- Ишлегенден, къарагъан уста.
- Биреуню эскиси биреуге джангы болмайды.
- Баланы адам этген анады.
- Ана къолу ачытмаз.
- Айтхан – тынч, этген – къыйын.
- Джолунга кёре – джюрюшюнг, джагъанга кёре – юлюшюнг.
- Минг тенг да азды, бир джау да кёбдю.
- Ариу сёз джыланны орнундан чыгъарыр.
- Къарнынг тойгъунчу аша да, белинг талгъынчы ишле.
- Кёбден умут этиб, аздан къуру къалма.
- Джеринден айырылгъан – джети джылар, джуртундан айырылгъан – ёлгюнчю джылар.
- Бойнуму джети джерден кессенг да, мен ол ишни этеллик тюлме.
- Къан бла кирген, джан бла чыгъар.
- Сабыр джетер муратха, сабырсыз къалыр уятха.
- Биреуге кёлтюрген таягъынг, кесинги башынга урур.
- Билимсиз иш бармаз.
- Малны кют, джерни тюрт.
- Ким бла джюрюсенг, аны кёзю бла кёрюнюрсе.
- Къызбайны юйюне дери сюрсенг, батыр болур.
- Ауругъан – джашаудан умутчу.
- Джангызны оту джарыкъ джанмаз!
- Нарт сёз къарт болмаз.
- Адебни адебсизден юрен.
- Кёл – къызбай, къол – батыр.
- Игиге айтсанг – билир, аманнга айтсанг – кюлюр.
- Ишни ахырын ойламай, аллын башлама.
- Эл бла кёргенинг эрелей.
- Эте билген, этген этеди, эте билмеген, юретген этеди!
- Ёлюр джаннга, ёкюл джокъ.
- Ханы къызы буюгъа-буюгъа киштик болду.
- Хата – гитчеден.
- Садакъачыны джаны – къапчыгъында.
- Ауузу аманнга «иги», деме.
- Айныгъанлы алты кюн, тогъайгъанлы тогъуз кюн.
- Бюгюн дуния кибик, тамбла ахыратды.
- Уллу айтханны этмеген – уллаймаз.
- Байны къызы баймакъ болса да, юйде къалмаз!
- Хансыз джомакъ болмаз.
- Ашхы атаны – джашы ашхы, ашхы ананы – къызы ашхы.
- Тулпарлыкъ, билекден тюл – джюрекден.
- Къазанны башы ачыкъ болса, итге уят керекди.
- Эл ауузу – элия.
- Олтуруб кёрюнмей эди да, ёрге туруб кёрюне эди.
- Тау башында, тау болмаз, джангыз терек, бау болмаз.
- Болджал ишни бёрю ашар.
- Хатерли къул болур.
- Тешигини къатында, чычхан да батыр болур.
- Тюзлюк тас болмайды.
- Арба аугъандан сора, джол кёргюзтюучю кёб болур.
- Аш иеси бла татлыды.
Ошибка!
Для просмотра темы введите ваши логин и пароль.Пожалуйста, авторизуйтесь: