- Зар адам ашынгы ашар, кесинги сатар.
- Аджал соруб келмез, келсе, къайтыб кетмез.
- Къолу уллу – асыу, аягъы уллу – джарсыу.
- Байдан умут эте, джарлыдан ёгюз багъасы къорады.
- Къыйынлы джети элге оноу этер.
- Кёпюр салгъан кеси ётер, уру къазгъан кеси кетер.
- Халкъны юйю – туугъан джери.
- Джиби бир къат джетмей эди да, эки къат тарта эди.
- От этилмеген джерден тютюн чыкъмайды.
- Байлыкъ келсе, акъыл кетер.
- Чакъырылмагъан къонакъ къачан кетерин сормаз.
- Джырчы джырчыгъа – къарнаш.
- Уллу къазанда бишген эт, чий къалмаз.
- Адамны джюреги нени кёрюрге сюйсе, кёзю да аны кёрюрге ёч болады.
- Урунуу – насыбны анасы.
- Ёксюзню къалачы уллу кёрюнюр.
- Тёзген – тёш ашар!
- Хата – гитчеден.
- Ойнай билмеген, уруб къачар.
- Тюкюрюк баш джармаз, налат кёз чыгъармаз!
- Ата джурт – алтын бешик.
- Иги болса, тамадама – махтау, аман болса, меннге – айыб.
- Аш хазыр болса, иш харам болур.
- Сабийликде юретмесенг, уллу болса – тюзелмез.
- Зар адамны насыбы болмаз.
- Акъыл аздырмаз, билим тоздурмаз.
- Эм ашхы къайын ана мамукъ бла башынгы тешер.
- Ётюрюкден тюбю джокъ, кёлтюрюрге джиби джокъ.
- Чалманны аллы къалай башланса, арты да алай барады.
- Ач отунчуну ачыуу – бурнунда.
- Аш берме да, къаш бер.
- Адамны бетине къарама, адетине къара.
- Ата Джуртун танымагъан, атасын да танымаз.
- Ёзденликни джайгъан – джокълукъ.
- Билимден уллу байлыкъ джокъду.
- Джогъун бар этген, барын бал этген.
- Джюрекден джюрекге джол барды.
- Ашхы болсанг, атынг чыгъар, аман болсанг, джанынг чыгъар.
- Окъдан джара эртде-кеч болса да бителир, сёз джара, ёмюрге къалыр.
- Сютню башын джалагъан къутулур, тюбюн ичген тутулур.
- Тойну къарнашы – харс, джырны къарнашы – эжиу.
- Къарыусузгъа кюлме, онгсузгъа тийме.
- Ачлыкъда тары гырджын халыуадан татлы.
- Булут кёкге джарашыу, уят бетге джарашыу.
- Мадар болса, къадар болур.
- Юре билмеген ит, къонакъ келтирир.
- Кёбден умут этиб, аздан къуру къалма.
- Джаш болсун, къыз болсун, акъылы, саны тюз болсун.
- Азыкъ аз болса, эртде орун сал.
- Биреуню эскиси биреуге джангы болмайды.
Ошибка!
Для просмотра темы введите ваши логин и пароль.Пожалуйста, авторизуйтесь: