- Иги бла джюрюсенг, джетерсе муратынга, аман бла джюрюсенг, къалырса уятха.
- Дуния аламаты сен эсенг да, игиме деб айтма.
- Дуния малгъа сатылма, кесингден телиге къатылма.
- Джерни букъусу кёкге къонмаз.
- Алтыда кюлмеген, алтмышда кюлмез.
- Ариу сёзде ауруу джокъ.
- Аманнга игилик этсенг, юйюнге сау бармазса.
- Чомартны къолун джокълукъ байлар.
- Башда акъыл болмаса, эки аякъгъа кюч джетер.
- Аз сёлеш, кёб ишле.
- Чомартха Тейри да борчлуду.
- Аууз сакълагъан – джан сакълар.
- Иши джокъну, сыйы джокъ.
- Джашны джигитлиги сорулур, къызны джигерлиги сорулур.
- Экеу тутушса, биреу джыгъылыр.
- Чомарт бергенин айтмаз.
- Баргъанынга кёре болур келгенинг.
- Хансыз джомакъ болмаз.
- Кийимни бир кюнню аясанг, минг кюннге джарар.
- Адебни адебсизден юрен.
- Джолда аягъынга сакъ бол, ушакъда тилинге сакъ бол.
- Къарнынг къанлынга кийирир.
- Чомартха хар кюн да байрамды.
- Атадан ёксюз – бир ёксюз, анадан ёксюз – эки ёксюз.
- Садакъачыны джаны – къапчыгъында.
- Къарны аманнга къазан такъдырма, къолу аманнга от джакъдырма.
- Арба аугъандан сора, джол кёргюзтюучю кёб болур.
- Ач къарынны, токъ билмез
- Окъ къызбайны джокълайды.
- Игини сыйлагъан адетди.
- Тил – кесген бычакъ, сёз – атылгъан окъ.
- Игилик игилик бла сингдирилиучю затды.
- Къайтырыкъ эшигинги, къаты уруб чыкъма.
- Душманны тышы – акъ, ичи – къара.
- Байлыкъ болгъан джерде, тынчлыкъ джокъду.
- Тынгылагъан тынгы бузар.
- Адеб джокъда, намыс джокъ.
- Сескекли кесин билдирир.
- Кирсизни – саны таза, халалны – къаны таза.
- Къыз тиширыу кеси юйюнде да къонакъды.
- Ёлген эшек бёрюден къоркъмайды.
- Бойнуму джети джерден кессенг да, мен ол ишни этеллик тюлме.
- Ёзденликни кёбю ётюрюк.
- Аджашханны ызындагъы кёреди, джангылгъанны джанындагъы биледи.
- Тойгъан антын унутур.
- Аман адамны тепсинге олтуртсанг, къызынгы тилер.
- Адам туугъан джеринде, ит тойгъан джеринде.
- Асхат ашлыкъ сата, юйдегиси ачдан къата.
- Аман къатын сабий табса, бий болур…
- Сёз садакъдан кючлюдю.
Ошибка!
Для просмотра темы введите ваши логин и пароль.Пожалуйста, авторизуйтесь: