- Адамны сабийин сюйген джюреги, бычакъча, джитиди.
- Мухардан ач ычхынмаз.
- Тойгъандан сора, ашны сёкме.
- Адамны адамлыгъы къыйынлыкъда айгъакъланады.
- Сыфатында болмагъаны, суратында болмаз.
- Гугук кесини атын айтыб къычыргъанча, мен, мен деб нек тураса?
- Аманнга игилик этсенг, юйюнге сау бармазса.
- Сёз сёзню айтдырыр.
- Тил – кесген бычакъ, сёз – атылгъан окъ.
- Борчунг бар эсе, хурджунунга ойлаб узал.
- Сёз – кюмюш, джыр – алтын.
- Уллу сёлешме да, уллу къаб.
- Халкъны джырын джырласанг, халкъ санга эжиу этер.
- Чалманны аллы къалай башланса, арты да алай барады.
- Накъырданы арты керти болур.
- Тили узунну, намысы – къысха.
- Тойчу джашха къарама, къойчу джашха къара.
- Ата Джуртун танымагъан, атасын да танымаз.
- Ач къарным, тынч къулагъым.
- Чомартха хар кюн да байрамды.
- Байлыкъ адамны сокъур этер.
- Юйюнг бла джау болгъандан эсе, элинг бла джау бол.
- Рысхысына кёре, джаш ёсер, къышлыгъына кёре, мал ёсер.
- Тюкюрюк баш джармаз, налат кёз чыгъармаз!
- Уллу суу бла уллу ауруудан башынгы сакъла.
- Ашын ашагъанынгы, башын да сыйла.
- Иши джокъну, сыйы джокъ.
- Тин – байлыгъынг, терен саулугъунг.
- Къуллукъчума, деб махтанма, къуллукъ – хаух джамчыды!
- Азыкъ аз болса, эртде орун сал.
- Эринчекни аурууу – кёб.
- Акъыллы айтыр эди, акъылсыз къоймайды.
- Ханы къызы буюгъа-буюгъа киштик болду.
- Сабийни джумушха джибер да, ызындан бар.
- Джауумдан сора, кюн кюйдюрюр, ётюрюкден сора, айыб кюйдюрюр.
- Сютню башын джалагъан къутулур, тюбюн ичген тутулур.
- Тенги кёбню джау алмаз, акъылы кёбню дау алмаз.
- Тёзгеннге, джабылгъан эшик ачылыр.
- Ата Джуртуму башы болмасам да, босагъасында ташы болайым.
- Ашхы тенг джолгъа салыр, аман тенг джолдан тайдырыр.
- Зарда марда джокъ.
- Айранын берсенг, челегин да къызгъанма.
- Элде адам къалмаса, ит тахтагъа минер.
- Ариу сёз – къылычдан джити.
- Ашарыкъда сайлагъаннга – чий гырджын.
- Бермеген къол, алмайды.
- Ачылгъан эт джабылыр, кёрген кёз унутмаз.
- Тёгюлген тюгел джыйылмайды.
- Кёзюнде тереги болгъан, чёбю болгъаннга кюле эди.
- Къыз тиширыу кеси юйюнде да къонакъды.
Ошибка!
Для просмотра темы введите ваши логин и пароль.Пожалуйста, авторизуйтесь: