- Намысы болмагъанны, сыйы болмаз.
- Намыс сатылыб алынмайды.
- Бёрю да ач къалмасын, эчки да ашалмасын.
- Сууда джау джокъ, кёб сёзде магъана джокъ.
- Юреннген ауруу къалмаз.
- Билген билмегенни юретген адетди.
- Мени джылытмагъан кюн, меннге тиймесин!
- Юй кюйдю да, кюйюз чыкъды, ортасындан тюйюш чыкъды.
- Атадан ёксюз – бир ёксюз, анадан ёксюз – эки ёксюз.
- Ишин билген, аны сыйын чыгъарады.
- Окъумагъан сокъурду, сокъур ташха абыныр!
- Эри аманны, къатыны – аман.
- Ёзденликни кёбю ётюрюк.
- Къонакъ аз олтурур, кёб сынар.
- Чабакъсыз кёлге къармакъ салгъанлыкъгъа, чабакъ тутмазса.
- Джылкъыдан – ат чыгъар, тукъумдан – джаш чыгъар.
- Хансыз джомакъ болмаз.
- Юре билмеген ит, къонакъ келтирир.
- Ишни ахырын ойламай, аллын башлама.
- Джарлы эскисин джамаса, къууаныр.
- Биреуге аманлыкъ этиб, кесинге игилик табмазса.
- Ачылгъан эт джабылыр, кёрген кёз унутмаз.
- Акъылсызны джууукъгъа алма, акъыллыны кенгнге салма.
- Чарсда алчыны эл кёреди.
- Азыгъы аз, алгъа къабар, аты аман, алгъа чабар.
- Джарашыу сюйген – джалынчакъ.
- Хар адамгъа кеси миннген тау кибик.
- Ашхы адам – халкъ байлыгъы, ашхы джер – джашау байлыгъы.
- Кёлю джокъну – джолу джокъ.
- Джуртун къоругъан озар.
- Юйюнгден чыкъдынг – кюнюнгден чыкъдынг.
- Аджаллыгъа окъсуз шкок атылыр.
- Къайгъы тюбю – тенгиз.
- Алтыда кюлмеген, алтмышда кюлмез.
- Билим къая тешер.
- Джарлыны тону джаз битер.
- Хар зат кесини орнуна иги.
- Чабакъгъа акъыл, табагъа тюшсе келеди.
- Бет бетге къараса, бет да джерге къарар.
- Керилген да, ургъан кибикди.
- Ашда уялгъан – мухар, ишде уялгъан – хомух.
- Ойнай билмеген, уруб къачар.
- Къонагъынгы артмагъын алма да, алгъышын ал.
- Юйюнг бла джау болгъандан эсе, элинг бла джау бол.
- Акъыллы айтыр эди, акъылсыз къоймайды.
- Сибиртки да сыйлы болду, кюрек да кюнлю болду.
- Дуния аламаты сен эсенг да, игиме деб айтма.
- Этим кетсе да, сюегим къалыр.
- Шекер бла туз – бир болмаз, ушамагъан – юй болмаз.
- Къозулугъунда тоймагъан, къойлугъунда тоймаз.
Ошибка!
Для просмотра темы введите ваши логин и пароль.Пожалуйста, авторизуйтесь: