- Кюлме джашха – келир башха.
- Бети – къучакълар, джюреги – бычакълар.
- Ауругъаннга – кийик саулукъ, джетген къызгъа – чилле джаулукъ.
- Ариу сёз – джаннга азыкъ, аман сёз – башха къазыкъ.
- Кесине гебен этелмеген, биреуге черен эте эди.
- Къазанны башы ачыкъ болса, итге уят керекди.
- Къуру гыбыт бек дыгъырдар.
- Бетинги сатма, малынгы сат.
- Аш берме да, къаш бер.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Кёзю сокъурдан – къоркъма, кёлю сокъурдан – къоркъ.
- Эртде тургъан бла эртде юйленнген сокъуранмаз.
- Ашлыкъ – бюртюкден, джюн – тюкден.
- Абынмазлыкъ аякъ джокъ, джангылмазлыкъ джаякъ джокъ.
- Кирсизни – саны таза, халалны – къаны таза.
- Рысхы – насыбха къор.
- Акъыл къартда, джашда тюйюлдю – башдады.
- Дуния аламаты сен эсенг да, игиме деб айтма.
- Ушамагъан – джукъмаз.
- Биреуню эскиси биреуге джангы болмайды.
- Чакъырылмагъан къонакъ тёрге атламаз.
- Ётюрюкню къуйругъу – бир тутум.
- Ач, тоймам, дейди, тойгъан, ач болмам, дейди.
- Къонакъны къачан кетерин сорма, къачан келлигин сор.
- Азыгъы аз, алгъа къабар, аты аман, алгъа чабар.
- Айран ичген – къутулду, джугъусун джалагъан – тутулду.
- Джюрекге ариу – кёзге да ариу.
- Аман адам элни бир-бирине джау этер.
- Дуния малгъа сатылма, кесингден телиге къатылма.
- Юй кюйдю да, кюйюз чыкъды, ортасындан тюйюш чыкъды.
- Джашда акъыл джокъ, къартда къарыу джокъ.
- Халкъны джырын джырласанг, халкъ санга эжиу этер.
- Джогъун бар этген, барын бал этген.
- Намысы болмагъанны, сыйы болмаз.
- Чомарт бергенин айтмаз.
- Къонакъ аз олтурур, кёб сынар.
- Тилчи бир сагъатха айлыкъ хата этер.
- Аман эсирсе, юйюн ояр.
- Босагъа таш юйге кирмей эди, тыбыр таш эшикге чыкъмай эди.
- Аджашханны ызындагъы кёреди, джангылгъанны джанындагъы биледи.
- Чомартха хар кюн да байрамды.
- Джырчы джырчыгъа – къарнаш.
- Ёзденликни джайгъан – джокълукъ.
- Юреннген ауруу къалмаз.
- Ётюрюкню башын керти кесер.
- Келинни – келгинчи, бёркню кийгинчи кёр.
- Эки ойлашыб, бир сёлешген.
- Айыбны суу бла джууалмазса.
- Чакъырылмай келген къонакъ сыйланмай кетер.
- Джарлы эскисин джамаса, къууаныр.
Ошибка!
Для просмотра темы введите ваши логин и пароль.Пожалуйста, авторизуйтесь: