- Терслик кетер, тюзлюк джетер.
- Аманнга игилик этсенг, юйюнге сау бармазса.
- Джашда акъыл джокъ, къартда къарыу джокъ.
- Адам боллукъ, атламындан белгили болур.
- Тамырсыз терекге таянма – джыгъылырса.
- Аманнга да, игиге да оноусуз къатышма.
- Кюн кёрмеген, кюн кёрсе, кюндюз чыракъ джандырыр.
- Тойгъандан сора, ашны сёкме.
- Айырылмаз джууугъунга, унутмаз сёзню айтма.
- Аман киши кеси юйюнде – къонакъ.
- Билимден уллу байлыкъ джокъду.
- Башланнган иш битер, къымылдагъан тиш тюшер.
- Игини сыйлагъан адетди.
- Тил – кесген бычакъ, сёз – атылгъан окъ.
- Эки итни арасына сюек атма, эки адамны арасында сёз чыгъарма.
- Ат да турмайды бир териде.
- Шайтан алдады, тюзлюк къаргъады.
- Ашхы атаны – джашы ашхы, ашхы ананы – къызы ашхы.
- Ата – билек, ана – джюрек!
- Абынмазлыкъ аякъ джокъ, джангылмазлыкъ джаякъ джокъ.
- Ауругъаннга – кийик саулукъ, джетген къызгъа – чилле джаулукъ.
- Къая джолда джортма, ачыкъ сёзден къоркъма.
- Таула не мийик болсала да, аууш табылыр.
- Намыс сатылыб алынмайды.
- Душманны тышы – акъ, ичи – къара.
- Халкъны юйю – туугъан джери.
- Адамны бетине къарама, адетине къара.
- Халкъгъа джарагъан, джарлы къалмаз.
- Башынга джетмегенни сорма.
- Къолу уллу – асыу, аягъы уллу – джарсыу.
- Арыгъан къош чамчы болур.
- Бойнуму джети джерден кессенг да, мен ол ишни этеллик тюлме.
- Эртде тургъан джылкъычыны эркек аты тай табар.
- Кюл тюбюндеги от кёрюнмейди.
- Къазанда болса, чолпугъа чыгъар.
- Эшекге миннген – биринчи айыб, андан джыгъылгъан – экинчи айыб.
- Туз, гырджын аша, тюзлюк бла джаша.
- Гыдай эчки суугъа къараб, мюйюзле кёрмесе, джашма алкъын, дегенди.
- Аджал соруб келмез, келсе, къайтыб кетмез.
- Эл ауузу – элия.
- Ойнай билмеген, оюн бузар.
- Рысхы джалгъанды: келген да этер, кетген да этер.
- Кёб ант этген, кёб ётюрюк айтыр.
- Сабийни джумушха джибер да, ызындан бар.
- Акъыл къартда, джашда тюйюлдю – башдады.
- Накъырда – кертини келечиси.
- Адамгъа аман кюн соруб келмейди.
- Иги джашны ышаны – аз сёлешиб, кёб тынгылар.
- Урунуу – насыбны анасы.
- Алма терегинден кери кетмез.
Ошибка!
Для просмотра темы введите ваши логин и пароль.Пожалуйста, авторизуйтесь: