- Ишин билген, аны сыйын чыгъарады.
- Ариу джол аджал келтирмез.
- Терслик кетер, тюзлюк джетер.
- Эртде тургъан бла эртде юйленнген сокъуранмаз.
- Асхат ашлыкъ сата, юйдегиси ачдан къата.
- Ашда – бёрю, ишде – ёлю.
- Нафысынгы айтханын этме, намысынгы айтханын эт.
- Кёзден кетген, кёлден да кетеди.
- Чарсда алчыны эл кёреди.
- Джуртун къоругъан озар.
- Дуния аламаты сен эсенг да, игиме деб айтма.
- Къонакъ аман болса, къонакъбай джунчур
- Джаным-тиним – окъуу, билим.
- Къызбайны юйюне дери сюрсенг, батыр болур.
- Къулакъдан эсе, кёзге ышан.
- Ичимден чыкъды хата, къайры барайым сата?
- Уллу суу бла уллу ауруудан башынгы сакъла.
- Уллу къашыкъ эрин джыртар.
- Олтуруб кёрюнмей эди да, ёрге туруб кёрюне эди.
- Халкъны джырын джырласанг, халкъ санга эжиу этер.
- Билим насыб берир, билим джолну керир.
- Ашатыргъа иш – ашхы, ишлетирге аш – ашхы.
- Ойнай билмеген, уруб къачар.
- Чабакъсыз кёлге къармакъ салгъанлыкъгъа, чабакъ тутмазса.
- Кёпюр салгъан кеси ётер, уру къазгъан кеси кетер.
- Бозаны арты дауур болур.
- Джылкъыдан – ат чыгъар, тукъумдан – джаш чыгъар.
- Ёксюзню къалачы уллу кёрюнюр.
- Айныгъанлы алты кюн, тогъайгъанлы тогъуз кюн.
- Кесине гебен этелмеген, биреуге черен эте эди.
- Джолунга кёре – джюрюшюнг, джагъанга кёре – юлюшюнг.
- Ишни аллы бла къууанма да, арты бла къууан.
- Зар адамны насыбы болмаз.
- Эринчекни эр алмаз, эр алса да, кёл салмаз, кёл салса да, кёб бармаз!
- Орундукъ тюбюнде атылсам да, орта джиликме, де да айлан.
- Атадан ёксюз – бир ёксюз, анадан ёксюз – эки ёксюз.
- Джангызны оту джарыкъ джанмаз!
- Алим болгъандан эсе, адам болгъан къыйынды.
- Бёрю да ач къалмасын, эчки да ашалмасын.
- Эл ауузу – элек, анга ийнаннган – халек.
- Къар – келтирди, суу – элтди.
- Адеб базарда сатылмаз.
- Сагъышы джокъ – джукъучу, акъылы джокъ – къаугъачы.
- Ашаса, ашамаса да, бёрюню ауузу – къан.
- Арба аугъандан сора, джол кёргюзтюучю кёб болур.
- Акъыл сабырлыкъ берир.
- Байлыкъ тауусулур, билим тауусулмаз.
- Ата Джуртуму башы болмасам да, босагъасында ташы болайым.
- Билмегенинги, билгеннге сор.
- Акъыллы айтыр эди, акъылсыз къоймайды.
Ошибка!
Для просмотра темы введите ваши логин и пароль.Пожалуйста, авторизуйтесь: