- Къууут – джелге, берне – бошха.
- Этек чакъмакълары баш джаргъан, сёлешген сёзлери таш джаргъан.
- Кёлю джокъну – джолу джокъ.
- Телиге акъыл салгъандан эсе, ёлгеннге джан салырса.
- Джарлы тюеге минсе да, ит къабар.
- Сёз сёзню айтдырыр.
- Аз айтсам, кёб ангылагъыз.
- Дуния аламаты сен эсенг да, игиме деб айтма.
- Къайгъыны сюйген, къайгъы табар.
- Джылкъыдан – ат чыгъар, тукъумдан – джаш чыгъар.
- «Ма», - дегенни билмесенг, «бер», - дегенни билмезсе.
- Джети тилни билген джети кишиди.
- Адеб базарда сатылмаз.
- Джырчы ёлсе, джыры къалыр.
- Джарлы джети элни сёзюн этер.
- Ана кёлю – балада, бала кёлю – талада.
- Ач, тоймам, дейди, тойгъан, ач болмам, дейди.
- Айыбны суу бла джууалмазса.
- Ач къарным, тынч къулагъым.
- Тура эдим джата, къайдан чыкъды хата?
- Джангызны оту джарыкъ джанмаз!
- Аман эсирсе, юйюн ояр.
- Къайтырыкъ эшигинги, къаты уруб чыкъма.
- Кесинге джетмегенни, кёб сёлешме.
- Тыш элде солтан болгъандан эсе, кесинги элде олтан болгъан игиди!
- Биреуге кёлтюрген таягъынг, кесинги башынга урур.
- Бозанг болмагъан джерге, къалагъынгы сукъма.
- Илму – джашауну джолу.
- Хансыз джомакъ болмаз.
- Ётген ёмюр – акъгъан суу.
- Сагъыш – къартлыкъгъа сюйюмчю.
- Кёбден умут этиб, аздан къуру къалма.
- Нафысынгы айтханын этме, намысынгы айтханын эт.
- Хантына кёре тузу, юйюне кёре къызы.
- Джумушакъ сёз къаты таякъны сындырыр.
- Билмезни кёзю кёрмез, этмезни къулагъы эшитмез.
- Эл элде бирер малынг болгъандан эсе, бирер тенгинг болсун.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Къыз чыгъаргъан – къызыл къымжа.
- Чомарт къолда мал къалмаз.
- Рысхы джалгъанды: келген да этер, кетген да этер.
- Ариу сёз аурууунгу алыр.
- Чабакъгъа акъыл, табагъа тюшсе келеди.
- Аманнга да, игиге да оноусуз къатышма.
- Юй кюйдю да, кюйюз чыкъды, ортасындан тюйюш чыкъды.
- Акъыллы эркиши атын махтар, акъылсыз эркиши къатынын махтар.
- Эки элинги тыйсанг, джети элде махталырса.
- Чоюнну башы ачыкъ болса, итге уят керекди.
- Айранны сюйген, ийнек тутар.
- Бермеген къол, алмайды.
Ошибка!
Для просмотра темы введите ваши логин и пароль.Пожалуйста, авторизуйтесь: