- Джеринден айырылгъан – джети джылар, джуртундан айырылгъан – ёлгюнчю джылар.
- Бек ашыкъгъан меннге джетсин, дегенди аракъы.
- Джигер – джаннга къыйынлыкъ.
- Кёзю сокъурдан – къоркъма, кёлю сокъурдан – къоркъ.
- Билим насыб берир, билим джолну керир.
- Ата – баланы уясы.
- Кёз – сюйген джерде, къол – ауругъан джерде.
- Адам сёзге тынгыла, акъыл сёзню ангыла.
- Кийимни бир кюнню аясанг, минг кюннге джарар.
- Адамны сабийин сюйген джюреги, бычакъча, джитиди.
- Къазанчы аман болса, къазаны къайнамаз.
- Адамны адамлыгъы къыйынлыкъда айгъакъланады.
- Хар сёзню орну барды.
- Кёл – къызбай, къол – батыр.
- Сескекли кесин билдирир.
- Кюлме джашха – келир башха.
- Къарт болгъан джерде, берекет болур, сабий болгъан джерде, оюн болур.
- Юреннген ауруу къалмаз.
- Акъдан къара болмаз.
- Кёбден умут этиб, аздан къуру къалма.
- Ач да бол, токъ да бол – намысынга бек бол.
- Тил бла келеди джыр да.
- Алтыда кюлмеген, алтмышда кюлмез.
- Бозаны арты дауур болур.
- Ойнай билмеген, уруб къачар.
- Ариуну – ауруу кёб.
- Бети – къучакълар, джюреги – бычакълар.
- Тиширыусуз юй – отсуз от джагъа.
- Билимли ёлмез, билимсиз кёрмез.
- Ишни аллы бла къууанма да, арты бла къууан.
- Окъ къызбайны джокълайды.
- Адам боллукъ, атламындан белгили болур.
- Джолда аягъынга сакъ бол, ушакъда тилинге сакъ бол.
- Игилик игилик бла сингдирилиучю затды.
- Юй ишлеген балта эшикде къалыр.
- Атлыны кёрсе, джаяуну буту талыр.
- Атадан ёксюз – бир ёксюз, анадан ёксюз – эки ёксюз.
- Кёкдеги болмаса, джердегин кёрмейди.
- Ёлген аслан – сау чычхан.
- Окъуу – билимни ачхычы, окъуу – дунияны бачхычы.
- Ишин билген, аны сыйын чыгъарады.
- Таула не мийик болсала да, аууш табылыр.
- Шайтан алдады, тюзлюк къаргъады.
- Мухардан ач ычхынмаз.
- Башланнган иш битер, къымылдагъан тиш тюшер.
- Къралынгы – душмандан, башынгы от бла суудан сакъла.
- Нёгерсизни джолу узун.
- Тик ёргени, тик энгишгеси да болады.
- Элде адам къалмаса, ит тахтагъа минер.
- Къонагъынгы артмагъын алма да, алгъышын ал.
Ошибка!
Для просмотра темы введите ваши логин и пароль.Пожалуйста, авторизуйтесь: