- Уллу суу бла уллу ауруудан башынгы сакъла.
- Насыб бютеу халкъны юлюшюдю.
- Нафысынгы айтханын этме, намысынгы айтханын эт.
- Тилде сюек болмаса да, сюек сындырыр.
- Уллу къашыкъ эрин джыртар.
- От кюйдюрген, сау болса да, тот кюйдюрген, сау болмаз.
- Эринчекге кюн узун.
- Билмегенинги, билгеннге сор.
- Мураты болгъанны джюрек тебюую башхады.
- Юре билмеген ит, къонакъ келтирир.
- Асхат ашлыкъ сата, юйдегиси ачдан къата.
- Бети – къучакълар, джюреги – бычакълар.
- «Ёгюз, джаргъа джууукъ барма, меннге джюк боллукъса», - дегенди эшек.
- Къууут – джелге, берне – бошха.
- Акъыл бла адеб эгизледиле.
- Бал чибинни ургъаны – ачы, балы – татлы.
- Аманны къуугъан, аманлыкъ табар.
- Келинин тута билмеген, къул этер, къызын тута билмеген, тул этер.
- Чомарт бергенин айтмаз.
- Ёлмесенг да, къарт дамы болмазса?
- Джюрекге ариу – кёзге да ариу.
- Олтуруб кёрюнмей эди да, ёрге туруб кёрюне эди.
- Къолу уллу – асыу, аягъы уллу – джарсыу.
- Адеб этмеген, адеб кёрмез.
- Джаз бир кюнню джатсанг, къыш талай кюнню абынырса.
- Адамны артындан къара сабан сюрме.
- Аджалсыз ёлюм болмаз.
- Орундукъ тюбюнде атылсам да, орта джиликме, де да айлан.
- Окъугъанны бети джарыкъ.
- Ётюрюк хапар аякъ тюбю бла джюрюйдю.
- Аманны эки битли тону болур, бирин сеннге кийдирир, бирин кеси киер.
- Къартны сыйын кёрмеген, къартлыгъында сыйлы болмаз.
- Эр сокъур болсун, къатын тилсиз болсун.
- Халкъны джырын джырласанг, халкъ санга эжиу этер.
- Берекет берсин деген джерде, берекет болур.
- Эки ойлашыб, бир сёлешген.
- Ата Джуртуму башы болмасам да, босагъасында ташы болайым.
- Мал ёлсе, сюек къалыр, адам ёлсе, иши къалыр.
- Джигер – джаннга къыйынлыкъ.
- Ач къарным, тынч къулагъым.
- Ойнаб айтсанг да, эслеб айт.
- Башда акъыл болмаса, эки аякъгъа кюч джетер.
- Кёб джашагъан – кёб билир.
- Адамгъа аман кюн соруб келмейди.
- Дуния мал дунияда къалады.
- Огъурлуну сёзю – суу, огъурсузну сёзю – уу.
- Къатыны харакетли болса, эри къымсыз болур.
- Орну джокъну – сыйы джокъ.
- Сагъышы джокъ – джукъучу, акъылы джокъ – къаугъачы.
- Этим кетсе да, сюегим къалыр.
Ошибка!
Для просмотра темы введите ваши логин и пароль.Пожалуйста, авторизуйтесь: