- Аман киши кеси юйюнде – къонакъ.
- Аш иеси бла татлыды.
- Ёлюк кебинсиз къалмаз.
- Къолунгдан къуймакъ ашатсанг да, атаны борчундан къутулмазса.
- Ата Джуртуму башы болмасам да, босагъасында ташы болайым.
- Джумушакъ сёз къаты таякъны сындырыр.
- Ётюрюкчюню шагъаты – къатында.
- Ашарыкъда сайлагъаннга – чий гырджын.
- Экеулен сёлеше тура эселе, орталарына барыб кирме.
- Босагъа таш юйге кирмей эди, тыбыр таш эшикге чыкъмай эди.
- Эртде тургъан бла эртде юйленнген сокъуранмаз.
- Ашхы болсанг, атынг чыгъар, аман болсанг, джанынг чыгъар.
- Къарнынг тойгъунчу аша да, белинг талгъынчы ишле.
- Бал ашаргъа сюе эсенг, чибин ургъаннга тёз.
- Къумурсхала джыйылсала, пилни да джыгъадыла.
- Ат да турмайды бир териде.
- Къууут – джелге, берне – бошха.
- Ашхы тенг джолгъа салыр, аман тенг джолдан тайдырыр.
- Къартха ушагъан джаш – акъыллы, джашха ушагъан къарт – тели.
- Ёлмесенг да, къарт дамы болмазса?
- Баш – акъыл ючюн, акъылман – халкъ ючюн.
- Мен да «сен», дейме, сен да «кесим», дейсе.
- Мухарны эси – ашарыкъда.
- Джюрекден джюрекге джол барды.
- Гугурук къычырмаса да, тангны атары къалмаз.
- Ата джурт – алтын бешик.
- Тиширыусуз юй – отсуз от джагъа.
- Ариу – кёзге, акъыл – джюрекге.
- Къатыны харакетли болса, эри къымсыз болур.
- Ётюрюкден тюбю джокъ, кёлтюрюрге джиби джокъ.
- Къайгъы тюбю – тенгиз.
- Бир онгсуз адам адет чыгъарды, деб эштирик тюлсе.
- Аш хазыр болса, иш харам болур.
- Эркишиге тары кебек танг кёрюнюр.
- Алма терегинден кери кетмез.
- Биреуню къыйынлыгъы бла кесинге джол ишлеме.
- Эркиши – от, тиширыу – суу.
- Билимсиз иш бармаз.
- Ёгюзню мюйюзюнден тутадыла, адамны сёзюнден тутадыла.
- Ата – билек, ана – джюрек!
- Кесинг сынамагъан затны, адамгъа буюрма.
- Джиби бир къат джетмей эди да, эки къат тарта эди.
- Эр сокъур болсун, къатын тилсиз болсун.
- Къайтырыкъ эшигинги, къаты уруб чыкъма.
- Аз сёлешген, къайгъысыз турур.
- Чыкълы кюнде чыкъмагъан, чыкъса къуру кирмеген.
- Ёзденликни джайгъан – джокълукъ.
- Эм ашхы къайын ана мамукъ бла башынгы тешер.
- Джангызны оту джарыкъ джанмаз!
- Кёрмегеннге кебек – танг, битмегеннге сакъал – танг.
Ошибка!
Для просмотра темы введите ваши логин и пароль.Пожалуйста, авторизуйтесь: