- Кюн – узун, ёмюр – къысха.
- Юреннген ауруу къалмаз.
- Къызны минг тилер, бир алыр.
- Джыланны къуйругъундан басарынг келсе, аны башы болгъанын унутма.
- Ким бла джюрюсенг, аны кёзю бла кёрюнюрсе.
- Тойгъан джерге джети къайт.
- Ауузу аманнга «иги», деме.
- Чакъырылмагъан къонакъ – орунсуз.
- Садакъачыны джаны – къапчыгъында.
- Айныгъанлы алты кюн, тогъайгъанлы тогъуз кюн.
- Бет бетге къараса, бет да джерге къарар.
- Хар адамгъа кеси миннген тау кибик.
- Эл ауузу – элек, анга ийнаннган – халек.
- Чакъырылмагъан джерге барма, чакъырылгъан джерден къалма.
- Тешигини къатында, чычхан да батыр болур.
- Байны оноуу, джарлыгъа джарамаз.
- Ачны эсинде – аш.
- Айтхан сёзюне табылгъан.
- Аджашхан тёгерек айланыр.
- Кёбден умут этиб, аздан къуру къалма.
- Элге къуллукъ этмеген, элге ие болмаз.
- Акъыллы эркиши атын махтар, акъылсыз эркиши къатынын махтар.
- Ана кёлю – балада, бала кёлю – талада.
- Аджаллыгъа окъсуз шкок атылыр.
- Адам сёзге тынгыла, акъыл сёзню ангыла.
- Кёб джат да, бек чаб.
- Къазанда болса, чолпугъа чыгъар.
- Суу да къайтады чыкъгъан джерине.
- Тил – миллетни джаны.
- Сабийликде юретмесенг, уллу болса – тюзелмез.
- Этни да ашады, бетни да ашады.
- Джаш болсун, къыз болсун, акъылы, саны тюз болсун.
- Тамчы таш тешер.
- Тай асырагъан, атха минер.
- Шекер бла туз – бир болмаз, ушамагъан – юй болмаз.
- Тенгни тенглиги джашай барсанг билинир.
- Ичимден чыкъды хата, къайры барайым сата?
- Адамны бетине къарама, адетине къара.
- Кесинг сынамагъан затны, адамгъа буюрма.
- Накъырданы арты керти болур.
- Кёзден кетген, кёлден да кетеди.
- Ачлыкъда тары гырджын халыуадан татлы.
- Тели турса – той бузар.
- Бозаны арты дауур болур.
- Аш берме да, къаш бер.
- Къартны бурнун сюрт да, оноугъа тут.
- Джыйырма къойну юч джыйырма эбзе кюте эди.
- Дженгил джетерикме деб, узун джолну къоюб, къысхасын барма.
- Эр абынмай, эл танымаз.
- Сибиртки да сыйлы болду, кюрек да кюнлю болду.
Ошибка!
Для просмотра темы введите ваши логин и пароль.Пожалуйста, авторизуйтесь: