- Тюкюрюк баш джармаз, налат кёз чыгъармаз!
- Атлыны кёрсе, джаяуну буту талыр.
- Айран тёгюлсе, джугъусу къалыр.
- Окъуусуз билим – джокъ, билимсиз кюнюнг – джокъ.
- Акъыл неден да кючлюдю.
- Чалманны аллы къалай башланса, арты да алай барады.
- Бир абыннган – минг сюрюнюр.
- Къызын тута билмеген, тул этер, джашын тута билмеген, къул этер.
- Къалгъан ишге къар джауар.
- Ата – билек, ана – джюрек!
- Бойнуму джети джерден кессенг да, мен ол ишни этеллик тюлме.
- Аман адамны тепсинге олтуртсанг, къызынгы тилер.
- Джумушакъ сёз къаты таякъны сындырыр.
- Сёз садакъдан кючлюдю.
- Эринчекни аурууу – кёб.
- Эл ауузу – элек, анга ийнаннган – халек.
- Сютден ауузу кюйген, суугъа юфгюре эди.
- Сууда джау джокъ, кёб сёзде магъана джокъ.
- Айырылмаз джууугъунга, унутмаз сёзню айтма.
- Уруну арты – къуру.
- Бетинги сатма, малынгы сат.
- Ариу сёз – къылычдан джити.
- Сибиртки да сыйлы болду, кюрек да кюнлю болду.
- Ышармагъан – кюлмез, кюлмеген – къууанчны билмез.
- Иесиз малны бёрю ашар.
- Ашлыкъ – бюртюкден, джюн – тюкден.
- Босагъа таш юйге кирмей эди, тыбыр таш эшикге чыкъмай эди.
- Ачылгъан эт джабылыр, кёрген кёз унутмаз.
- Сагъышы джокъ – джукъучу, акъылы джокъ – къаугъачы.
- Эринчекни эр алмаз, эр алса да, кёл салмаз, кёл салса да, кёб бармаз!
- Ауузу аманнга «иги», деме.
- Къолу уллу – асыу, аягъы уллу – джарсыу.
- Тау башында, тау болмаз, джангыз терек, бау болмаз.
- Къайгъыны сюйген, къайгъы табар.
- Къыйынлы джети элни къайгъысын этер.
- Арыгъан къош чамчы болур.
- Аманнга игилик этсенг, юйюнге сау бармазса.
- Ач уят къоймаз.
- Гыдай эчки суугъа къараб, мюйюзле кёрмесе, джашма алкъын, дегенди.
- Иги адам абынса да, джангылмаз.
- Зар адамны насыбы болмаз.
- Эртде тургъан джылкъычыны эркек аты тай табар.
- Кесине оноу эте билмеген, халкъына да эте билмез.
- Къазанны башы ачыкъ болса, итге уят керекди.
- Джеринден айырылгъан – джети джылар, джуртундан айырылгъан – ёлгюнчю джылар.
- Билеги кючлю, бирни джыгъар, билими кючлю, мингни джыгъар.
- Айраннга суу къош, телиге джол бош.
- Аманнга алтын чыдамаз.
- Ёлюр джаннга, ёкюл джокъ.
- Билмезни кёзю кёрмез, этмезни къулагъы эшитмез.
Ошибка!
Для просмотра темы введите ваши логин и пароль.Пожалуйста, авторизуйтесь: