- Къызны минг тилер, бир алыр.
- Чакъырылмагъан къонакъ къачан кетерин сормаз.
- Акъыл бла адеб эгизледиле.
- Къыз чыгъаргъан – къызыл къымжа.
- Кёб ант этген, кёб ётюрюк айтыр.
- Эки къатын алгъан – эки ташны ортасына башын салгъан.
- Байлыкъ тауусулур, билим тауусулмаз.
- Таш ата билмеген, башына урур.
- Тойну къарнашы – харс, джырны къарнашы – эжиу.
- Байдан умут эте, джарлыдан ёгюз багъасы къорады.
- Хазыр ашха – терен къашыкъ.
- Келинни – келгинчи, бёркню кийгинчи кёр.
- Айырылмаз джууугъунга, унутмаз сёзню айтма.
- Сабыр джетер муратха, сабырсыз къалыр уятха.
- Къууут – джелге, берне – бошха.
- Аман эсирсе, юйюн ояр.
- Ауузу аманнга «иги», деме.
- Тели турса – той бузар.
- Кёб къычыргъандан – къоркъма, тынч олтургъандан – къоркъ.
- Къалгъан ишге къар джауар.
- Байны оноуу, джарлыгъа джарамаз.
- Джерни букъусу кёкге къонмаз.
- Къайгъы тюбю – тенгиз.
- Адамны бетине къарама, адетине къара.
- Уллу къазанда бишген эт, чий къалмаз.
- Окъ къызбайны джокълайды.
- Нёгер болсанг, тенг бол, тенг болмасанг, кенг бол.
- Къолунгдан къуймакъ ашатсанг да, атаны борчундан къутулмазса.
- Биреу ашаб къутулур, биреу джалаб тутулур.
- Кюн кёрмеген, кюн кёрсе, кюндюз чыракъ джандырыр.
- Арыгъан къош чамчы болур.
- Бал чибинни ургъаны – ачы, балы – татлы.
- Кимни – тили, тиши онглу, кимни – къолу, иши онглу.
- Биреуню къыйынлыгъы бла кесинге джол ишлеме.
- Аман киши кеси юйюнде – къонакъ.
- Уллу сёлешме да, уллу къаб.
- Аманны эки битли тону болур, бирин сеннге кийдирир, бирин кеси киер.
- Джети тилни билген джети кишиди.
- Кёзню ачылгъаны – иги, ауузну джабылгъаны – иги.
- Ач да бол, токъ да бол – намысынга бек бол.
- Къарнынг къанлынга кийирир.
- Къарнынг ауруса, ауузунгу тый
- Акъыл сабырлыкъ берир.
- Къыз келсе, джумуш эте келеди, къатын келсе, ушакъ эте келеди.
- Ётюрюкню къуйругъу – бир тутум.
- Дженгил джетерикме деб, узун джолну къоюб, къысхасын барма.
- Сакъалы текени да бар, мыйыгъы киштикни да бар.
- Душманны тышы – акъ, ичи – къара.
- Аман хансны – урлугъу кёб.
- Адам къаллай бир ишленмесе, аллай бир кесин уллу кёреди.
Ошибка!
Для просмотра темы введите ваши логин и пароль.Пожалуйста, авторизуйтесь: