- Нарт сёз къарт болмаз.
- Сёлеш деб шай берген, тохта деб, сом берген.
- Акъыл къартда, джашда тюйюлдю – башдады.
- Арбаз къынгырды да, ийнек сауалмайма.
- Аманнга игилик этсенг, юйюнге сау бармазса.
- Суугъа – таянма, джаугъа – ийнанма.
- Огъурлуну сёзю – суу, огъурсузну сёзю – уу.
- Артына баргъанны, къатына барма.
- Джукъу тёшек сайламайды.
- Мал тутхан – май джалар.
- Кёб ант этген, кёб ётюрюк айтыр.
- Джылыгъа джылан илешир.
- Тойну къарнашы – харс, джырны къарнашы – эжиу.
- Окъугъанны бети джарыкъ.
- Къарыусузгъа кюлме, онгсузгъа тийме.
- Байлыкъдан саулукъ ашхыды.
- Ауругъан – джашаудан умутчу.
- Иги сеники эсе да, сюйген кесимикин этеме.
- Джюз элде джюз ёгюзюм болгъандан эсе, джюз джууугъум болсун.
- Биреуге аманлыкъны тилеме да, кесинге ашхылыкъны тиле.
- Мал кёб болса, джууукъ кёб болур.
- Кёб джашагъан – кёб билир.
- Мураты болгъанны джюрек тебюую башхады.
- Агъач – джерни чырайы, кийим – эрни чырайы.
- Ариу сёзде ауруу джокъ.
- Ариу – кёзге, акъыл – джюрекге.
- Термилгенинги табмазса, кюлгенинге тюберсе.
- Кийимни бичсенг, кенг бич, тар этген къыйын тюлдю.
- Гитче джилтин уллу элни джандырыр.
- Эки къатын алгъан – эки ташны ортасына башын салгъан.
- Ачыу алгъа келсе, акъыл артха къалады.
- Айраннга суу къош, телиге джол бош.
- Юре билмеген ит, къонакъ келтирир.
- Аманны къуугъан, аманлыкъ табар.
- Мал ёлсе, сюек къалыр, адам ёлсе, иши къалыр.
- Байдан умут эте, джарлыдан ёгюз багъасы къорады.
- Эшекни не къадар тюйсенг да, ат болмаз.
- Иги болса, тамадама – махтау, аман болса, меннге – айыб.
- Джаш болсун, къыз болсун, акъылы, саны тюз болсун.
- Къонакъ кёб келюучю юйню, къазаны отдан тюшмез.
- Гугурук къычырмаса да, тангны атары къалмаз.
- Хар зат кесини орнуна иги.
- Шайтан алдады, тюзлюк къаргъады.
- Мадар болса, къадар болур.
- Ариу сёз – къылычдан джити.
- Адам къаллай бир ишленмесе, аллай бир кесин уллу кёреди.
- Эр абынмай, эл танымаз.
- Къонагъы джокъну – шоху джокъ.
- Джырчы джырчыгъа – къарнаш.
- Келгинчи, къонакъ уялыр, келгенден сора, къонакъбай уялыр.
Ошибка!
Для просмотра темы введите ваши логин и пароль.Пожалуйста, авторизуйтесь: