- Ариу джол аджал келтирмез.
- Билгенни къолу къарны джандырыр.
- Билимден уллу байлыкъ джокъду.
- Мен да «сен», дейме, сен да «кесим», дейсе.
- Джукъу тёшек сайламайды.
- Эрни эр этерик да, къара джер этерик да, тиширыуду.
- Къыз чыгъаргъан – къызыл къымжа.
- Акъыллы айтыр эди, акъылсыз къоймайды.
- Ана къойну – балагъа джандет.
- Ханнга да келеди хариблик.
- Таукел тауну аудурур.
- Эки ойлашыб, бир сёлешген.
- Къатыны харакетли болса, эри къымсыз болур.
- Халкъны джырын джырласанг, халкъ санга эжиу этер.
- Бал – татлы, балдан да бала – татлы.
- Кийимни бир кюнню аясанг, минг кюннге джарар.
- Телиге акъыл салгъандан эсе, ёлгеннге джан салырса.
- Мени джылытмагъан кюн, меннге тиймесин!
- Алма терегинден кери кетмез.
- Джыгъылгъанны сырты джерден тоймаз.
- Ач келгенни – тойдур, кеч келгенни – къондур.
- Чомарт къолда мал къалмаз.
- Азыкъ аз болса, эртде орун сал.
- Ачыу алгъа келсе, акъыл артха къалады.
- Джюрек кёзден алгъа кёрюр.
- Тулпарлыкъ, билекден тюл – джюрекден.
- Зарда марда джокъ.
- Арба аугъандан сора, джол кёргюзтюучю кёб болур.
- Къазанны башы ачыкъ болса, итге уят керекди.
- Тойгъанлыкъ къойгъа джарашады.
- Ариу – кёзге, акъыл – джюрекге.
- Сёз садакъдан кючлюдю.
- Уллу сёлешме да, уллу къаб.
- Джаш болсун, къыз болсун, акъылы, саны тюз болсун.
- Чыкълы кюнде чыкъмагъан, чыкъса къуру кирмеген.
- Юйюнг бла джау болгъандан эсе, элинг бла джау бол.
- Ачлыкъда тары гырджын халыуадан татлы.
- Кийимни бичсенг, кенг бич, тар этген къыйын тюлдю.
- Аджалсыз ёлюм болмаз.
- Рысхы – сют юсюнде кёмюк кибикди.
- Керек ташны ауурлугъу джокъ.
- Джаз бир кюнню джатсанг, къыш талай кюнню абынырса.
- Ач – эснер, ат – кишнер.
- Къар – келтирди, суу – элтди.
- Къонагъынгы артмагъын алма да, алгъышын ал.
- Уллу суу бла уллу ауруудан башынгы сакъла.
- Ашлыкъны арба юйге келтирир, чана базаргъа элтир.
- Окъдан джара эртде-кеч болса да бителир, сёз джара, ёмюрге къалыр.
- Кёзюнде тереги болгъан, чёбю болгъаннга кюле эди.
- Таукелге нюр джауар.
Ошибка!
Для просмотра темы введите ваши логин и пароль.Пожалуйста, авторизуйтесь: