- Тюкюрюк баш джармаз, налат кёз чыгъармаз!
- Тин – байлыгъынг, терен саулугъунг.
- Джарашыу сюйген – джалынчакъ.
- Аманнга игилик этсенг, юйюнге сау бармазса.
- Тилчи бир сагъатха айлыкъ хата этер.
- Билмегенинги, билгеннге сор.
- Кёбге таш атма.
- Тау башында, тау болмаз, джангыз терек, бау болмаз.
- Тойчу джашха къарама, къойчу джашха къара.
- Зарда марда джокъ.
- Къайтырыкъ эшигинги, къаты уруб чыкъма.
- Джылар джаш, атасыны сакъалы бла ойнар.
- Башда акъыл болмаса, эки аякъгъа кюч джетер.
- Айран ичген – къутулду, джугъусун джалагъан – тутулду.
- Чомартха Тейри да борчлуду.
- Чабакъсыз кёлге къармакъ салгъанлыкъгъа, чабакъ тутмазса.
- Уясында не кёрсе, учханында аны этер.
- Ашыкъгъан cуу, тенгизге джетмез.
- Эки къатын алгъанны къулагъы тынгнгаймаз.
- Таш бла ургъанны, аш бла ур.
- Сёз – кюмюш, джыр – алтын.
- Акъыл неден да кючлюдю.
- Бёрю да ач къалмасын, эчки да ашалмасын.
- Акъдан къара болмаз.
- Къонагъы джокъну – шоху джокъ.
- Ишлемеген – тишлемез.
- Дуния аламаты сен эсенг да, игиме деб айтма.
- Юйюнгден чыкъдынг – кюнюнгден чыкъдынг.
- Эм ашхы къайын ана мамукъ бла башынгы тешер.
- Хата – гитчеден.
- Къумурсхала джыйылсала, пилни да джыгъадыла.
- Харам къарнашдан, халал тенг ашхы.
- Таукел къуру къалмаз.
- Къуру гыбыт бек дыгъырдар.
- Акъыллы айтыр эди, акъылсыз къоймайды.
- Адам сёзге тынгыла, акъыл сёзню ангыла.
- Ата Джуртча джер болмаз, туугъан элча эл болмаз.
- Окъумагъан сокъурду, сокъур ташха абыныр!
- Эл тойса, тоймагъан, эл къойса, къоймагъан.
- Шайтан алдады, тюзлюк къаргъады.
- Ауругъанны сау билмез, ач къарынны токъ билмез.
- Кесине гебен этелмеген, биреуге черен эте эди.
- Ушамагъан – джукъмаз.
- Олтуруб кёрюнмей эди да, ёрге туруб кёрюне эди.
- Хатерли къул болур.
- Бек ашыкъгъан меннге джетсин, дегенди аракъы.
- Айырылмаз джууугъунга, унутмаз сёзню айтма.
- Азыгъы аз, алгъа къабар, аты аман, алгъа чабар.
- Аман эсирсе, юйюн ояр.
- Нафысынгы айтханын этме, намысынгы айтханын эт.
Ошибка!
Для просмотра темы введите ваши логин и пароль.Пожалуйста, авторизуйтесь: