- Кюлме джашха – келир башха.
- Татлы тилде – сёз ариу, чемер къолда – иш ариу.
- Таукелге нюр джауар.
- Байны оноуу, джарлыгъа джарамаз.
- Тилчиден кери бол.
- Узун джолну барсанг, бюгюн келирсе, къысха джолну барсанг, тамбла келирсе.
- Алгъанда – джууукъ, бергенде – джау.
- Ханы къызы буюгъа-буюгъа киштик болду.
- Азыгъы аз, алгъа къабар, аты аман, алгъа чабар.
- Къарыусузгъа кюлме, онгсузгъа тийме.
- Къонакъ кёб келюучю юйню, къазаны отдан тюшмез.
- Ичимден чыкъды хата, къайры барайым сата?
- Ашхы атаны – джашы ашхы, ашхы ананы – къызы ашхы.
- Иги адамны бир сёзю эки болмаз.
- Ёзденликни джайгъан – джокълукъ.
- Ишлегенде эринме, ишде чолакъ кёрюнме.
- Юре билмеген ит, къонакъ келтирир.
- Адамны сабийин сюйген джюреги, бычакъча, джитиди.
- Джаным-тиним – окъуу, билим.
- Суу ичген шауданынга тюкюрме.
- Кюн кёрмеген, кюн кёрсе, кюндюз чыракъ джандырыр.
- Элге къуллукъ этмеген, элге ие болмаз.
- Къалгъан ишге къар джауар.
- Джауумдан сора, кюн кюйдюрюр, ётюрюкден сора, айыб кюйдюрюр.
- Ата – баланы уясы.
- Эркишиге тары кебек танг кёрюнюр.
- Огъурлуну сёзю – суу, огъурсузну сёзю – уу.
- Мадар болса, къадар болур.
- Тёрени джагъы джокъ.
- Аджашханны ызындагъы кёреди, джангылгъанны джанындагъы биледи.
- Хар адамгъа кеси миннген тау кибик.
- Мал ёлсе, сюек къалыр, адам ёлсе, иши къалыр.
- Къууут – джелге, берне – бошха.
- Нарт сёз къарт болмаз.
- Билеги кючлю, бирни джыгъар, билими кючлю, мингни джыгъар.
- Чакъырылмагъан джерге барма, чакъырылгъан джерден къалма.
- Хар сёзню орну барды.
- Суугъа – чабакъ, къаягъа – ыргъакъ.
- Айранны сюйген, ийнек тутар.
- Кёкдеги болмаса, джердегин кёрмейди.
- Таукел тауну аудурур.
- Кёб джат да, бек чаб.
- Магъанасыз сёз – тауушсуз сыбызгъы.
- Ариу джол аджал келтирмез.
- Тойгъанлыкъ къойгъа джарашады.
- Биреуге аманлыкъны тилеме да, кесинге ашхылыкъны тиле.
- Джарлы джети элни сёзюн этер.
- «Ёгюз, джаргъа джууукъ барма, меннге джюк боллукъса», - дегенди эшек.
- Джиби бир къат джетмей эди да, эки къат тарта эди.
- Асхат ашлыкъ сата, юйдегиси ачдан къата.
Ошибка!
Для просмотра темы введите ваши логин и пароль.Пожалуйста, авторизуйтесь: