- Миллетни бойну – базыкъ, аны бла кюрешген – джазыкъ.
- Ишленмеклик адамлыкъды.
- Адамны адамлыгъы къыйынлыкъда айгъакъланады.
- Аман адамны тепсинге олтуртсанг, къызынгы тилер.
- Атадан ёксюз – бир ёксюз, анадан ёксюз – эки ёксюз.
- Кёбге таш атма.
- Алим болгъандан эсе, адам болгъан къыйынды.
- Мени джылытмагъан кюн, меннге тиймесин!
- Джарлы тюеге минсе да, ит къабар.
- Аз сёлешген, къайгъысыз турур.
- Къарыусузгъа кюлме, онгсузгъа тийме.
- Джарашыу сюйген – джалынчакъ.
- Узун джолну барсанг, бюгюн келирсе, къысха джолну барсанг, тамбла келирсе.
- Бек анасы джыламаз.
- Мен да «сен», дейме, сен да «кесим», дейсе.
- Сагъышы джокъ – джукъучу, акъылы джокъ – къаугъачы.
- Ач къарынны, токъ билмез
- Джогъун бар этген, барын бал этген.
- Намыс сатылыб алынмайды.
- Къанны къан бла джуума, аманны аман бла къуума.
- Ёлген ийнек сютлю болур.
- Хоншуну тауугъу къаз кёрюнюр, келини къыз кёрюнюр.
- Ётюрюкден тюбю джокъ, кёлтюрюрге джиби джокъ.
- Тил бла келеди джыр да.
- Къралынгы – душмандан, башынгы от бла суудан сакъла.
- Къуллукъчума, деб махтанма, къуллукъ – хаух джамчыды!
- Юйлю уругъа ит чабмаз.
- Ачыкъ джюрекге джол – ачыкъ.
- Айтылгъан буйрукъ, сёгюлмез
- Дууулдаса – бал чибин, къонса – къара чибин.
- Бёрю да ач къалмасын, эчки да ашалмасын.
- Этни да ашады, бетни да ашады.
- Джыйырма къойну юч джыйырма эбзе кюте эди.
- Джаш болсун, къыз болсун, акъылы, саны тюз болсун.
- Джуртун къоругъан озар.
- Тойну къарнашы – харс, джырны къарнашы – эжиу.
- Къар – келтирди, суу – элтди.
- Сютню башын джалагъан къутулур, тюбюн ичген тутулур.
- Нафысынгы айтханын этме, намысынгы айтханын эт.
- Аман адам элни бир-бирине джау этер.
- Хар ишни да аллы къыйынды.
- Эски джаугъа ышанма.
- Алгъанда – джууукъ, бергенде – джау.
- Иги сеники эсе да, сюйген кесимикин этеме.
- Келинин тута билмеген, къул этер, къызын тута билмеген, тул этер.
- Билим ат болуб да чабар, къуш болуб да учар.
- Ауругъанны сау билмез, ач къарынны токъ билмез.
- Ашаса, ашамаса да, бёрюню ауузу – къан.
- Айран ичген – къутулду, джугъусун джалагъан – тутулду.
- Чабакъгъа акъыл, табагъа тюшсе келеди.
Ошибка!
Для просмотра темы введите ваши логин и пароль.Пожалуйста, авторизуйтесь: