- Къарнынг тойгъунчу аша да, белинг талгъынчы ишле.
- Ойнай-ойнай кёз чыгъар.
- Джогъун бар этген, барын бал этген.
- Тамбла алтындан бюгюн багъыр ашхы.
- Тамырсыз терекге таянма – джыгъылырса.
- Келинин тута билмеген, къул этер, къызын тута билмеген, тул этер.
- Билим – акъылны чырагъы.
- Къуллукъчума, деб махтанма, къуллукъ – хаух джамчыды!
- Джыйырма къойну юч джыйырма эбзе кюте эди.
- Эллинг бла джау болсанг да, юйюнг бла джау болма.
- Джырчы джырчыгъа – къарнаш.
- Аууздан келген, къолдан келсе, ким да патчах болур эди.
- Ат басханны джер билед.
- Къазанны башы ачыкъ болса, итге уят керекди.
- Джюрекге ариу – кёзге да ариу.
- Сангырау къулакъ эл бузар.
- Ауругъан – джашаудан умутчу.
- Аман эсирсе, юйюн ояр.
- Этни да ашады, бетни да ашады.
- Бастасын ашагъан, хантусун да ичер.
- Алтыда кюлмеген, алтмышда кюлмез.
- Чакъырылмагъан къонакъ къачан кетерин сормаз.
- Окъугъанны бети джарыкъ.
- Аз сёлеш, кёб ишле.
- Джолда аягъынга сакъ бол, ушакъда тилинге сакъ бол.
- Таякъ этден ётер, тил сюекден ётер.
- Ёлюк кебинсиз къалмаз.
- Джети тилни билген джети кишиди.
- Кёл ашады да, кеси ашады.
- Онгсузну – джакъла, тенгликни – сакъла.
- Кёзню ачылгъаны – иги, ауузну джабылгъаны – иги.
- Тойгъан джерден туугъан джер игиди.
- Бал – татлы, балдан да бала – татлы.
- Къыз келсе, джумуш эте келеди, къатын келсе, ушакъ эте келеди.
- Чомарт къолда мал къалмаз.
- Окъ къызбайны джокълайды.
- Джангыз терек къынгыр ёсер.
- Таукел тауну аудурур.
- Халкъны юйю – туугъан джери.
- Тёрдеги кюлсе, эшикдеги ышарыр.
- Ач къарным, тынч къулагъым.
- Ёлген аслан – сау чычхан.
- Эри аманны, къатыны – аман.
- Кёрмегеннге кебек – танг, битмегеннге сакъал – танг.
- Терек ауса, отунчу – кёб.
- Башда акъыл болмаса, эки аякъгъа кюч джетер.
- Малны кют, джерни тюрт.
- Таш ата билмеген, башына урур.
- Керилген да, ургъан кибикди.
- Джылар джаш, атасыны сакъалы бла ойнар.
Ошибка!
Для просмотра темы введите ваши логин и пароль.Пожалуйста, авторизуйтесь: