- Къралынгы – душмандан, башынгы от бла суудан сакъла.
- Ач къарынны, токъ билмез
- Билмезни кёзю кёрмез, этмезни къулагъы эшитмез.
- Тиширыусуз юй – отсуз от джагъа.
- Къар – келтирди, суу – элтди.
- Ариу сёз – къылычдан джити.
- Ишге юренсин къоллары, халкъ бла болсун джоллары.
- Ач отунчуну ачыуу – бурнунда.
- Элиб деген, элге болушур.
- Ата Джуртча джер болмаз, туугъан элча эл болмаз.
- Баш – акъыл ючюн, акъылман – халкъ ючюн.
- Джаралыны джастыгъында сау ёлюр.
- Насыблы элин сюер, насыбсыз кесин сюер.
- Намысы болмагъанны, сыйы болмаз.
- Башы джабылгъан челекге, кир тюшмез.
- Таш бла ургъанны, аш бла ур.
- Аманнга да, игиге да оноусуз къатышма.
- Тенги кёбню джау алмаз, акъылы кёбню дау алмаз.
- Ёлюк кебинсиз къалмаз.
- Аякъларынгы джууургъанынга кёре узат.
- Шекер бла туз – бир болмаз, ушамагъан – юй болмаз.
- Биреуге кёлтюрген таягъынг, кесинги башынга урур.
- Уллу къазанда бишген эт, чий къалмаз.
- Ашхы атаны – джашы ашхы, ашхы ананы – къызы ашхы.
- Байлыкъ тауусулур, билим тауусулмаз.
- Шайтан алдады, тюзлюк къаргъады.
- Къонагъы джокъну – шоху джокъ.
- Джырчы ёлсе, джыры къалыр.
- Аууз сакълагъан – джан сакълар.
- Къая джолда джортма, ачыкъ сёзден къоркъма.
- Игини сыйлагъан адетди.
- Дуния малгъа сатылма, кесингден телиге къатылма.
- Кёл – къызбай, къол – батыр.
- Ач, тоймам, дейди, тойгъан, ач болмам, дейди.
- Къызын тута билмеген, тул этер, джашын тута билмеген, къул этер.
- Рысхысына кёре, джаш ёсер, къышлыгъына кёре, мал ёсер.
- Намысы джокъну – дуниясы джокъ.
- Ачлыкъда тары гырджын халыуадан татлы.
- Таукел къуру къалмаз.
- Эринчекге кюн узун.
- Ариу – кёзге, акъыл – джюрекге.
- Эки итни арасына сюек атма, эки адамны арасында сёз чыгъарма.
- Адам къаллай бир ишленмесе, аллай бир кесин уллу кёреди.
- Къызбайны юйюне дери сюрсенг, батыр болур.
- Ауругъанны сау билмез, ач къарынны токъ билмез.
- Азыгъы аз, алгъа къабар, аты аман, алгъа чабар.
- Чомарт къонакъ юй иесин сыйлар.
- Чабакъсыз кёлге къармакъ салгъанлыкъгъа, чабакъ тутмазса.
- Айыбны суу бла джууалмазса.
- Хатерли къул болур.
Ошибка!
Для просмотра темы введите ваши логин и пароль.Пожалуйста, авторизуйтесь: