- Сакъламагъан затынга джолукъсанг, не бек къууанаса, не бек ачыйса.
- Аллахдан тилесенг, кёб тиле.
- Адам къыйынлыгъын кёлтюрюр, зауукълугъун кёлтюрмез.
- Акъыл сабырлыкъ берир.
- Джогъун бар этген, барын бал этген.
- Кийим тукъум сордурур.
- Хантына кёре тузу, юйюне кёре къызы.
- Эл ауузу – элек, анга ийнаннган – халек.
- Ёзденликни кёбю ётюрюк.
- Керек ташны ауурлугъу джокъ.
- Ёлюр джаннга, ёкюл джокъ.
- Таукел къуру къалмаз.
- Таукелге нюр джауар.
- Окъумагъан сокъурду, сокъур ташха абыныр!
- Дуния малгъа сатылма, кесингден телиге къатылма.
- Айырылмаз джууугъунга, унутмаз сёзню айтма.
- Тик ёргени, тик энгишгеси да болады.
- Садакъачыны джаны – къапчыгъында.
- Тил джюрекге джол ишлейди.
- Кютгени беш эчки, сызгъыргъаны уа, джерни джарады.
- Джарашыу сюйген – джалынчакъ.
- Кесинг сынамагъан затны, адамгъа буюрма.
- Ашхы адам – халкъ байлыгъы, ашхы джер – джашау байлыгъы.
- Джиби бир къат джетмей эди да, эки къат тарта эди.
- Ашына кёре табагъы, балына кёре къалагъы.
- Алгъанда – джууукъ, бергенде – джау.
- Аз айтсам, кёб ангылагъыз.
- Терек ауса, отунчу – кёб.
- Бал ашаргъа сюе эсенг, чибин ургъаннга тёз.
- Къызны минг тилер, бир алыр.
- Тёрени джагъы джокъ.
- Иги сеники эсе да, сюйген кесимикин этеме.
- Иги джашны ышаны – аз сёлешиб, кёб тынгылар.
- Тюзлюк шохлукъну бегитир.
- Хар адамгъа кеси миннген тау кибик.
- Этни бети бла шорпасы.
- Ёлген аслан – сау чычхан.
- Айырылгъанланы айю ашар, бёлюннгенлени бёрю ашар.
- Бет бетге къараса, бет да джерге къарар.
- Хаухну атма, ёнгкючню сатма.
- Иги – алгъыш этер, аман – къаргъыш этер.
- Уруну арты – къуру.
- Ашаса, ашамаса да, бёрюню ауузу – къан.
- Иги адам абынса да, джангылмаз.
- Иши джокъну, сыйы джокъ.
- Хар ишни да аллы къыйынды.
- Орундукъ тюбюнде атылсам да, орта джиликме, де да айлан.
- Эте билген, этген этеди, эте билмеген, юретген этеди!
- Чарсда алчыны эл кёреди.
- Къонагъынгы артмагъын алма да, алгъышын ал.
Ошибка!
Для просмотра темы введите ваши логин и пароль.Пожалуйста, авторизуйтесь: