- Адамны артындан къара сабан сюрме.
- Кесинг сынамагъан затны, адамгъа буюрма.
- Ана къойну – балагъа джандет.
- Аман адам элни бир-бирине джау этер.
- Аман адам этегингден тутса, кес да къач.
- Этек чакъмакълары баш джаргъан, сёлешген сёзлери таш джаргъан.
- Къарны аманнга къазан такъдырма, къолу аманнга от джакъдырма.
- Джырчы джырчыгъа – къарнаш.
- Аман адамны тепсинге олтуртсанг, къызынгы тилер.
- Эшекни не къадар тюйсенг да, ат болмаз.
- Эртде тургъан джылкъычыны эркек аты тай табар.
- Къазанны башы ачыкъ болса, итге уят керекди.
- Эл элде бирер малынг болгъандан эсе, бирер тенгинг болсун.
- Ёксюзню къалачы уллу кёрюнюр.
- Чыкълы кюнде чыкъмагъан, чыкъса къуру кирмеген.
- Джети тилни билген джети кишиди.
- Элге къуллукъ этмеген, элге ие болмаз.
- Уллу суу бла уллу ауруудан башынгы сакъла.
- Къарт болгъан джерде, берекет болур, сабий болгъан джерде, оюн болур.
- Эрни эр этерик да, къара джер этерик да, тиширыуду.
- Ариу джол аджал келтирмез.
- Джумушакъ сёз къаты таякъны сындырыр.
- Этни да ашады, бетни да ашады.
- Чарсда алчыны эл кёреди.
- Билим къая тешер.
- Иесиз малны бёрю ашар.
- Халкъны джырын джырласанг, халкъ санга эжиу этер.
- Аман къатын сабий табса, бий болур…
- Таш бла ургъанны, аш бла ур.
- Кёрмегеннге кебек – танг, битмегеннге сакъал – танг.
- Ач келгенни – тойдур, кеч келгенни – къондур.
- Юй кюйдю да, кюйюз чыкъды, ортасындан тюйюш чыкъды.
- Суугъа – таянма, джаугъа – ийнанма.
- Кютгени беш эчки, сызгъыргъаны уа, джерни джарады.
- Тюзню ётмеги тюзде къалса да, тас болмаз.
- Кёбден умут этиб, аздан къуру къалма.
- Тау башында, тау болмаз, джангыз терек, бау болмаз.
- Кирсизни – саны таза, халалны – къаны таза.
- Кёлсюзден сёзсюз тууар.
- Къартны сыйын кёрмеген, къартлыгъында сыйлы болмаз.
- Бет бетге къараса, бет да джерге къарар.
- Къонакъ хазыр болгъанлыкъгъа, къонакъбай хазыр тюлдю.
- Рысхы – насыбха къор.
- Аман киши кеси юйюнде – къонакъ.
- Тил – кесген бычакъ, сёз – атылгъан окъ.
- Къуллукъчума, деб махтанма, къуллукъ – хаух джамчыды!
- Аурууну келиую тынч, кетиую – къыйын.
- Джырчы ёлсе, джыры къалыр.
- Аякъларынгы джууургъанынга кёре узат.
- Тёзген – тёш ашар!
Ошибка!
Для просмотра темы введите ваши логин и пароль.Пожалуйста, авторизуйтесь: