- Тилсиз миллет джокъ болур.
- Таш бла ургъанны, аш бла ур.
- Илму – джашауну джолу.
- Бёрю да ач къалмасын, эчки да ашалмасын.
- Аш берме да, къаш бер.
- Къатын къылыкъсыз, эр тынчлыкъсыз.
- Ашатыргъа иш – ашхы, ишлетирге аш – ашхы.
- Рысхы – сют юсюнде кёмюк кибикди.
- Джумушакъ сёз къаты таякъны сындырыр.
- Суугъа – таянма, джаугъа – ийнанма.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Кютгени беш эчки, сызгъыргъаны уа, джерни джарады.
- Аякъларынгы джууургъанынга кёре узат.
- Кёбден умут этиб, аздан къуру къалма.
- Акъыллы – эл иеси, тели – эл баласы.
- Алгъанда – джууукъ, бергенде – джау.
- Кёл ашады да, кеси ашады.
- Джылыгъа джылан илешир.
- Аз сёлешген, къайгъысыз турур.
- Сабыр джетер муратха, сабырсыз къалыр уятха.
- Игилик игилик бла сингдирилиучю затды.
- Сагъышы джокъ – джукъучу, акъылы джокъ – къаугъачы.
- Аш иеси бла татлыды.
- Чыкълы кюнде чыкъмагъан, чыкъса къуру кирмеген.
- Эте билген, этген этеди, эте билмеген, юретген этеди!
- Адам боллукъ, атламындан белгили болур.
- Кёб ант этген, кёб ётюрюк айтыр.
- Ётюрюкчюню шагъаты – къатында.
- Эки элинги тыйсанг, джети элде махталырса.
- Онгсузну – джакъла, тенгликни – сакъла.
- Къолунгдан къуймакъ ашатсанг да, атаны борчундан къутулмазса.
- Къозулугъунда тоймагъан, къойлугъунда тоймаз.
- Бозаны арты дауур болур.
- Къалгъан ишге къар джауар.
- Эл бла кёргенинг эрелей.
- Аман киши кеси юйюнде – къонакъ.
- Эр абынмай, эл танымаз.
- Джылкъыдан – ат чыгъар, тукъумдан – джаш чыгъар.
- Аманнга да, игиге да оноусуз къатышма.
- Башы ишлегенни, ауузу да ишлер.
- Тик ёргени, тик энгишгеси да болады.
- Джашынгы кесинг юретмесенг, джашау юретир.
- Ачлыкъ отха секиртир.
- Сууда джау джокъ, кёб сёзде магъана джокъ.
- Ойнаб айтсанг да, эслеб айт.
- Термилгенинги табмазса, кюлгенинге тюберсе.
- Эркишини аманы тиширыуну джылатыр.
- Ариу – кёзге, акъыл – джюрекге.
- Гыдай эчки суугъа къараб, мюйюзле кёрмесе, джашма алкъын, дегенди.
- Тыш элде солтан болгъандан эсе, кесинги элде олтан болгъан игиди!
Ошибка!
Для просмотра темы введите ваши логин и пароль.Пожалуйста, авторизуйтесь: