- Ётюрюкню башын керти кесер.
- Башланнган иш битер, къымылдагъан тиш тюшер.
- Биреу къой излей, биреу той излей.
- Аш берме да, къаш бер.
- Кесине гебен этелмеген, биреуге черен эте эди.
- Байлыкъ болгъан джерде, тынчлыкъ джокъду.
- Тынгылагъан тынгы бузар.
- Ариу сёзде ауруу джокъ.
- Ашаса, ашамаса да, бёрюню ауузу – къан.
- Тамчы таш тешер.
- Аз айтсам, кёб ангылагъыз.
- Адам сёзге тынгыла, акъыл сёзню ангыла.
- Ушамагъан – джукъмаз.
- Билгенни къолу къарны джандырыр.
- Чомарт къонакъ юй иесин сыйлар.
- Чомартха хар кюн да байрамды.
- Биреуню тёрюнден, кесинги эшик артынг игиди.
- Нарт сёз – тилни бети.
- Мухарны эси – ашарыкъда.
- Кёл – къызбай, къол – батыр.
- Борчунг бар эсе, хурджунунга ойлаб узал.
- Къонакъ аман болса, къонакъбай джунчур
- Ачны эсинде – аш.
- Джырына кёре эжиую.
- Бозаны арты дауур болур.
- Ёнгкюч къууана барыр, джылай келир.
- Дуния аламаты сен эсенг да, игиме деб айтма.
- Ётюрюкчюню шагъаты – къатында.
- Бек ашыкъгъан меннге джетсин, дегенди аракъы.
- Уллу сёлешме да, уллу къаб.
- Иесиз малны бёрю ашар.
- Нёгер болсанг, тенг бол, тенг болмасанг, кенг бол.
- Агъач халкъгъа алтынды, иссиликге салкъынды.
- Къарын къуру болса, джюрек уру болур.
- Билген билмегенни юретген адетди.
- Сабийликде юретмесенг, уллу болса – тюзелмез.
- Джаралыны джастыгъында сау ёлюр.
- Бастасын ашагъан, хантусун да ичер.
- Суу ичген шауданынга тюкюрме.
- Эркишиге тары кебек танг кёрюнюр.
- Ойнаб айтсанг да, эслеб айт.
- Тёгюлген тюгел джыйылмайды.
- Эл тойса, тоймагъан, эл къойса, къоймагъан.
- Элге къуллукъ этмеген, элге ие болмаз.
- Артына баргъанны, къатына барма.
- Къыз келсе, джумуш эте келеди, къатын келсе, ушакъ эте келеди.
- Сыфатында болмагъаны, суратында болмаз.
- Эр абынмай, эл танымаз.
- Къатын къылыкъсыз, эр тынчлыкъсыз.
- Ышармагъан – кюлмез, кюлмеген – къууанчны билмез.
Ошибка!
Для просмотра темы введите ваши логин и пароль.Пожалуйста, авторизуйтесь: