- Къар – келтирди, суу – элтди.
- Айранны сюйген, ийнек тутар.
- Кёбден умут этиб, аздан къуру къалма.
- Бермеген къол, алмайды.
- Алгъанда – джууукъ, бергенде – джау.
- Къулакъдан эсе, кёзге ышан.
- Адамны сабийин сюйген джюреги, бычакъча, джитиди.
- Къоркъакъны кёзю экили кёрюр.
- Къолунгдан къуймакъ ашатсанг да, атаны борчундан къутулмазса.
- Ётюрюкден тюбю джокъ, кёлтюрюрге джиби джокъ.
- Эли джокъну – кёлю джокъ.
- Хунаны тюбюн къазсанг, юсюнге ауар.
- Аман эсирсе, юйюн ояр.
- Айран ичген – къутулду, джугъусун джалагъан – тутулду.
- Ач бёрюге мекям джокъ.
- Акъылсызны джууукъгъа алма, акъыллыны кенгнге салма.
- Тик ёргени, тик энгишгеси да болады.
- Окъдан джара эртде-кеч болса да бителир, сёз джара, ёмюрге къалыр.
- Иги адам абынса да, джангылмаз.
- Кюлме джашха – келир башха.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Ауузу бла къуш тута айланады.
- Уллу сёлешме да, уллу къаб.
- Башы ишлегенни, ауузу да ишлер.
- Чакъырылмагъан къонакъ – орунсуз.
- Агъач халкъгъа алтынды, иссиликге салкъынды.
- Эркиши – от, тиширыу – суу.
- Хата – гитчеден.
- Къарнынг ауруса, ауузунгу тый
- Дуния аламаты сен эсенг да, игиме деб айтма.
- Ашхылыкъ джерде джатмайды, аманлыкъ суугъа батмайды.
- Ана кёлю – балада, бала кёлю – талада.
- Джыгъылгъанны сырты джерден тоймаз.
- Эшекни не къадар тюйсенг да, ат болмаз.
- Биреуню тёрюнден, кесинги эшик артынг игиди.
- Къонакъ хазыр болгъанлыкъгъа, къонакъбай хазыр тюлдю.
- Ёлген ийнек сютлю болур.
- Къайгъы тюбю – тенгиз.
- Рысхы джалгъанды: келген да этер, кетген да этер.
- Келинин тута билмеген, къул этер, къызын тута билмеген, тул этер.
- Аджал соруб келмез, келсе, къайтыб кетмез.
- Адеб этмеген, адеб кёрмез.
- Ариу сёзде ауруу джокъ.
- Тулпарлыкъ, билекден тюл – джюрекден.
- Чомарт къолда мал къалмаз.
- Аурууну келиую тынч, кетиую – къыйын.
- Къазанда болса, чолпугъа чыгъар.
- Ушамагъан – джукъмаз.
- Сангырау къулакъ эл бузар.
- Джумушакъ сёз къаты таякъны сындырыр.
Ошибка!
Для просмотра темы введите ваши логин и пароль.Пожалуйста, авторизуйтесь: