къалыр уятха.
- Эркиши – от, тиширыу – суу.
- Къолу уллу – асыу, аягъы уллу – джарсыу.
- Ётюрюкчюню шагъаты – къатында.
- Окъугъан – асыу, окъумагъан – джарсыу.
- Кенгеш болса, уруш болмаз.
- Кимни – тили, тиши онглу, кимни – къолу, иши онглу.
- Тёрдеги кюлсе, эшикдеги ышарыр.
- Джетген къыз джерли эшекни танымаз.
- Этни бети бла шорпасы.
- Аллахдан тилесенг, кёб тиле.
- Ёлген ийнек сютлю болур.
- Минг тенг да азды, бир джау да кёбдю.
- Кесине оноу эте билмеген, халкъына да эте билмез.
- Джогъун бар этген, барын бал этген.
- Адамгъа аман кюн соруб келмейди.
- Кёб къычыргъандан – къоркъма, тынч олтургъандан – къоркъ.
- Ким бла джюрюсенг, аны кёзю бла кёрюнюрсе.
- Хоншуну тауугъу къаз кёрюнюр, келини къыз кёрюнюр.
- Таукел къуру къалмаз.
- Адамны артындан къара сабан сюрме.
- Аякъларынгы джууургъанынга кёре узат.
- Керти сёзге тёре джокъ.
- Джырына кёре эжиую.
- Эл ауузу – элек, анга ийнаннган – халек.
- Бети – къучакълар, джюреги – бычакълар.
- Сёз – кюмюш, джыр – алтын.
- Аджалсыз ёлюм болмаз.
- Эрни эр этерик да, къара джер этерик да, тиширыуду.
- Джашлыкъ этмеген, башлыкъ этмез.
- Кийимни бичсенг, кенг бич, тар этген къыйын тюлдю.
- Къызны минг тилер, бир алыр.
- Ишленмеген джаш – джюгенсиз ат, ишленмеген къыз – тузсуз хант.
Ошибка!
Для просмотра темы введите ваши логин и пароль.Пожалуйста, авторизуйтесь: