- Адамны аты башхача, акъылы да башхады.
- Ачлыкъ отха секиртир.
- Башсыз урчукъ тюзюне айланмаз.
- Биреуге аманлыкъны тилеме да, кесинге ашхылыкъны тиле.
- Билмейме деген – бир сёз
- Нёгерсизни джолу узун.
- Шайтан алдады, тюзлюк къаргъады.
- Ёнгкюч къууана барыр, джылай келир.
- Сёз садакъдан кючлюдю.
- Бек анасы джыламаз.
- Тенгинг джокъ эсе – изле, бар эсе – сакъла!
- Ач къалгъандан, кеч къалгъан къолай.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Тилсиз миллет джокъ болур.
- Босагъагъа джууукъ орун болса, ашыгъыб тёрге озма.
- Къарын къуру болса, джюрек уру болур.
- Аджашхан тёгерек айланыр.
- Адам сёзге тынгыла, акъыл сёзню ангыла.
- Уллу айтханны этмеген – уллаймаз.
- Ач келгенни – тойдур, кеч келгенни – къондур.
- Ач къарным, тынч къулагъым.
- Ата Джуртча джер болмаз, туугъан элча эл болмаз.
- Къартны сыйын кёрмеген, къартлыгъында сыйлы болмаз.
- Эл бла кёргенинг эрелей.
- Къонакъ аман болса, къонакъбай джунчур
- Аманнга алтын чыдамаз.
- Керти сёзге тёре джокъ.
- Ётюрюкчюню шагъаты – къатында.
- Айыбны суу бла джууалмазса.
- Ат да турмайды бир териде.
- Садакъачыны джаны – къапчыгъында.
- Ётюрюкден тюбю джокъ, кёлтюрюрге джиби джокъ.
- Таугъа чыгъаллыкъ эсенг, тюзде къалма.
- Кютгени беш эчки, сызгъыргъаны уа, джерни джарады.
- Аман киши кеси юйюнде – къонакъ.
- Биреуню тёрюнден, кесинги эшик артынг игиди.
- Эки ойлашыб, бир сёлешген.
- Ашына кёре табагъы, балына кёре къалагъы.
- Ариу сёзде ауруу джокъ.
- Соргъан айыб тюлдю, билмеген айыбды.
- Битмегеннге сакъал – танг.
- Ариу – кёзге, акъыл – джюрекге.
- Эм ашхы къайын ана мамукъ бла башынгы тешер.
- Ашхы тенг джолгъа салыр, аман тенг джолдан тайдырыр.
- Ауурну тюбю бла, дженгилни башы бла джюрюген.
- Махтаннган къыз, тойда джукълар.
- Элиб деген, элге болушур.
- Асхат ашлыкъ сата, юйдегиси ачдан къата.
- Къыйынлы джети элни къайгъысын этер.
- Мухарны эси – ашарыкъда.
Ошибка!
Для просмотра темы введите ваши логин и пароль.Пожалуйста, авторизуйтесь: