- Ач келгенни – тойдур, кеч келгенни – къондур.
- Къыз чыгъаргъан – къызыл къымжа.
- Джылар джаш, атасыны сакъалы бла ойнар.
- Хата – гитчеден.
- Ёнгкюч къууана барыр, джылай келир.
- Ашхы тенг джолгъа салыр, аман тенг джолдан тайдырыр.
- Оюмсуз атлагъан, аджалсыз ёлюр.
- Джюрек кёзден алгъа кёрюр.
- Эл элде бирер малынг болгъандан эсе, бирер тенгинг болсун.
- Келгинчи, къонакъ уялыр, келгенден сора, къонакъбай уялыр.
- Абынмазлыкъ аякъ джокъ, джангылмазлыкъ джаякъ джокъ.
- Джаш къарыу бла кючлю, къарт акъыл бла кючлю.
- Терслик кетер, тюзлюк джетер.
- Акъыллы эркиши атын махтар, акъылсыз эркиши къатынын махтар.
- Билими азны – ауузунда кирит.
- Кюлме джашха – келир башха.
- Эли джокъну – кёлю джокъ.
- Ашхы сёз таш тешер.
- Джолунга кёре – джюрюшюнг, джагъанга кёре – юлюшюнг.
- Халкъны юйю – туугъан джери.
- Таукел тауну аудурур.
- Гыдай эчки суугъа къараб, мюйюзле кёрмесе, джашма алкъын, дегенди.
- Дуния мал дунияда къалады.
- Сакъ юйюне сау барыр.
- Тынгылагъан тынгы бузар.
- Билген билмегенни юретген адетди.
- Кёзден кетген, кёлден да кетеди.
- Билмегенинги, билгеннге сор.
- Ашхы болсанг, атынг чыгъар, аман болсанг, джанынг чыгъар.
- Арыгъан къош чамчы болур.
- Тик ёргени, тик энгишгеси да болады.
- Кюн кёрмеген, кюн кёрсе, кюндюз чыракъ джандырыр.
- Окъугъанны бети джарыкъ.
- Акъыл къартда, джашда тюйюлдю – башдады.
- Чабакъсыз кёлге къармакъ салгъанлыкъгъа, чабакъ тутмазса.
- Ариу сёз джыланны орнундан чыгъарыр.
- Аджашханны ызындагъы кёреди, джангылгъанны джанындагъы биледи.
- Къатын байлыкъны сюер, эр саулукъну сюер.
- Чомартха Тейри да борчлуду.
- Алма терегинден кери кетмез.
- Насыб бютеу халкъны юлюшюдю.
- Тамырсыз терекге таянма – джыгъылырса.
- Мал кёб болса, джууукъ кёб болур.
- Ач къарынны, токъ билмез
- Къарт болгъан джерде, берекет болур, сабий болгъан джерде, оюн болур.
- Чыбыкълыкъда бюгюлмеген, къазыкълыкъда бюгюлмей эди.
- Джарлыны эшигин махтагъан джабар.
- Ата Джуртча джер болмаз, туугъан элча эл болмаз.
- Аз сёлешген, къайгъысыз турур.
- Юйлю уругъа ит чабмаз.
Ошибка!
Для просмотра темы введите ваши логин и пароль.Пожалуйста, авторизуйтесь: