- Байлыкъдан саулукъ ашхыды.
- Джарашыу сюйген – джалынчакъ.
- Ёлюк кебинсиз къалмаз.
- Ашыкъгъан cуу, тенгизге джетмез.
- Насыб бютеу халкъны юлюшюдю.
- Чалманны аллы къалай башланса, арты да алай барады.
- Ауругъанны сау билмез, ач къарынны токъ билмез.
- Кёбден умут этиб, аздан къуру къалма.
- Джылкъыдан – ат чыгъар, тукъумдан – джаш чыгъар.
- Сакъалы текени да бар, мыйыгъы киштикни да бар.
- Аман адам этегингден тутса, кес да къач.
- Ашаса, ашамаса да, бёрюню ауузу – къан.
- Аш хазыр болса, иш харам болур.
- Джарлыны эшигин махтагъан джабар.
- Тыш элде солтан болгъандан эсе, кесинги элде олтан болгъан игиди!
- Ишленмеген джаш – джюгенсиз ат, ишленмеген къыз – тузсуз хант.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Ёгюзню мюйюзлери ауурлукъ этмейдиле.
- Байлыкъ адамны сокъур этер.
- Аман къатын алгъан, арыр, иги къатын алгъан джарыр.
- Алма терегинден кери кетмез.
- Ауузу бла къуш тута айланады.
- Биреуню къыйынлыгъы бла кесинге джол ишлеме.
- Аманны тукъумуна къарама, игини тукъумун сорма.
- Ётюрюкню башын керти кесер.
- Сютден ауузу кюйген, суугъа юфгюре эди.
- Ана – юйню кюн джарыгъы.
- Къартны бурнун сюрт да, оноугъа тут.
- Кесине гебен этелмеген, биреуге черен эте эди.
- Къуру гыбыт бек дыгъырдар.
- Болджал ишни бёрю ашар.
- Борчунг бар эсе, хурджунунга ойлаб узал.
- Окъугъанны бети джарыкъ.
- Ачлыкъда тары гырджын халыуадан татлы.
- Сёз къанатсыз учар.
- Байны оноуу, джарлыгъа джарамаз.
- Аурууну келиую тынч, кетиую – къыйын.
- Бойнуму джети джерден кессенг да, мен ол ишни этеллик тюлме.
- Байдан умут эте, джарлыдан ёгюз багъасы къорады.
- Тенгни тенглиги джашай барсанг билинир.
- Къызны минг тилер, бир алыр.
- Олтуруб кёрюнмей эди да, ёрге туруб кёрюне эди.
- Тюкюрюк баш джармаз, налат кёз чыгъармаз!
- Намыс болмагъан джерде, насыб болмаз.
- Джашынгы кесинг юретмесенг, джашау юретир.
- Арпа, будай – ащды, алтын, кюмюш а – ташды.
- Онгсузну – джакъла, тенгликни – сакъла.
- Сабийни джумушха джибер да, ызындан бар.
- Джан саулукъ бермей, сан саулукъ бермезсе.
- «Ма», - дегенни билмесенг, «бер», - дегенни билмезсе.
Ошибка!
Для просмотра темы введите ваши логин и пароль.Пожалуйста, авторизуйтесь: