- Чоюнну башы ачыкъ болса, итге уят керекди.
- От этилмеген джерден тютюн чыкъмайды.
- Къонагъынгы артмагъын алма да, алгъышын ал.
- Къарт айтханны этмеген, къартаймаз.
- Хар зат кесини орнуна иги.
- Къоркъакъны кёзю экили кёрюр.
- Къолу уллу – асыу, аягъы уллу – джарсыу.
- Ашхылыкъ джерде джатмайды, аманлыкъ суугъа батмайды.
- Сабий болмагъан джерде, мёлек болмаз.
- Кесине оноу эте билмеген, халкъына да эте билмез.
- Сабий кёргенин унутмаз.
- Сакъ юйюне сау барыр.
- Тойгъан антын унутур.
- Гугурук къычырмаса да, тангны атары къалмаз.
- Кесинг сынамагъан затны, адамгъа буюрма.
- Тойну къарнашы – харс, джырны къарнашы – эжиу.
- Элге къуллукъ этмеген, элге ие болмаз.
- Ач келгенни – тойдур, кеч келгенни – къондур.
- Джарлы эскисин джамаса, къууаныр.
- Ойнаб айтсанг да, эслеб айт.
- Айраннга суу къош, телиге джол бош.
- Ушамагъан – джукъмаз.
- Тойчу джашха къарама, къойчу джашха къара.
- Ариу сёз аурууунгу алыр.
- Ата – баланы уясы.
- Кёб ант этген, кёб ётюрюк айтыр.
- Тенгинг джокъ эсе – изле, бар эсе – сакъла!
- Кёпюр салгъан кеси ётер, уру къазгъан кеси кетер.
- Мал кёб болса, джууукъ кёб болур.
- Ач да бол, токъ да бол – намысынга бек бол.
- Сабийликде юретмесенг, уллу болса – тюзелмез.
- Адамны аты башхача, акъылы да башхады.
- Ач – эснер, ат – кишнер.
- Аман адам этегингден тутса, кес да къач.
- Ач отунчуну ачыуу – бурнунда.
- Тилчи бир сагъатха айлыкъ хата этер.
- Къолунгдан къуймакъ ашатсанг да, атаны борчундан къутулмазса.
- Намысы джокъну – дуниясы джокъ.
- «Ма», - дегенни билмесенг, «бер», - дегенни билмезсе.
- Адамны сабийин сюйген джюреги, бычакъча, джитиди.
- Экеу тутушса, биреу джыгъылыр.
- Байлыкъ болгъан джерде, тынчлыкъ джокъду.
- Бал чибинни ургъаны – ачы, балы – татлы.
- Эри аманны, къатыны – аман.
- Юйюнг бла джау болгъандан эсе, элинг бла джау бол.
- Иши джокъну, сыйы джокъ.
- Кеси юйюмде мен да ханма.
- Ишленмеклик адамлыкъды.
- Алим болгъандан эсе, адам болгъан къыйынды.
- Бетинги сатма, малынгы сат.
Ошибка!
Для просмотра темы введите ваши логин и пароль.Пожалуйста, авторизуйтесь: