- Аманнга игилик этсенг, юйюнге сау бармазса.
- Ач отунчуну ачыуу – бурнунда.
- Чомарт къолда мал къалмаз.
- Экиндини кеч къылсанг, чабыб джетер ашхам.
- Тил джюрекге джол ишлейди.
- Хунаны тюбюн къазсанг, юсюнге ауар.
- Къазанны башы ачыкъ болса, итге уят керекди.
- Ашарыкъда сайлагъаннга – чий гырджын.
- Джашда акъыл джокъ, къартда къарыу джокъ.
- Ачны эсинде – аш.
- Эрине къаргъыш этген къатын, эрнин къабар.
- Аджал соруб келмез, келсе, къайтыб кетмез.
- Бети бедерден, намыс сакълама.
- Кенгеш болса, уруш болмаз.
- Гугурук къычырмаса да, тангны атары къалмаз.
- Игини сыйлагъан адетди.
- Азыгъы аз, алгъа къабар, аты аман, алгъа чабар.
- Ачыкъ джюрекге джол – ачыкъ.
- Эринчекни эр алмаз, эр алса да, кёл салмаз, кёл салса да, кёб бармаз!
- Башы ишлегенни, ауузу да ишлер.
- Кюн – узун, ёмюр – къысха.
- Таякъ этден ётер, тил сюекден ётер.
- Мураты болгъанны джюрек тебюую башхады.
- Ашыкъгъан cуу, тенгизге джетмез.
- Ач къалгъандан, кеч къалгъан къолай.
- Ариуну – ауруу кёб.
- Босагъа таш юйге кирмей эди, тыбыр таш эшикге чыкъмай эди.
- Джиби бир къат джетмей эди да, эки къат тарта эди.
- Ата Джуртча джер болмаз, туугъан элча эл болмаз.
- Къарыусузгъа кюлме, онгсузгъа тийме.
- Атлыны ашхысы, ат тизгининден билинир
- Билгенни къолу къарны джандырыр.
- Къоркъакъны кёзю экили кёрюр.
- Адамны адамлыгъы къыйынлыкъда айгъакъланады.
- Элге къуллукъ этмеген, элге ие болмаз.
- Адеб этмеген, адеб кёрмез.
- Къошда джокъгъа – юлюш джокъ.
- Байлыкъ адамны сокъур этер.
- Чабар ат – джетген къыз.
- Иги джашны ышаны – аз сёлешиб, кёб тынгылар.
- Къонакъны къачан кетерин сорма, къачан келлигин сор.
- Иги сёз – джаннга азыкъ, аман сёз башха – къазыкъ.
- Ашда уялгъан – мухар, ишде уялгъан – хомух.
- Биреу ашаб къутулур, биреу джалаб тутулур.
- Кесинге джетмегенни, кёб сёлешме.
- Ёнгкюч къууана барыр, джылай келир.
- Туз, гырджын аша, тюзлюк бла джаша.
- Аман къатын сабий табса, бий болур…
- Адебни адебсизден юрен.
- Чёбню кёлтюрсенг, тюбюнден сёз чыгъар.
Ошибка!
Для просмотра темы введите ваши логин и пароль.Пожалуйста, авторизуйтесь: