- Кюн кёрмеген, кюн кёрсе, кюндюз чыракъ джандырыр.
- Хар зат кесини орнуна иги.
- Аш берме да, къаш бер.
- Къая джолда джортма, ачыкъ сёзден къоркъма.
- Берекет берсин деген джерде, берекет болур.
- Къуру гыбыт бек дыгъырдар.
- Кёкдеги болмаса, джердегин кёрмейди.
- Адамны сыфатына къарама, сёзюне къара.
- Акъдан къара болмаз.
- Джарлы тюеге минсе да, ит къабар.
- Бал ашаргъа сюе эсенг, чибин ургъаннга тёз.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Хатерли къул болур.
- Чарсда алчыны эл кёреди.
- Ашыкъгъан cуу, тенгизге джетмез.
- Накъырда – кертини келечиси.
- Айырылгъанланы айю ашар, бёлюннгенлени бёрю ашар.
- Иши джокъну, сыйы джокъ.
- Таукелге нюр джауар.
- Чабакъгъа акъыл, табагъа тюшсе келеди.
- Джылыгъа джылан илешир.
- Биреу къой излей, биреу той излей.
- Баргъанынга кёре болур келгенинг.
- Ариу сёз – джаннга азыкъ, аман сёз – башха къазыкъ.
- Атадан ёксюз – бир ёксюз, анадан ёксюз – эки ёксюз.
- Ачлыкъ отха секиртир.
- Сибиртки да сыйлы болду, кюрек да кюнлю болду.
- Эки итни арасына сюек атма, эки адамны арасында сёз чыгъарма.
- Къарнынг бла ёч алма.
- Этим кетсе да, сюегим къалыр.
- Уллу атлама – абынырса, уллу къабма – къарылырса.
- Къыз келсе, джумуш эте келеди, къатын келсе, ушакъ эте келеди.
- Таула не мийик болсала да, аууш табылыр.
- Джаш болсун, къыз болсун, акъылы, саны тюз болсун.
- Джахил болса анасы, не билликди баласы?
- Къатын байлыкъны сюер, эр саулукъну сюер.
- Ач, тоймам, дейди, тойгъан, ач болмам, дейди.
- Къазанны башы ачыкъ болса, итге уят керекди.
- Тилчи бир сагъатха айлыкъ хата этер.
- Башы ишлегенни, ауузу да ишлер.
- Уллу сёзде уят джокъ.
- Биреуню тёрюнден, кесинги эшик артынг игиди.
- Аллахха ийнаннган кишини, Аллах онгдурур ишин.
- Окъ къызбайны джокълайды.
- Адеб этмеген, адеб кёрмез.
- Къарнынг тойгъунчу аша да, белинг талгъынчы ишле.
- Дуния аламаты сен эсенг да, игиме деб айтма.
- Дууулдаса – бал чибин, къонса – къара чибин.
- Джаханимни кёрмей, джандетге кёл салмазса.
- Ач къалгъандан, кеч къалгъан къолай.
Ошибка!
Для просмотра темы введите ваши логин и пароль.Пожалуйста, авторизуйтесь: