- Джаралыны джастыгъында сау ёлюр.
- Сагъыш – къартлыкъгъа сюйюмчю.
- Биреуню къыйынлыгъы бла кесинге джол ишлеме.
- Алтыннга тот къонмаз.
- Байлыкъ келсе, акъыл кетер.
- Тенгинг джокъ эсе – изле, бар эсе – сакъла!
- Малны кют, джерни тюрт.
- Байлыкъ тауусулур, билим тауусулмаз.
- Алим болгъандан эсе, адам болгъан къыйынды.
- Къуллукъчума, деб махтанма, къуллукъ – хаух джамчыды!
- Адебсиз адам – джюгенсиз ат.
- Нафысынгы айтханын этме, намысынгы айтханын эт.
- Тели турса – той бузар.
- Сёз – кюмюш, джыр – алтын.
- Ауузу бла къуш тута айланады.
- Къартха ушагъан джаш – акъыллы, джашха ушагъан къарт – тели.
- Башда акъыл болмаса, эки аякъгъа кюч джетер.
- Джюрек кёзден алгъа кёрюр.
- Туз, гырджын аша, тюзлюк бла джаша.
- Ушамагъан – джукъмаз.
- Минг тенг да азды, бир джау да кёбдю.
- Ашаса, ашамаса да, бёрюню ауузу – къан.
- Байлыкъдан саулукъ ашхыды.
- Аман адам этегингден тутса, кес да къач.
- Къарт айтханны этмеген, къартаймаз.
- Игиге айтсанг – билир, аманнга айтсанг – кюлюр.
- Окъдан джара эртде-кеч болса да бителир, сёз джара, ёмюрге къалыр.
- Кёлю джокъну – джолу джокъ.
- Тешик этген тынчды, аны джамагъан къыйынды.
- Ана – юйню кюн джарыгъы.
- Аякъларынгы джууургъанынга кёре узат.
- Мураты болгъанны джюрек тебюую башхады.
- Билген билмегенни юретген адетди.
- Джылыгъа джылан илешир.
- Айран тёгюлсе, джугъусу къалыр.
- Ашхы – джыяр, аман – джояр.
- Огъурлуну сёзю – суу, огъурсузну сёзю – уу.
- Къошда джокъгъа – юлюш джокъ.
- Бек ашыкъгъан меннге джетсин, дегенди аракъы.
- Чыкълы кюнде чыкъмагъан, чыкъса къуру кирмеген.
- Зарда марда джокъ.
- Ачлыкъда тары гырджын халыуадан татлы.
- Сабийликде юретмесенг, уллу болса – тюзелмез.
- Кийим тукъум сордурур.
- Къарнынг ауруса, ауузунгу тый
- Къулакъдан эсе, кёзге ышан.
- Аш иеси бла татлыды.
- Этек чакъмакълары баш джаргъан, сёлешген сёзлери таш джаргъан.
- Ёксюзню тилеги къабыл болур.
- Дуния аламаты сен эсенг да, игиме деб айтма.
Ошибка!
Для просмотра темы введите ваши логин и пароль.Пожалуйста, авторизуйтесь: