- Чоюнну башы ачыкъ болса, итге уят керекди.
- Аманнга да, игиге да оноусуз къатышма.
- Миллетни бойну – базыкъ, аны бла кюрешген – джазыкъ.
- Тойгъан антын унутур.
- Джигер – джаннга къыйынлыкъ.
- Ата Джуртун танымагъан, атасын да танымаз.
- Ханы къызы буюгъа-буюгъа киштик болду.
- Гугук кесини атын айтыб къычыргъанча, мен, мен деб нек тураса?
- Ашхылыкъ джерде джатмайды, аманлыкъ суугъа батмайды.
- Тилсиз миллет джокъ болур.
- Джарлы эскисин джамаса, къууаныр.
- Адебни адебсизден юрен.
- Бек ашыкъгъан меннге джетсин, дегенди аракъы.
- Кесине оноу эте билмеген, халкъына да эте билмез.
- Телини эшигин, махтау джабар.
- Байлыкъ адамны сокъур этер.
- Тамырсыз терекге таянма – джыгъылырса.
- Баланы адам этген анады.
- Адам туугъан джеринде, ит тойгъан джеринде.
- Къалгъан ишге къар джауар.
- Къарнынг бла ёч алма.
- Акъыллы башны – тили къысха.
- Къонакъ аман болса, къонакъбай джунчур
- От этилмеген джерден тютюн чыкъмайды.
- Минг тенг да азды, бир джау да кёбдю.
- Акъыл сабырлыкъ берир.
- Айтханы чапыракъдан ётмеген.
- Тюз сёз баргъан сууну тыяр.
- Къозулугъунда тоймагъан, къойлугъунда тоймаз.
- Ашхы болсанг, атынг чыгъар, аман болсанг, джанынг чыгъар.
- Джарашыу сюйген – джалынчакъ.
- Дууулдаса – бал чибин, къонса – къара чибин.
- Джырчы джырчыгъа – къарнаш.
- Иги сёз – джаннга азыкъ, аман сёз башха – къазыкъ.
- Эл бла кёргенинг эрелей.
- Ана – юйню кюн джарыгъы.
- Ашаса, ашамаса да, бёрюню ауузу – къан.
- Мал ёлсе, сюек къалыр, адам ёлсе, иши къалыр.
- Аманны тукъумуна къарама, игини тукъумун сорма.
- Адеб базарда сатылмаз.
- Айыбны суу бла джууалмазса.
- Шайтан алдады, тюзлюк къаргъады.
- Экеулен сёлеше тура эселе, орталарына барыб кирме.
- Чомарт джарлы болмаз.
- Билимден уллу байлыкъ джокъду.
- Билими азны – ауузунда кирит.
- Аш берме да, къаш бер.
- Чомартны къолу берекет.
- Айтылгъан буйрукъ, сёгюлмез
- Эр абынмай, эл танымаз.
Ошибка!
Для просмотра темы введите ваши логин и пароль.Пожалуйста, авторизуйтесь: