- Шекер бла туз – бир болмаз, ушамагъан – юй болмаз.
- Экеулен сёлеше тура эселе, орталарына барыб кирме.
- Джашынгы кесинг юретмесенг, джашау юретир.
- Таугъа чыгъаллыкъ эсенг, тюзде къалма.
- Иши джокъну, сыйы джокъ.
- Эте билген, этген этеди, эте билмеген, юретген этеди!
- Атлыны ашхысы, ат тизгининден билинир
- Тёрени джагъы джокъ.
- Джыйырма къойну юч джыйырма эбзе кюте эди.
- Ач, тоймам, дейди, тойгъан, ач болмам, дейди.
- Минг тенг да азды, бир джау да кёбдю.
- Тёзген – тёш ашар!
- Иги джашны ышаны – аз сёлешиб, кёб тынгылар.
- Ишленмеген джаш – джюгенсиз ат, ишленмеген къыз – тузсуз хант.
- Бермеген къол, алмайды.
- Аманны эки битли тону болур, бирин сеннге кийдирир, бирин кеси киер.
- Ауузу аманнга «иги», деме.
- Бал ашаргъа сюе эсенг, чибин ургъаннга тёз.
- Айырылмаз джууугъунга, унутмаз сёзню айтма.
- Айтхан – тынч, этген – къыйын.
- Къыз тиширыу кеси юйюнде да къонакъды.
- Ауузу бла къуш тута айланады.
- Эки ойлашыб, бир сёлешген.
- Тик ёргени, тик энгишгеси да болады.
- Халкъны юйю – туугъан джери.
- Айтылгъан буйрукъ, сёгюлмез
- Башсыз урчукъ тюзюне айланмаз.
- Джырчы джырчыгъа – къарнаш.
- Къонакъ хазыр болгъанлыкъгъа, къонакъбай хазыр тюлдю.
- Джиби бир къат джетмей эди да, эки къат тарта эди.
- Иги бла джюрюсенг, джетерсе муратынга, аман бла джюрюсенг, къалырса уятха.
- Элде адам къалмаса, ит тахтагъа минер.
- Тилчиден кери бол.
- Атынг аманнга чыкъгъандан эсе, джанынг тамагъынгдан чыкъсын.
- Чёбню кёлтюрсенг, тюбюнден сёз чыгъар.
- Телиге акъыл салгъандан эсе, ёлгеннге джан салырса.
- Эл тойса, тоймагъан, эл къойса, къоймагъан.
- Джетген къыз джерли эшекни танымаз.
- Къозулугъунда тоймагъан, къойлугъунда тоймаз.
- Таш ата билмеген, башына урур.
- Адам боллукъ, атламындан белгили болур.
- Къарыусузгъа кюлме, онгсузгъа тийме.
- Айныгъанлы алты кюн, тогъайгъанлы тогъуз кюн.
- Сабийни джумушха джибер да, ызындан бар.
- Акъыл къартда, джашда тюйюлдю – башдады.
- Тил джюрекге джол ишлейди.
- Ётюрюкден тюбю джокъ, кёлтюрюрге джиби джокъ.
- Накъырда – кертини келечиси.
- Чомартны къолун джокълукъ байлар.
- Окъугъан озар, окъумагъан тозар.
Ошибка!
Для просмотра темы введите ваши логин и пароль.Пожалуйста, авторизуйтесь: