- Ишлемеген – тишлемез.
- Халкъны юйю – туугъан джери.
- Элни кючю – эмеген.
- Эринчекни аурууу – кёб.
- Ариуну – ауруу кёб.
- Джерни букъусу кёкге къонмаз.
- Ауругъанны сау билмез, ач къарынны токъ билмез.
- Ач келгенни – тойдур, кеч келгенни – къондур.
- Тынгылагъан тынгы бузар.
- Аман хансны – урлугъу кёб.
- Дуния мал дунияда къалады.
- Алгъанда – джууукъ, бергенде – джау.
- Асхат ашлыкъ сата, юйдегиси ачдан къата.
- Джауумдан сора, кюн кюйдюрюр, ётюрюкден сора, айыб кюйдюрюр.
- Уясында не кёрсе, учханында аны этер.
- Джарлы эскисин джамаса, къууаныр.
- Билими азны – ауузунда кирит.
- Алтыда кюлмеген, алтмышда кюлмез.
- Келинин тута билмеген, къул этер, къызын тута билмеген, тул этер.
- Зар адам ашынгы ашар, кесинги сатар.
- Шекер бла туз – бир болмаз, ушамагъан – юй болмаз.
- Эм уллу байлыкъ – джан саулукъ.
- Байма, деб да, къууанма, джарлыма, деб да, джылама.
- Джуртун къоругъан озар.
- Айранны сюйген, ийнек тутар.
- Ётюрюк хапар аякъ тюбю бла джюрюйдю.
- Билим – акъылны чырагъы.
- Кесинге джетмегенни, кёб сёлешме.
- Сибиртки да сыйлы болду, кюрек да кюнлю болду.
- Къарнынг къанлынга кийирир.
- Джашда акъыл джокъ, къартда къарыу джокъ.
- Аманны эки битли тону болур, бирин сеннге кийдирир, бирин кеси киер.
- Иги бла джюрюсенг, джетерсе муратынга, аман бла джюрюсенг, къалырса уятха.
- Телини эшигин, махтау джабар.
- Чыкълы кюнде чыкъмагъан, чыкъса къуру кирмеген.
- Кенгеш болса, уруш болмаз.
- Кёлю джокъну – джолу джокъ.
- Битмегеннге сакъал – танг.
- Гыдай эчки суугъа къараб, мюйюзле кёрмесе, джашма алкъын, дегенди.
- Баргъанынга кёре болур келгенинг.
- Адамны аты башхача, акъылы да башхады.
- Ана къолу ачытмаз.
- Къуллукъчума, деб махтанма, къуллукъ – хаух джамчыды!
- Итли къонакъ джарашмаз.
- Аманны къуугъан, аманлыкъ табар.
- Ёлюк кебинсиз къалмаз.
- Насыб бютеу халкъны юлюшюдю.
- Аджашхан тёгерек айланыр.
- Ишлегенден, къарагъан уста.
- Бети – къучакълар, джюреги – бычакълар.
Ошибка!
Для просмотра темы введите ваши логин и пароль.Пожалуйста, авторизуйтесь: