- Аджашхан тёгерек айланыр.
- Тойчу джашха къарама, къойчу джашха къара.
- Ишлегенде эринме, ишде чолакъ кёрюнме.
- Байлыкъ келсе, акъыл кетер.
- Иги сеники эсе да, сюйген кесимикин этеме.
- Ана къойну – балагъа джандет.
- Ачлыкъда тары гырджын халыуадан татлы.
- Ашхы атаны – джашы ашхы, ашхы ананы – къызы ашхы.
- Байма, деб да, къууанма, джарлыма, деб да, джылама.
- Нарт сёз – тилни бети.
- Алма терегинден кери кетмез.
- Босагъа таш юйге кирмей эди, тыбыр таш эшикге чыкъмай эди.
- Къонакъ болсанг, ийнакъ бол.
- Хантына кёре тузу, юйюне кёре къызы.
- Башынга джетмегенни сорма.
- Эртде тургъан бла эртде юйленнген сокъуранмаз.
- Сакъламагъан затынга джолукъсанг, не бек къууанаса, не бек ачыйса.
- Къызын тута билмеген, тул этер, джашын тута билмеген, къул этер.
- Нёгерсизни джолу узун.
- Тилчи тилден къаныкъмаз.
- Джауумдан сора, кюн кюйдюрюр, ётюрюкден сора, айыб кюйдюрюр.
- Ауузу аманнга «иги», деме.
- Аман къатын алгъан, арыр, иги къатын алгъан джарыр.
- Джаш къарыу бла кючлю, къарт акъыл бла кючлю.
- Ачыкъ джюрекге джол – ачыкъ.
- Ашыкъгъан cуу, тенгизге джетмез.
- Джашлыкъ этмеген, башлыкъ этмез.
- Къарнынг тойгъунчу аша да, белинг талгъынчы ишле.
- Танг атмайма десе да, кюн къоярыкъ тюйюлдю.
- Кийимни бичсенг, кенг бич, тар этген къыйын тюлдю.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Башы джабылгъан челекге, кир тюшмез.
- Ашарыкъда сайлагъаннга – чий гырджын.
- Ашатыргъа иш – ашхы, ишлетирге аш – ашхы.
- Эр абынмай, эл танымаз.
- Джангыз терек къынгыр ёсер.
- Биреу ашаб къутулур, биреу джалаб тутулур.
- Чалманны аллы къалай башланса, арты да алай барады.
- Биреуге кёлтюрген таягъынг, кесинги башынга урур.
- Иги болса, тамадама – махтау, аман болса, меннге – айыб.
- Керти сёзге тёре джокъ.
- Юйлю уругъа ит чабмаз.
- Эки къатын алгъан – эки ташны ортасына башын салгъан.
- Джаз бир кюнню джатсанг, къыш талай кюнню абынырса.
- Къайтырыкъ эшигинги, къаты уруб чыкъма.
- Аджал соруб келмез, келсе, къайтыб кетмез.
- Билимли ёлмез, билимсиз кёрмез.
- Чомарт бергенин айтмаз.
- Джюрекден джюрекге джол барды.
- Адамны аманы адамны бети бла ойнар.
Ошибка!
Для просмотра темы введите ваши логин и пароль.Пожалуйста, авторизуйтесь: