- Аш кетер да бет къалыр.
- Хазыр ашха – терен къашыкъ.
- Чалманны аллы къалай башланса, арты да алай барады.
- Тау башында, тау болмаз, джангыз терек, бау болмаз.
- Уясында не кёрсе, учханында аны этер.
- Малны кют, джерни тюрт.
- Ишни ахырын ойламай, аллын башлама.
- Айтханы чапыракъдан ётмеген.
- Бозанг болмагъан джерге, къалагъынгы сукъма.
- Джюз элде джюз ёгюзюм болгъандан эсе, джюз джууугъум болсун.
- Ашхы атаны – джашы ашхы, ашхы ананы – къызы ашхы.
- Уллу сёзде уят джокъ.
- Билим – акъылны чырагъы.
- Тёзгеннге, джабылгъан эшик ачылыр.
- Нафысынгы айтханын этме, намысынгы айтханын эт.
- Къыйынлы джети элни къайгъысын этер.
- Таукел адам тау тешер.
- Тин – байлыгъынг, терен саулугъунг.
- Ойнай билмеген, оюн бузар.
- Сууда джау джокъ, кёб сёзде магъана джокъ.
- «Ёгюз, джаргъа джууукъ барма, меннге джюк боллукъса», - дегенди эшек.
- Терек ауса, отунчу – кёб.
- Джылыгъа джылан илешир.
- Байма, деб да, къууанма, джарлыма, деб да, джылама.
- Ашхы болсанг, атынг чыгъар, аман болсанг, джанынг чыгъар.
- Тили узунну, намысы – къысха.
- Чомартны къолун джокълукъ байлар.
- От этилмеген джерден тютюн чыкъмайды.
- Къошда джокъгъа – юлюш джокъ.
- Кеси юйюмде мен да ханма.
- Эртде тургъан бла эртде юйленнген сокъуранмаз.
- Тойгъан джерден туугъан джер игиди.
- Элде адам къалмаса, ит тахтагъа минер.
- Ёзденликни джайгъан – джокълукъ.
- Чакъырылмагъан къонакъ тёрге атламаз.
- Джарлыны эшигин махтагъан джабар.
- Игилик игилик бла сингдирилиучю затды.
- Итли къонакъ джарашмаз.
- Экеу тутушса, биреу джыгъылыр.
- Кесинге джетмегенни, кёб сёлешме.
- Аман къатын сабий табса, бий болур…
- Кюн кёрмеген, кюн кёрсе, кюндюз чыракъ джандырыр.
- Башланнган иш битер, къымылдагъан тиш тюшер.
- Адамны артындан къара сабан сюрме.
- Къазанчы аман болса, къазаны къайнамаз.
- Шайтан алдады, тюзлюк къаргъады.
- Джырчы ёлсе, джыры къалыр.
- Бек ашыкъгъан меннге джетсин, дегенди аракъы.
- Башсыз урчукъ тюзюне айланмаз.
- Уллу къашыкъ эрин джыртар.
Ошибка!
Для просмотра темы введите ваши логин и пароль.Пожалуйста, авторизуйтесь: