- Билим насыб берир, билим джолну керир.
- Акъылсызны джууукъгъа алма, акъыллыны кенгнге салма.
- Кёб ант этген, кёб ётюрюк айтыр.
- Акъыл неден да кючлюдю.
- Керилген да, ургъан кибикди.
- Къарны аманнга къазан такъдырма, къолу аманнга от джакъдырма.
- Къулакъдан эсе, кёзге ышан.
- Джангыз торгъай джырламаз.
- Кёкдеги болмаса, джердегин кёрмейди.
- Рысхысына кёре, джаш ёсер, къышлыгъына кёре, мал ёсер.
- Мухардан ач ычхынмаз.
- Накъырданы арты керти болур.
- Адамны сыфатына къарама, сёзюне къара.
- Аджашханны ызындагъы кёреди, джангылгъанны джанындагъы биледи.
- Асхат ашлыкъ сата, юйдегиси ачдан къата.
- Айыбны суу бла джууалмазса.
- Зар адам ашынгы ашар, кесинги сатар.
- Ишге юренсин къоллары, халкъ бла болсун джоллары.
- Артына баргъанны, къатына барма.
- Чакъырылмагъан къонакъ тёрге атламаз.
- Сескекли кесин билдирир.
- Ачлыкъ отха секиртир.
- Алтыда кюлмеген, алтмышда кюлмез.
- Эринчекни аурууу – кёб.
- Иги сеники эсе да, сюйген кесимикин этеме.
- Айранын берсенг, челегин да къызгъанма.
- Чакъырылмагъан къонакъ – орунсуз.
- Джаш къарыу бла кючлю, къарт акъыл бла кючлю.
- Намыс сатылыб алынмайды.
- Джумушакъ терекни къурт ашар.
- Аууз сакълагъан – джан сакълар.
- Тойну къарнашы – харс, джырны къарнашы – эжиу.
- Джюрек кёзден алгъа кёрюр.
- Эри аманны, къатыны – аман.
- Кюн кёрмеген, кюн кёрсе, кюндюз чыракъ джандырыр.
- Джюрекден джюрекге джол барды.
- Тюзлюк тас болмайды.
- Таугъа чыгъаллыкъ эсенг, тюзде къалма.
- Сабий кёргенин унутмаз.
- Иги – алгъыш этер, аман – къаргъыш этер.
- Ёгюзню мюйюзюнден тутадыла, адамны сёзюнден тутадыла.
- Кийимни бир кюнню аясанг, минг кюннге джарар.
- Тамбла алтындан бюгюн багъыр ашхы.
- Ачылгъан эт джабылыр, кёрген кёз унутмаз.
- Ачыкъ джюрекге джол – ачыкъ.
- Ётюрюкню башын керти кесер.
- Хар адамгъа кеси миннген тау кибик.
- Ашхы атаны – джашы ашхы, ашхы ананы – къызы ашхы.
- Окъугъанны бети джарыкъ.
- Тюзню ётмеги тюзде къалса да, тас болмаз.
Ошибка!
Для просмотра темы введите ваши логин и пароль.Пожалуйста, авторизуйтесь: