- Тилчи тилден къаныкъмаз.
- Узун джолну барсанг, бюгюн келирсе, къысха джолну барсанг, тамбла келирсе.
- Кесине гебен этелмеген, биреуге черен эте эди.
- Кёб ант этген, кёб ётюрюк айтыр.
- Сёз садакъдан кючлюдю.
- Аууздан келген, къолдан келсе, ким да патчах болур эди.
- Аджашхан тёгерек айланыр.
- Тилчиден кери бол.
- Айран ичген – къутулду, джугъусун джалагъан – тутулду.
- Намысы болмагъанны, сыйы болмаз.
- Эри аманны, къатыны – аман.
- Адамгъа аман кюн соруб келмейди.
- Ойнай билмеген, уруб къачар.
- Ата Джуртун танымагъан, атасын да танымаз.
- Таула не мийик болсала да, аууш табылыр.
- Абынмазлыкъ аякъ джокъ, джангылмазлыкъ джаякъ джокъ.
- Телиге акъыл салгъандан эсе, ёлгеннге джан салырса.
- Нёгер болсанг, тенг бол, тенг болмасанг, кенг бол.
- Намысы джокъну – дуниясы джокъ.
- Къошда джокъгъа – юлюш джокъ.
- Татлы тилде – сёз ариу, чемер къолда – иш ариу.
- Къарт айтханны этмеген, къартаймаз.
- Байдан умут эте, джарлыдан ёгюз багъасы къорады.
- Атынг аманнга чыкъгъандан эсе, джанынг тамагъынгдан чыкъсын.
- Сабий кёргенин унутмаз.
- Джарлы джети элни сёзюн этер.
- Къарын къуру болса, джюрек уру болур.
- Акъыл бла адеб эгизледиле.
- Тюкюрюк баш джармаз, налат кёз чыгъармаз!
- Иги бла джюрюсенг, джетерсе муратынга, аман бла джюрюсенг, къалырса уятха.
- Тойгъанлыкъ къойгъа джарашады.
- Джырчы ёлсе, джыры къалыр.
- Ачлыкъ отха секиртир.
- Эл ауузу – элек, анга ийнаннган – халек.
- Окъугъан озар, окъумагъан тозар.
- Джашда акъыл джокъ, къартда къарыу джокъ.
- Байлыкъ адамны сокъур этер.
- Бир абыннган – минг сюрюнюр.
- Ётюрюкню башын керти кесер.
- Бал – татлы, балдан да бала – татлы.
- Башда акъыл болмаса, эки аякъгъа кюч джетер.
- Аш кетер да бет къалыр.
- Джашынгы кесинг юретмесенг, джашау юретир.
- Биреуге кёлтюрген таягъынг, кесинги башынга урур.
- Ишин билген, аны сыйын чыгъарады.
- Ач отунчуну ачыуу – бурнунда.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Эр сокъур болсун, къатын тилсиз болсун.
- Джаханимни кёрмей, джандетге кёл салмазса.
- Атлыны кёрсе, джаяуну буту талыр.
Ошибка!
Для просмотра темы введите ваши логин и пароль.Пожалуйста, авторизуйтесь: