- Ашхы тенг джолгъа салыр, аман тенг джолдан тайдырыр.
- Къарнынг къанлынга кийирир.
- Биреуге кёлтюрген таягъынг, кесинги башынга урур.
- Зар адам ашынгы ашар, кесинги сатар.
- Тил джюрекге джол ишлейди.
- Ачны эсинде – аш.
- Тюзлюк шохлукъну бегитир.
- Джангыз торгъай джырламаз.
- Эл тойса, тоймагъан, эл къойса, къоймагъан.
- Чыкълы кюнде чыкъмагъан, чыкъса къуру кирмеген.
- Урунуу – насыбны анасы.
- Ашыкъгъан cуу, тенгизге джетмез.
- Окъугъан – асыу, окъумагъан – джарсыу.
- Борчунг бар эсе, хурджунунга ойлаб узал.
- Къаллай салам берсенг, аллай джууаб алырса.
- Ойнай-ойнай кёз чыгъар.
- Адам сёзге тынгыла, акъыл сёзню ангыла.
- Ач, тоймам, дейди, тойгъан, ач болмам, дейди.
- Ачыу алгъа келсе, акъыл артха къалады.
- От этилмеген джерден тютюн чыкъмайды.
- Эки къатын алгъан – эки ташны ортасына башын салгъан.
- Сабыр джетер муратха, сабырсыз къалыр уятха.
- Окъуу – билимни ачхычы, окъуу – дунияны бачхычы.
- Ханнга да келеди хариблик.
- Чакъырылмагъан къонакъ – орунсуз.
- Къатын байлыкъны сюер, эр саулукъну сюер.
- Эки ойлашыб, бир сёлешген.
- Тик ёргени, тик энгишгеси да болады.
- Тешик этген тынчды, аны джамагъан къыйынды.
- Ётюрюкню башын керти кесер.
- Аллахдан тилесенг, кёб тиле.
- Битмегеннге сакъал – танг.
- Кёбден умут этиб, аздан къуру къалма.
- Адеб этмеген, адеб кёрмез.
- Тил – кесген бычакъ, сёз – атылгъан окъ.
- Окъумагъан сокъурду, сокъур ташха абыныр!
- Джауумдан сора, кюн кюйдюрюр, ётюрюкден сора, айыб кюйдюрюр.
- Биреуню тёрюнден, кесинги эшик артынг игиди.
- Уллу сёзде уят джокъ.
- Аз сёлешген, къайгъысыз турур.
- Иши джокъну, сыйы джокъ.
- Къыйынлы джети элге оноу этер.
- Тёгюлген тюгел джыйылмайды.
- Адам къыйынлыгъын кёлтюрюр, зауукълугъун кёлтюрмез.
- Айтхан сёзюне табылгъан.
- Къууут – джелге, берне – бошха.
- Чалманны аллы къалай башланса, арты да алай барады.
- Къоркъакъны кёзю экили кёрюр.
- Душманны тышы – акъ, ичи – къара.
- Ата джурт – алтын бешик.
Ошибка!
Для просмотра темы введите ваши логин и пароль.Пожалуйста, авторизуйтесь: