- Сакъламагъан затынга джолукъсанг, не бек къууанаса, не бек ачыйса.
- Къобан да къуру да къобханлай турмайды, адам да къуру да патчахлай турмайды.
- Дуния мал дунияда къалады.
- Кёбге таш атма.
- Джырчы ёлсе, джыры къалыр.
- Ашхылыкъ джерде джатмайды, аманлыкъ суугъа батмайды.
- Джарлы джети элни сёзюн этер.
- Чабар ат – джетген къыз.
- Айтхан сёзюне табылгъан.
- Билимсиз иш бармаз.
- Джюрекден джюрекге джол барды.
- Къая джолда джортма, ачыкъ сёзден къоркъма.
- Ёнгкюч къууана барыр, джылай келир.
- Джахил болса анасы, не билликди баласы?
- Тюз сёз баргъан сууну тыяр.
- Ашлыкъ – бюртюкден, джюн – тюкден.
- Джетген къыз джерли эшекни танымаз.
- Адамны сыфатына къарама, сёзюне къара.
- Ач къалгъандан, кеч къалгъан къолай.
- Чомарт джарлы болмаз.
- Таукел тауну аудурур.
- Байдан умут эте, джарлыдан ёгюз багъасы къорады.
- Рысхысына кёре, джаш ёсер, къышлыгъына кёре, мал ёсер.
- Адам туугъан джеринде, ит тойгъан джеринде.
- Ач отунчуну ачыуу – бурнунда.
- Тик ёргени, тик энгишгеси да болады.
- Эр абынмай, эл танымаз.
- Кёзню ачылгъаны – иги, ауузну джабылгъаны – иги.
- Кёпюр салгъан кеси ётер, уру къазгъан кеси кетер.
- Къаллай салам берсенг, аллай джууаб алырса.
- Тенгинг джокъ эсе – изле, бар эсе – сакъла!
- Алма терегинден кери кетмез.
- Бичгенде ашыкъма, тикгенде ашыкъ.
- Къралынгы – душмандан, башынгы от бла суудан сакъла.
- Хунаны тюбюн къазсанг, юсюнге ауар.
- Насыблы элин сюер, насыбсыз кесин сюер.
- Сууда джау джокъ, кёб сёзде магъана джокъ.
- Тилчиден кери бол.
- Къазанчы аман болса, къазаны къайнамаз.
- Къуллукъчума, деб махтанма, къуллукъ – хаух джамчыды!
- Уллу атлама – абынырса, уллу къабма – къарылырса.
- Джаралыны джастыгъында сау ёлюр.
- Айтылгъан буйрукъ, сёгюлмез
- Бозанг болмагъан джерге, къалагъынгы сукъма.
- Айныгъанлы алты кюн, тогъайгъанлы тогъуз кюн.
- Чабакъсыз кёлге къармакъ салгъанлыкъгъа, чабакъ тутмазса.
- Тели турса – той бузар.
- Кимни – тили, тиши онглу, кимни – къолу, иши онглу.
- Кюн кёрмеген, кюн кёрсе, кюндюз чыракъ джандырыр.
- Ауурну тюбю бла, дженгилни башы бла джюрюген.
Ошибка!
Для просмотра темы введите ваши логин и пароль.Пожалуйста, авторизуйтесь: