- Тойгъа барсанг, тоюб бар, эски тонунгу къоюб бар.
- Ургъан суудан башынгы сакъла.
- Ауузу бла къуш тута айланады.
- Джигер – джаннга къыйынлыкъ.
- Этни бети бла шорпасы.
- Ата – билек, ана – джюрек!
- Хар зат кесини орнуна иги.
- Къарнынг бла ёч алма.
- Экеу тутушса, биреу джыгъылыр.
- Керти сёзге тёре джокъ.
- Мухарны эси – ашарыкъда.
- Байдан умут эте, джарлыдан ёгюз багъасы къорады.
- Джырчы джырчыгъа – къарнаш.
- Къарт болгъан джерде, берекет болур, сабий болгъан джерде, оюн болур.
- Аз айтсам, кёб ангылагъыз.
- Сёз – кюмюш, джыр – алтын.
- Джылар джаш, атасыны сакъалы бла ойнар.
- Ачыкъ джюрекге джол – ачыкъ.
- Ким бла джюрюсенг, аны кёзю бла кёрюнюрсе.
- Дженгил джетерикме деб, узун джолну къоюб, къысхасын барма.
- Эртде тургъан бла эртде юйленнген сокъуранмаз.
- Ашатыргъа иш – ашхы, ишлетирге аш – ашхы.
- Окъдан джара эртде-кеч болса да бителир, сёз джара, ёмюрге къалыр.
- Кёбге таш атма.
- Къатын къылыкъсыз, эр тынчлыкъсыз.
- Джашда акъыл джокъ, къартда къарыу джокъ.
- Юй кюйдю да, кюйюз чыкъды, ортасындан тюйюш чыкъды.
- Тойгъа алгъа да барма, тойда артха да къалма.
- Юйлю уругъа ит чабмаз.
- Ашхы тенг джолгъа салыр, аман тенг джолдан тайдырыр.
- Чабар ат – джетген къыз.
- Уллу айтханны этмеген – уллаймаз.
- Атынг аманнга чыкъгъандан эсе, джанынг тамагъынгдан чыкъсын.
- Этим кетсе да, сюегим къалыр.
- Харам къарнашдан, халал тенг ашхы.
- Джюрек кёзден алгъа кёрюр.
- Ишлегенден, къарагъан уста.
- Аманны эки битли тону болур, бирин сеннге кийдирир, бирин кеси киер.
- Хатерли къул болур.
- Къонагъы джокъну – шоху джокъ.
- Ишленмеклик адамлыкъды.
- Аууздан келген, къолдан келсе, ким да патчах болур эди.
- Эм уллу байлыкъ – джан саулукъ.
- Сакъ юйюне сау барыр.
- Кёзюнде тереги болгъан, чёбю болгъаннга кюле эди.
- Джарлы тюеге минсе да, ит къабар.
- Хар адамгъа кеси миннген тау кибик.
- Ишге юренсин къоллары, халкъ бла болсун джоллары.
- Джарлы джети элни сёзюн этер.
- Билим насыб берир, билим джолну керир.
Ошибка!
Для просмотра темы введите ваши логин и пароль.Пожалуйста, авторизуйтесь: