- Адам сёзге тынгыла, акъыл сёзню ангыла.
- Босагъагъа джууукъ орун болса, ашыгъыб тёрге озма.
- Таула не мийик болсала да, аууш табылыр.
- Ашхылыкъ джерде джатмайды, аманлыкъ суугъа батмайды.
- Ач къарным, тынч къулагъым.
- Кёбден умут этиб, аздан къуру къалма.
- Олтуруб кёрюнмей эди да, ёрге туруб кёрюне эди.
- Къартны бурнун сюрт да, оноугъа тут.
- Урама да – ёледи, сатама да – келеди.
- Ата – баланы уясы.
- Тас болгъан бычакъны сабы – алтын.
- Эте билген, этген этеди, эте билмеген, юретген этеди!
- Билимли ёлмез, билимсиз кёрмез.
- Окъумагъан сокъурду, сокъур ташха абыныр!
- Нарт сёз – тилни бети.
- Айтхан – тынч, этген – къыйын.
- Иги адам абынса да, джангылмаз.
- Келгинчи, къонакъ уялыр, келгенден сора, къонакъбай уялыр.
- Кесинг сынамагъан затны, адамгъа буюрма.
- Аман эсирсе, юйюн ояр.
- Юре билмеген ит, къонакъ келтирир.
- Тил джюрекге джол ишлейди.
- Атынг аманнга чыкъгъандан эсе, джанынг тамагъынгдан чыкъсын.
- Тилсиз миллет джокъ болур.
- Ачыу алгъа келсе, акъыл артха къалады.
- Кийим тукъум сордурур.
- От этилмеген джерден тютюн чыкъмайды.
- Сабийликде юретмесенг, уллу болса – тюзелмез.
- Иги сёз – джаннга азыкъ, аман сёз башха – къазыкъ.
- Кютгени беш эчки, сызгъыргъаны уа, джерни джарады.
- Адебни адебсизден юрен.
- Ат басханны джер билед.
- Ойнай билмеген, оюн бузар.
- Кёлсюзден сёзсюз тууар.
- Джаханимни кёрмей, джандетге кёл салмазса.
- Ач, тоймам, дейди, тойгъан, ач болмам, дейди.
- Къонакъны къачан кетерин сорма, къачан келлигин сор.
- Гугук кесини атын айтыб къычыргъанча, мен, мен деб нек тураса?
- Азыгъы аз, алгъа къабар, аты аман, алгъа чабар.
- Эр абынмай, эл танымаз.
- Бичгенде ашыкъма, тикгенде ашыкъ.
- Хатерли къул болур.
- Мени джылытмагъан кюн, меннге тиймесин!
- Кийимни бичсенг, кенг бич, тар этген къыйын тюлдю.
- Ашхы – джыяр, аман – джояр.
- Тенгинг джокъ эсе – изле, бар эсе – сакъла!
- Ёгюзню мюйюзлери ауурлукъ этмейдиле.
- Эки къатын алгъан – эки ташны ортасына башын салгъан.
- Бермеген къол, алмайды.
- Айтылгъан буйрукъ, сёгюлмез
Ошибка!
Для просмотра темы введите ваши логин и пароль.Пожалуйста, авторизуйтесь: