- Насыблы элин сюер, насыбсыз кесин сюер.
- Эркишиге тары кебек танг кёрюнюр.
- Эркишини аманы тиширыуну джылатыр.
- Терслик кетер, тюзлюк джетер.
- Юреннген ауруу къалмаз.
- Рысхысына кёре, джаш ёсер, къышлыгъына кёре, мал ёсер.
- Иги сёз – джаннга азыкъ, аман сёз башха – къазыкъ.
- Къралынгы – душмандан, башынгы от бла суудан сакъла.
- Эрни эр этерик да, къара джер этерик да, тиширыуду.
- Кёл ашады да, кеси ашады.
- Арбаз къынгырды да, ийнек сауалмайма.
- Алгъанда – джууукъ, бергенде – джау.
- Билимсиз иш бармаз.
- Аджал соруб келмез, келсе, къайтыб кетмез.
- Къууут – джелге, берне – бошха.
- Садакъачыны джаны – къапчыгъында.
- Иесиз малны бёрю ашар.
- Ач къарынны, токъ билмез
- Джаралыны джастыгъында сау ёлюр.
- Къолу уллу – асыу, аягъы уллу – джарсыу.
- Эм ашхы къайын ана мамукъ бла башынгы тешер.
- Аууз сакълагъан – джан сакълар.
- Хантына кёре тузу, юйюне кёре къызы.
- Насыб бютеу халкъны юлюшюдю.
- Къонагъы джокъну – шоху джокъ.
- Кёб джашагъан – кёб билир.
- Аманнга алтын чыдамаз.
- Билгенни къолу къарны джандырыр.
- Къыз чыгъаргъан – къызыл къымжа.
- Тилчиден кери бол.
- Эринчекни аурууу – кёб.
- Адамны аты башхача, акъылы да башхады.
- Гугурук къычырмаса да, тангны атары къалмаз.
- Ишин билген, аны сыйын чыгъарады.
- Бек ашыкъгъан меннге джетсин, дегенди аракъы.
- Орну джокъну – сыйы джокъ.
- Бозанг болмагъан джерге, къалагъынгы сукъма.
- Адамны сыфатына къарама, сёзюне къара.
- Юре билмеген ит, къонакъ келтирир.
- Башы ишлегенни, ауузу да ишлер.
- Дууулдаса – бал чибин, къонса – къара чибин.
- Намыс болмагъан джерде, насыб болмаз.
- Джарлы тюеге минсе да, ит къабар.
- Эртде тургъан бла эртде юйленнген сокъуранмаз.
- Ауругъанны сау билмез, ач къарынны токъ билмез.
- Къарт айтханны этмеген, къартаймаз.
- Аман къатын алгъан, арыр, иги къатын алгъан джарыр.
- Нарт сёз къарт болмаз.
- Джауумдан сора, кюн кюйдюрюр, ётюрюкден сора, айыб кюйдюрюр.
- Нёгерсизни джолу узун.
Ошибка!
Для просмотра темы введите ваши логин и пароль.Пожалуйста, авторизуйтесь: