- Аманны тукъумуна къарама, игини тукъумун сорма.
- Эски джаугъа ышанма.
- Кёлсюзден сёзсюз тууар.
- Къайтырыкъ эшигинги, къаты уруб чыкъма.
- Ёгюзню мюйюзюнден тутадыла, адамны сёзюнден тутадыла.
- Бал ашаргъа сюе эсенг, чибин ургъаннга тёз.
- Босагъа таш юйге кирмей эди, тыбыр таш эшикге чыкъмай эди.
- Билмегенинги, билгеннге сор.
- Орну джокъну – сыйы джокъ.
- Терслик кетер, тюзлюк джетер.
- Сёлеш деб шай берген, тохта деб, сом берген.
- Биреу ашаб къутулур, биреу джалаб тутулур.
- Тилде сюек болмаса да, сюек сындырыр.
- Кёл ашады да, кеси ашады.
- Кёб джат да, бек чаб.
- Бозанг болмагъан джерге, къалагъынгы сукъма.
- Къатын къылыкъсыз, эр тынчлыкъсыз.
- Аурууну келиую тынч, кетиую – къыйын.
- Таугъа чыгъаллыкъ эсенг, тюзде къалма.
- Биреуню тёрюнден, кесинги эшик артынг игиди.
- Джан саулукъ бермей, сан саулукъ бермезсе.
- Гырджын – тепсини тамадасы.
- Хата – гитчеден.
- Игилик игилик бла сингдирилиучю затды.
- Аш берме да, къаш бер.
- Кечеси – аяз, кюню – къыш, джарлы къаргъагъа бир аш тюш!
- Ёгюзню мюйюзлери ауурлукъ этмейдиле.
- Ашда – бёрю, ишде – ёлю.
- Чыбыкълыкъда бюгюлмеген, къазыкълыкъда бюгюлмей эди.
- Мал ёлсе, сюек къалыр, адам ёлсе, иши къалыр.
- Джашны джигитлиги сорулур, къызны джигерлиги сорулур.
- Ишленмеген джаш – джюгенсиз ат, ишленмеген къыз – тузсуз хант.
- Сёз къанатсыз учар.
- Джиби бир къат джетмей эди да, эки къат тарта эди.
- Ханы къызы буюгъа-буюгъа киштик болду.
- Тик ёргени, тик энгишгеси да болады.
- Гугурук къычырмаса да, тангны атары къалмаз.
- Адам сёзге тынгыла, акъыл сёзню ангыла.
- Келинни – келгинчи, бёркню кийгинчи кёр.
- Адебсиз адам – джюгенсиз ат.
- Хунаны тюбюн къазсанг, юсюнге ауар.
- Эшекни не къадар тюйсенг да, ат болмаз.
- Чабакъсыз кёлге къармакъ салгъанлыкъгъа, чабакъ тутмазса.
- Аз сёлеш, кёб ишле.
- Тенги кёбню джау алмаз, акъылы кёбню дау алмаз.
- Тынгылагъан тынгы бузар.
- Къазанны башы ачыкъ болса, итге уят керекди.
- Тюзлюк тас болмайды.
- Агъач – джерни чырайы, кийим – эрни чырайы.
- Байлыкъ болгъан джерде, тынчлыкъ джокъду.
Ошибка!
Для просмотра темы введите ваши логин и пароль.Пожалуйста, авторизуйтесь: