- Башынга джетмегенни сорма.
- Ёлюк кебинсиз къалмаз.
- Тынгылагъан тынгы бузар.
- Уруну арты – къуру.
- Джангыз терек къынгыр ёсер.
- Къошда джокъгъа – юлюш джокъ.
- Кёб джашагъан – кёб билир.
- Эте билген, этген этеди, эте билмеген, юретген этеди!
- Хар зат кесини орнуна иги.
- Къонакъ кёб келюучю юйню, къазаны отдан тюшмез.
- Къатын байлыкъны сюер, эр саулукъну сюер.
- Элге къуллукъ этмеген, элге ие болмаз.
- Сакъалы текени да бар, мыйыгъы киштикни да бар.
- Аш хазыр болса, иш харам болур.
- Аман киши кеси юйюнде – къонакъ.
- Нарт сёз къарт болмаз.
- Дуния аламаты сен эсенг да, игиме деб айтма.
- Кёзюнде тереги болгъан, чёбю болгъаннга кюле эди.
- Чыбыкълыкъда бюгюлмеген, къазыкълыкъда бюгюлмей эди.
- Эл тойса, тоймагъан, эл къойса, къоймагъан.
- Уясында не кёрсе, учханында аны этер.
- Ач уят къоймаз.
- Ач отунчуну ачыуу – бурнунда.
- Къанны къан бла джуума, аманны аман бла къуума.
- Уллу суу бла уллу ауруудан башынгы сакъла.
- Билим къая тешер.
- Тюзлюк тас болмайды.
- Рысхы – сют юсюнде кёмюк кибикди.
- Джол бла сёзню къыйыры джокъ.
- Тилчи бир сагъатха айлыкъ хата этер.
- Тешигини къатында, чычхан да батыр болур.
- Ёгюзню мюйюзюнден тутадыла, адамны сёзюнден тутадыла.
- Дуния малгъа сатылма, кесингден телиге къатылма.
- Тилчиден кери бол.
- Ашыкъгъан cуу, тенгизге джетмез.
- Джауумдан сора, кюн кюйдюрюр, ётюрюкден сора, айыб кюйдюрюр.
- Чабакъ башындан чирийди.
- Хар адамгъа кеси миннген тау кибик.
- Ойнай билмеген, оюн бузар.
- Бал ашаргъа сюе эсенг, чибин ургъаннга тёз.
- Ётюрюк хапар аякъ тюбю бла джюрюйдю.
- Экеу тутушса, биреу джыгъылыр.
- Сютню башын джалагъан къутулур, тюбюн ичген тутулур.
- Иши джокъну, сыйы джокъ.
- Бетинги сатма, малынгы сат.
- Тамбла алтындан бюгюн багъыр ашхы.
- Юйюнг бла джау болгъандан эсе, элинг бла джау бол.
- Аш иеси бла татлыды.
- Къарнынг бла ёч алма.
- Къызны минг тилер, бир алыр.
Ошибка!
Для просмотра темы введите ваши логин и пароль.Пожалуйста, авторизуйтесь: