- Къайтырыкъ эшигинги, къаты уруб чыкъма.
- Алма терегинден кери кетмез.
- Иги сеники эсе да, сюйген кесимикин этеме.
- Тюзлюк шохлукъну бегитир.
- Къарнынг бла ёч алма.
- Келинин тута билмеген, къул этер, къызын тута билмеген, тул этер.
- Сескекли кесин билдирир.
- Татлы сёз – балдан татлы.
- Аман адамны тепсинге олтуртсанг, къызынгы тилер.
- Ариу джол аджал келтирмез.
- Айтханы чапыракъдан ётмеген.
- Элни кючю – эмеген.
- Айныгъанлы алты кюн, тогъайгъанлы тогъуз кюн.
- Къолунгдан къуймакъ ашатсанг да, атаны борчундан къутулмазса.
- Ишлерге уял да, ашаргъа табма.
- Чёбню кёлтюрсенг, тюбюнден сёз чыгъар.
- Къыз келсе, джумуш эте келеди, къатын келсе, ушакъ эте келеди.
- Кёз – сюйген джерде, къол – ауругъан джерде.
- Чомартха Тейри да борчлуду.
- Иги адамны бир сёзю эки болмаз.
- Азыкълы ат арымаз, къатыны аман джарымаз.
- Байны къызы баймакъ болса да, юйде къалмаз!
- Чарсда алчыны эл кёреди.
- Къууут – джелге, берне – бошха.
- Башы ишлегенни, ауузу да ишлер.
- Эте билген, этген этеди, эте билмеген, юретген этеди!
- Харам къарнашдан, халал тенг ашхы.
- Кирсизни – саны таза, халалны – къаны таза.
- Адебсиз адам – джюгенсиз ат.
- Узун джолну барсанг, бюгюн келирсе, къысха джолну барсанг, тамбла келирсе.
- Орну джокъну – сыйы джокъ.
- Юй ишлеген балта эшикде къалыр.
- Ётюрюк хапар аякъ тюбю бла джюрюйдю.
- Бозанг болмагъан джерге, къалагъынгы сукъма.
- Зар адамны насыбы болмаз.
- Билимли ёлмез, билимсиз кёрмез.
- Къазанны башы ачыкъ болса, итге уят керекди.
- Ишлегенде эринме, ишде чолакъ кёрюнме.
- Джюрекден джюрекге джол барды.
- Къоркъакъны кёзю экили кёрюр.
- Адам сёзюнден белгили.
- Чакъырылмагъан къонакъ – орунсуз.
- Адамны артындан къара сабан сюрме.
- Юйюнг бла джау болгъандан эсе, элинг бла джау бол.
- Аякъларынгы джууургъанынга кёре узат.
- Къарын къуру болса, джюрек уру болур.
- Къонакъ хазыр болгъанлыкъгъа, къонакъбай хазыр тюлдю.
- Биреуню къыйынлыгъы бла кесинге джол ишлеме.
- Бек ашыкъгъан меннге джетсин, дегенди аракъы.
- Абынмазлыкъ аякъ джокъ, джангылмазлыкъ джаякъ джокъ.
Ошибка!
Для просмотра темы введите ваши логин и пароль.Пожалуйста, авторизуйтесь: