- Тилде сюек болмаса да, сюек сындырыр.
- Мухардан ач ычхынмаз.
- Адамны адамлыгъы къыйынлыкъда айгъакъланады.
- Келинин тута билмеген, къул этер, къызын тута билмеген, тул этер.
- Ёмюрлюк шохлукъну джел элтмез.
- Къолунгдан къуймакъ ашатсанг да, атаны борчундан къутулмазса.
- Чомартха хар кюн да байрамды.
- Къартны сыйын кёрмеген, къартлыгъында сыйлы болмаз.
- Кёб джашагъан – кёб билир.
- Ёлген ийнек сютлю болур.
- Къызны минг тилер, бир алыр.
- Сютден ауузу кюйген, суугъа юфгюре эди.
- Тамчы таш тешер.
- Адамны аманы адамны бети бла ойнар.
- Окъ къызбайны джокълайды.
- Джол бла сёзню къыйыры джокъ.
- Эл элде бирер малынг болгъандан эсе, бирер тенгинг болсун.
- Ишлерге уял да, ашаргъа табма.
- Билеги кючлю, бирни джыгъар, билими кючлю, мингни джыгъар.
- Эм уллу байлыкъ – джан саулукъ.
- Кёзню ачылгъаны – иги, ауузну джабылгъаны – иги.
- Кёбден умут этиб, аздан къуру къалма.
- Суу кетер, таш къалыр.
- Къарыусузгъа кюлме, онгсузгъа тийме.
- Кёб джат да, бек чаб.
- Тилсиз миллет джокъ болур.
- Тойгъан джерден туугъан джер игиди.
- Алим болгъандан эсе, адам болгъан къыйынды.
- Азыкъ аз болса, эртде орун сал.
- Дуния малгъа сатылма, кесингден телиге къатылма.
- Байлыкъ тауусулур, билим тауусулмаз.
- Тюзлюк шохлукъну бегитир.
- Эшекге миннген – биринчи айыб, андан джыгъылгъан – экинчи айыб.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Тюзлюк тас болмайды.
- Сагъыш – къартлыкъгъа сюйюмчю.
- Тулпарлыкъ, билекден тюл – джюрекден.
- Болджал ишни бёрю ашар.
- Босагъа таш юйге кирмей эди, тыбыр таш эшикге чыкъмай эди.
- Джуртун къоругъан озар.
- Узун джолну барсанг, бюгюн келирсе, къысха джолну барсанг, тамбла келирсе.
- Сормай – алма, чакъырылмай – барма.
- Чомарт къолда мал къалмаз.
- Аш берме да, къаш бер.
- Къарт бла баш аша, джаш бла аякъ аша.
- Чомартны къолу берекет.
- Бек ашыкъгъан меннге джетсин, дегенди аракъы.
- Сютню башын джалагъан къутулур, тюбюн ичген тутулур.
- Гугук кесини атын айтыб къычыргъанча, мен, мен деб нек тураса?
- Тин – байлыгъынг, терен саулугъунг.
Ошибка!
Для просмотра темы введите ваши логин и пароль.Пожалуйста, авторизуйтесь: