- Игини сыйлагъан адетди.
- Джашынгы кесинг юретмесенг, джашау юретир.
- Ёнгкюч къууана барыр, джылай келир.
- Аманны эки битли тону болур, бирин сеннге кийдирир, бирин кеси киер.
- Сёз къанатсыз учар.
- Ышармагъан – кюлмез, кюлмеген – къууанчны билмез.
- Ана къойну – балагъа джандет.
- Къызбайны юйюне дери сюрсенг, батыр болур.
- Намысы болмагъанны, сыйы болмаз.
- Таукел тауну аудурур.
- Тойчу джашха къарама, къойчу джашха къара.
- Биреуге аманлыкъ этиб, кесинге игилик табмазса.
- Накъырданы арты керти болур.
- Эринчекни аурууу – кёб.
- Джашны джигитлиги сорулур, къызны джигерлиги сорулур.
- Джылкъыдан – ат чыгъар, тукъумдан – джаш чыгъар.
- Ашарыкъда сайлагъаннга – чий гырджын.
- Бозанг болмагъан джерге, къалагъынгы сукъма.
- Къарнынг бла ёч алма.
- Джюрекден джюрекге джол барды.
- Сакъ юйюне сау барыр.
- Джашлыкъ этмеген, башлыкъ этмез.
- Дуния мал дунияда къалады.
- Нафысынгы айтханын этме, намысынгы айтханын эт.
- Ачны эсинде – аш.
- Эр сокъур болсун, къатын тилсиз болсун.
- Билимсиз иш бармаз.
- Ач къарынны, токъ билмез
- Сёз – кюмюш, джыр – алтын.
- Къарыусузгъа кюлме, онгсузгъа тийме.
- Эки къатын алгъан – эки ташны ортасына башын салгъан.
- «Ма», - дегенни билмесенг, «бер», - дегенни билмезсе.
- Къазанны башы ачыкъ болса, итге уят керекди.
- Эринчекге кюн узун.
- Окъуу – билимни ачхычы, окъуу – дунияны бачхычы.
- Хар ишни да аллы къыйынды.
- Байлыкъ адамны сокъур этер.
- Эшекге миннген – биринчи айыб, андан джыгъылгъан – экинчи айыб.
- Сютден ауузу кюйген, суугъа юфгюре эди.
- Келинин тута билмеген, къул этер, къызын тута билмеген, тул этер.
- Эл бла кёргенинг эрелей.
- Игиге айтсанг – билир, аманнга айтсанг – кюлюр.
- Кёзю сокъурдан – къоркъма, кёлю сокъурдан – къоркъ.
- Гитче джилтин уллу элни джандырыр.
- Садакъачыны джаны – къапчыгъында.
- Тамбла алтындан бюгюн багъыр ашхы.
- Ачыу алгъа келсе, акъыл артха къалады.
- Кесинг сынамагъан затны, адамгъа буюрма.
- Керилген да, ургъан кибикди.
- Джауумдан сора, кюн кюйдюрюр, ётюрюкден сора, айыб кюйдюрюр.
Ошибка!
Для просмотра темы введите ваши логин и пароль.Пожалуйста, авторизуйтесь: