- Кёбден умут этиб, аздан къуру къалма.
- Иги адам абынса да, джангылмаз.
- Атадан ёксюз – бир ёксюз, анадан ёксюз – эки ёксюз.
- Мухарны эси – ашарыкъда.
- Аман адамны тепсинге олтуртсанг, къызынгы тилер.
- Окъугъанны бети джарыкъ.
- Хатерли къул болур.
- Керилген да, ургъан кибикди.
- Кёпюр салгъан кеси ётер, уру къазгъан кеси кетер.
- Арбаз къынгырды да, ийнек сауалмайма.
- Чабар ат – джетген къыз.
- Билген билмегенни юретген адетди.
- Айныгъанлы алты кюн, тогъайгъанлы тогъуз кюн.
- Ётюрюкню башын керти кесер.
- Къыз келсе, джумуш эте келеди, къатын келсе, ушакъ эте келеди.
- Чакъырылмагъан джерге барма, чакъырылгъан джерден къалма.
- Джиби бир къат джетмей эди да, эки къат тарта эди.
- Агъач халкъгъа алтынды, иссиликге салкъынды.
- Адебсиз адам – джюгенсиз ат.
- Сууда джау джокъ, кёб сёзде магъана джокъ.
- Аякъларынгы джууургъанынга кёре узат.
- Байдан умут эте, джарлыдан ёгюз багъасы къорады.
- Аш иеси бла татлыды.
- Таукел адам тау тешер.
- Эки къатын алгъан – эки ташны ортасына башын салгъан.
- Бир онгсуз адам адет чыгъарды, деб эштирик тюлсе.
- Кёзюнде тереги болгъан, чёбю болгъаннга кюле эди.
- Ауурну тюбю бла, дженгилни башы бла джюрюген.
- Адам къаллай бир ишленмесе, аллай бир кесин уллу кёреди.
- Ёгюзню мюйюзюнден тутадыла, адамны сёзюнден тутадыла.
- Джерни букъусу кёкге къонмаз.
- Хазыр ашха – терен къашыкъ.
- Ачылгъан эт джабылыр, кёрген кёз унутмаз.
- Биреуге аманлыкъны тилеме да, кесинге ашхылыкъны тиле.
- Акъыл сабырлыкъ берир.
- Тамчы таш тешер.
- Ёпкелегенни ашы татлы болады.
- Орундукъ тюбюнде атылсам да, орта джиликме, де да айлан.
- Ёксюзню тилеги къабыл болур.
- Кёб къычыргъандан – къоркъма, тынч олтургъандан – къоркъ.
- Байлыкъ адамны сокъур этер.
- Таукел къуру къалмаз.
- Тёзген – тёш ашар!
- Рысхысына кёре, джаш ёсер, къышлыгъына кёре, мал ёсер.
- Джогъун бар этген, барын бал этген.
- Ариу сёз аурууунгу алыр.
- Керти сёзге тёре джокъ.
- Ач къарынны, токъ билмез
- Бети – къучакълар, джюреги – бычакълар.
- Эллинг бла джау болсанг да, юйюнг бла джау болма.
Ошибка!
Для просмотра темы введите ваши логин и пароль.Пожалуйста, авторизуйтесь: