- Ата Джуртуму башы болмасам да, босагъасында ташы болайым.
- Джолда аягъынга сакъ бол, ушакъда тилинге сакъ бол.
- Суу да къайтады чыкъгъан джерине.
- Тиширыусуз юй – отсуз от джагъа.
- Адеб базарда сатылмаз.
- Насыблы элин сюер, насыбсыз кесин сюер.
- Кечеси – аяз, кюню – къыш, джарлы къаргъагъа бир аш тюш!
- Бичгенде ашыкъма, тикгенде ашыкъ.
- Аманны эки битли тону болур, бирин сеннге кийдирир, бирин кеси киер.
- Джашда акъыл джокъ, къартда къарыу джокъ.
- Ёзденликни кёбю ётюрюк.
- Тил – кесген бычакъ, сёз – атылгъан окъ.
- Игиге айтсанг – билир, аманнга айтсанг – кюлюр.
- Аз сёлешген, къайгъысыз турур.
- Дуния аламаты сен эсенг да, игиме деб айтма.
- Эрине къаргъыш этген къатын, эрнин къабар.
- Аман къатын сабий табса, бий болур…
- Тешигини къатында, чычхан да батыр болур.
- Аш хазыр болса, иш харам болур.
- Аурууну келиую тынч, кетиую – къыйын.
- Душманны тышы – акъ, ичи – къара.
- Окъугъан озар, окъумагъан тозар.
- Сабыр джетер муратха, сабырсыз къалыр уятха.
- Юйюнгден чыкъдынг – кюнюнгден чыкъдынг.
- Тилсиз миллет джокъ болур.
- Хантына кёре тузу, юйюне кёре къызы.
- Сабий болмагъан джерде, мёлек болмаз.
- Къарт айтханны этмеген, къартаймаз.
- Кесине гебен этелмеген, биреуге черен эте эди.
- Тулпарлыкъ, билекден тюл – джюрекден.
- Ач да бол, токъ да бол – намысынга бек бол.
- Этни бети бла шорпасы.
- Битмегеннге сакъал – танг.
- Этек чакъмакълары баш джаргъан, сёлешген сёзлери таш джаргъан.
- Шекер бла туз – бир болмаз, ушамагъан – юй болмаз.
- Джюрекге ариу – кёзге да ариу.
- Тюзлюк тас болмайды.
- Биреуге кёлтюрген таягъынг, кесинги башынга урур.
- Аман хансны – урлугъу кёб.
- Акъыллы айтыр эди, акъылсыз къоймайды.
- Къарны аманнга къазан такъдырма, къолу аманнга от джакъдырма.
- Кёбге таш атма.
- Тойчу джашха къарама, къойчу джашха къара.
- Азыкълы ат арымаз, къатыны аман джарымаз.
- Садакъачыны джаны – къапчыгъында.
- Танг атмайма десе да, кюн къоярыкъ тюйюлдю.
- Ана – юйню кюн джарыгъы.
- Ишленмеклик адамлыкъды.
- Джарлыны тону джаз битер.
- Атынг аманнга чыкъгъандан эсе, джанынг тамагъынгдан чыкъсын.
Ошибка!
Для просмотра темы введите ваши логин и пароль.Пожалуйста, авторизуйтесь: