- Аман адам этегингден тутса, кес да къач.
- Тюзлюк шохлукъну бегитир.
- Чёбню кёлтюрсенг, тюбюнден сёз чыгъар.
- Кёбге таш атма.
- Къанны къан бла джуума, аманны аман бла къуума.
- Окъугъан озар, окъумагъан тозар.
- Берекет берсин деген джерде, берекет болур.
- Байдан умут эте, джарлыдан ёгюз багъасы къорады.
- Джаз бир кюнню джатсанг, къыш талай кюнню абынырса.
- Къызын тута билмеген, тул этер, джашын тута билмеген, къул этер.
- Урунуу – насыбны анасы.
- Ата Джуртуму башы болмасам да, босагъасында ташы болайым.
- Бетинги сатма, малынгы сат.
- Хаухну атма, ёнгкючню сатма.
- Къарны аманнга къазан такъдырма, къолу аманнга от джакъдырма.
- Сёз сёзню айтдырыр.
- Акъыл бла адеб эгизледиле.
- Таукел адам тау тешер.
- Экиндини кеч къылсанг, чабыб джетер ашхам.
- Адамны сыфатына къарама, сёзюне къара.
- Тёрдеги кюлсе, эшикдеги ышарыр.
- Дженгил джетерикме деб, узун джолну къоюб, къысхасын барма.
- Тенгинг джокъ эсе – изле, бар эсе – сакъла!
- Игини сыйлагъан адетди.
- Эринчекни аурууу – кёб.
- Къозулугъунда тоймагъан, къойлугъунда тоймаз.
- Кёбден умут этиб, аздан къуру къалма.
- Ичимден чыкъды хата, къайры барайым сата?
- Суу да къайтады чыкъгъан джерине.
- Ашлыкъны арба юйге келтирир, чана базаргъа элтир.
- Къонакъ аз олтурур, кёб сынар.
- Ётюрюкчюню шагъаты – къатында.
- Кёрмегеннге кебек – танг, битмегеннге сакъал – танг.
- Сибиртки да сыйлы болду, кюрек да кюнлю болду.
- Ашда уялгъан – мухар, ишде уялгъан – хомух.
- Атлыны ашхысы, ат тизгининден билинир
- Биреуню къыйынлыгъы бла кесинге джол ишлеме.
- Урама да – ёледи, сатама да – келеди.
- Кечеси – аяз, кюню – къыш, джарлы къаргъагъа бир аш тюш!
- Чомарт къонакъ юй иесин сыйлар.
- Байлыкъ адамны сокъур этер.
- Айныгъанлы алты кюн, тогъайгъанлы тогъуз кюн.
- Гугурук къычырмаса да, тангны атары къалмаз.
- Сангырау къулакъ эл бузар.
- Эллинг бла джау болсанг да, юйюнг бла джау болма.
- Джумушакъ сёз къаты таякъны сындырыр.
- Тай асырагъан, атха минер.
- Ойнай билмеген, уруб къачар.
- Джети тилни билген джети кишиди.
- Тура эдим джата, къайдан чыкъды хата?
Ошибка!
Для просмотра темы введите ваши логин и пароль.Пожалуйста, авторизуйтесь: