- Ач уят къоймаз.
- Эл тойса, тоймагъан, эл къойса, къоймагъан.
- Ашхы адам – халкъ байлыгъы, ашхы джер – джашау байлыгъы.
- Къарын къуру болса, джюрек уру болур.
- Окъуу – билимни ачхычы, окъуу – дунияны бачхычы.
- Къалгъан ишге къар джауар.
- Адеб джокъда, намыс джокъ.
- Кёл – къызбай, къол – батыр.
- Адебни адебсизден юрен.
- Билеги кючлю, бирни джыгъар, билими кючлю, мингни джыгъар.
- Чомартны къолун джокълукъ байлар.
- Орундукъ тюбюнде атылсам да, орта джиликме, де да айлан.
- Адеб базарда сатылмаз.
- Сакъламагъан затынга джолукъсанг, не бек къууанаса, не бек ачыйса.
- Юйюнг бла джау болгъандан эсе, элинг бла джау бол.
- Сууда джау джокъ, кёб сёзде магъана джокъ.
- Бек ашыкъгъан меннге джетсин, дегенди аракъы.
- Джюрекден джюрекге джол барды.
- Иги – алгъыш этер, аман – къаргъыш этер.
- Къатын къылыкъсыз, эр тынчлыкъсыз.
- Джылыгъа джылан илешир.
- Ачыу алгъа келсе, акъыл артха къалады.
- Душманны тышы – акъ, ичи – къара.
- Атлыны кёрсе, джаяуну буту талыр.
- Кийимни бичсенг, кенг бич, тар этген къыйын тюлдю.
- Ашхы тенг джолгъа салыр, аман тенг джолдан тайдырыр.
- Къазанны башы ачыкъ болса, итге уят керекди.
- Баланы адам этген анады.
- Чомартха Тейри да борчлуду.
- Ауурну тюбю бла, дженгилни башы бла джюрюген.
- Игини сыйлагъан адетди.
- Айырылмаз джууугъунга, унутмаз сёзню айтма.
- Тойгъан джерге джети къайт.
- Нарт сёз къарт болмаз.
- Юйюнгден чыкъдынг – кюнюнгден чыкъдынг.
- Азыкъ аз болса, эртде орун сал.
- Джырчы ёлсе, джыры къалыр.
- Ётюрюк хапар аякъ тюбю бла джюрюйдю.
- Этим кетсе да, сюегим къалыр.
- Айранын берсенг, челегин да къызгъанма.
- Аманны эки битли тону болур, бирин сеннге кийдирир, бирин кеси киер.
- Байма, деб да, къууанма, джарлыма, деб да, джылама.
- Къулакъдан эсе, кёзге ышан.
- Суу да къайтады чыкъгъан джерине.
- Ёгюзню мюйюзлери ауурлукъ этмейдиле.
- Ётюрюкден тюбю джокъ, кёлтюрюрге джиби джокъ.
- Хунаны тюбюн къазсанг, юсюнге ауар.
- Ётген ёмюр – акъгъан суу.
- Ата Джуртун танымагъан, атасын да танымаз.
- Къонакъ кёб келюучю юйню, къазаны отдан тюшмез.
Ошибка!
Для просмотра темы введите ваши логин и пароль.Пожалуйста, авторизуйтесь: