- Къонакъ болсанг, ийнакъ бол.
- Адамны артындан къара сабан сюрме.
- Адамны джюреги нени кёрюрге сюйсе, кёзю да аны кёрюрге ёч болады.
- Иги адамны бир сёзю эки болмаз.
- Ариу сёзде ауруу джокъ.
- Къулакъдан эсе, кёзге ышан.
- Игини сыйлагъан адетди.
- Ишлемеген – тишлемез.
- Ишни аллы бла къууанма да, арты бла къууан.
- Къартны сыйын кёрмеген, къартлыгъында сыйлы болмаз.
- Чабакъсыз кёлге къармакъ салгъанлыкъгъа, чабакъ тутмазса.
- Мен да «сен», дейме, сен да «кесим», дейсе.
- Ёнгкюч къууана барыр, джылай келир.
- Минг тенг да азды, бир джау да кёбдю.
- Керти сёзге тёре джокъ.
- Ишленмеген джаш – джюгенсиз ат, ишленмеген къыз – тузсуз хант.
- Билим – акъылны чырагъы.
- Алгъанда – джууукъ, бергенде – джау.
- Ышармагъан – кюлмез, кюлмеген – къууанчны билмез.
- Къралынгы – душмандан, башынгы от бла суудан сакъла.
- Ариу сёз – къылычдан джити.
- Къатыны харакетли болса, эри къымсыз болур.
- Экиндини кеч къылсанг, чабыб джетер ашхам.
- Аджашхан тёгерек айланыр.
- Тамырсыз терекге таянма – джыгъылырса.
- Сыфатында болмагъаны, суратында болмаз.
- Намысы джокъну – дуниясы джокъ.
- Джиби бир къат джетмей эди да, эки къат тарта эди.
- Аман къатын алгъан, арыр, иги къатын алгъан джарыр.
- Тилсиз миллет джокъ болур.
- Башланнган иш битер, къымылдагъан тиш тюшер.
- Бермеген къол, алмайды.
- Алма терегинден кери кетмез.
- Джылар джаш, атасыны сакъалы бла ойнар.
- Ётген ёмюр – акъгъан суу.
- Дуния малгъа сатылма, кесингден телиге къатылма.
- Окъдан джара эртде-кеч болса да бителир, сёз джара, ёмюрге къалыр.
- Ишленмеклик адамлыкъды.
- Ёксюзню тилеги къабыл болур.
- Билген билмегенни юретген адетди.
- Халкъны джырын джырласанг, халкъ санга эжиу этер.
- Ач къалгъандан, кеч къалгъан къолай.
- Аджалсыз ёлюм болмаз.
- Тюзлюк шохлукъну бегитир.
- Этек чакъмакълары баш джаргъан, сёлешген сёзлери таш джаргъан.
- Мухардан ач ычхынмаз.
- Ётюрюкчюню шагъаты – къатында.
- Артына баргъанны, къатына барма.
- Джангыз терек къынгыр ёсер.
- Эски джаугъа ышанма.
Ошибка!
Для просмотра темы введите ваши логин и пароль.Пожалуйста, авторизуйтесь: