- Къобан да къуру да къобханлай турмайды, адам да къуру да патчахлай турмайды.
- Кечеси – аяз, кюню – къыш, джарлы къаргъагъа бир аш тюш!
- Кенгеш болса, уруш болмаз.
- Кюн – узун, ёмюр – къысха.
- Джаш болсун, къыз болсун, акъылы, саны тюз болсун.
- Ачыкъ джюрекге джол – ачыкъ.
- Ач уят къоймаз.
- Байлыкъдан саулукъ ашхыды.
- Къызын тута билмеген, тул этер, джашын тута билмеген, къул этер.
- Къаллай салам берсенг, аллай джууаб алырса.
- Джюрекге ариу – кёзге да ариу.
- Джогъун бар этген, барын бал этген.
- Къазанчы аман болса, къазаны къайнамаз.
- Къазанда болса, чолпугъа чыгъар.
- Джангыз терек къынгыр ёсер.
- Аурууну келиую тынч, кетиую – къыйын.
- Тюзлюк тас болмайды.
- Этим кетсе да, сюегим къалыр.
- Кийим тукъум сордурур.
- Бети – къучакълар, джюреги – бычакълар.
- Насыб бютеу халкъны юлюшюдю.
- Зарда марда джокъ.
- Намыс сатылыб алынмайды.
- Эринчекни эр алмаз, эр алса да, кёл салмаз, кёл салса да, кёб бармаз!
- Аман адам этегингден тутса, кес да къач.
- Тура эдим джата, къайдан чыкъды хата?
- Джарлыны тону джаз битер.
- Акъыл аздырмаз, билим тоздурмаз.
- Кёзю сокъурдан – къоркъма, кёлю сокъурдан – къоркъ.
- Тенги кёбню джау алмаз, акъылы кёбню дау алмаз.
- Джаз бир кюнню джатсанг, къыш талай кюнню абынырса.
- Шекер бла туз – бир болмаз, ушамагъан – юй болмаз.
- Къыз келсе, джумуш эте келеди, къатын келсе, ушакъ эте келеди.
- Джылыгъа джылан илешир.
- Ач къарынны, токъ билмез
- Тюзню ётмеги тюзде къалса да, тас болмаз.
- Ёмюрлюк шохлукъну джел элтмез.
- Къонакъ болсанг, ийнакъ бол.
- Адамны аманы адамны бети бла ойнар.
- Экеулен сёлеше тура эселе, орталарына барыб кирме.
- Эки къатын алгъан – эки ташны ортасына башын салгъан.
- Оюмсуз атлагъан, аджалсыз ёлюр.
- Башы джабылгъан челекге, кир тюшмез.
- Тёзгеннге, джабылгъан эшик ачылыр.
- Билими азны – ауузунда кирит.
- Къонакъны къачан кетерин сорма, къачан келлигин сор.
- Тойгъа барсанг, тоюб бар, эски тонунгу къоюб бар.
- Дженгил джетерикме деб, узун джолну къоюб, къысхасын барма.
- Эм уллу байлыкъ – джан саулукъ.
- Аш кетер да бет къалыр.
Ошибка!
Для просмотра темы введите ваши логин и пароль.Пожалуйста, авторизуйтесь: