- Элде адам къалмаса, ит тахтагъа минер.
- Бир абыннган – минг сюрюнюр.
- Aдам боллукъ, сыфатындан белгили.
- Билимсиз иш бармаз.
- Юй ишлеген балта эшикде къалыр.
- Нафысынгы айтханын этме, намысынгы айтханын эт.
- Айран тёгюлсе, джугъусу къалыр.
- Кюн – узун, ёмюр – къысха.
- Ашда уялгъан – мухар, ишде уялгъан – хомух.
- Алма терегинден кери кетмез.
- Аллахха ийнаннган кишини, Аллах онгдурур ишин.
- Чабакъ башындан чирийди.
- Кёлю джокъну – джолу джокъ.
- Сёз къанатсыз учар.
- Къарт бла баш аша, джаш бла аякъ аша.
- Къарыусузгъа кюлме, онгсузгъа тийме.
- Тешигини къатында, чычхан да батыр болур.
- Чомарт джарлы болмаз.
- Иги – алгъыш этер, аман – къаргъыш этер.
- Ушамагъан – джукъмаз.
- Къазанчы аман болса, къазаны къайнамаз.
- Бермеген къол, алмайды.
- Телиге от эт десенг, юйюнге от салыр.
- Абынмазлыкъ аякъ джокъ, джангылмазлыкъ джаякъ джокъ.
- Мухар, кеси тойса да, кёзю тоймаз.
- Эрине къаргъыш этген къатын, эрнин къабар.
- Ёгюзню мюйюзлери ауурлукъ этмейдиле.
- Ишни аллы бла къууанма да, арты бла къууан.
- Билим ат болуб да чабар, къуш болуб да учар.
- Джарашыу сюйген – джалынчакъ.
- Таш бла ургъанны, аш бла ур.
- Джукъу тёшек сайламайды.
- Бёрю да ач къалмасын, эчки да ашалмасын.
- Ашарыкъда сайлагъаннга – чий гырджын.
- Джаш къарыу бла кючлю, къарт акъыл бла кючлю.
- Ач бёрюге мекям джокъ.
- Телини эшигин, махтау джабар.
- Хар сёзню орну барды.
- Чабакъсыз кёлге къармакъ салгъанлыкъгъа, чабакъ тутмазса.
- Ётюрюкню башын керти кесер.
- Къартны сыйын кёрмеген, къартлыгъында сыйлы болмаз.
- Биреуню эскиси биреуге джангы болмайды.
- Иесиз малны бёрю ашар.
- Сагъыш – къартлыкъгъа сюйюмчю.
- Хатерли къул болур.
- Джангыз торгъай джырламаз.
- Хаухну атма, ёнгкючню сатма.
- Эртде тургъан бла эртде юйленнген сокъуранмаз.
- Ашхы – джыяр, аман – джояр.
- Билеги кючлю, бирни джыгъар, билими кючлю, мингни джыгъар.
Ошибка!
Для просмотра темы введите ваши логин и пароль.Пожалуйста, авторизуйтесь: