- Ана кёлю – балада, бала кёлю – талада.
- Тюкюрюк баш джармаз, налат кёз чыгъармаз!
- Тас болгъан бычакъны сабы – алтын.
- Элиб деген, элге болушур.
- Сууда джау джокъ, кёб сёзде магъана джокъ.
- Бир онгсуз адам адет чыгъарды, деб эштирик тюлсе.
- Къыз чыгъаргъан – къызыл къымжа.
- Юреннген ауруу къалмаз.
- Джашны джигитлиги сорулур, къызны джигерлиги сорулур.
- Тёгюлген тюгел джыйылмайды.
- Сёз сёзню айтдырыр.
- Къазанны башы ачыкъ болса, итге уят керекди.
- Тил – миллетни джаны.
- Кёл – къызбай, къол – батыр.
- Ашыкъгъанны этеги бутуна чырмалыр.
- Тик ёргени, тик энгишгеси да болады.
- Къарыусузгъа кюлме, онгсузгъа тийме.
- Элни кючю – эмеген.
- Таукел къуру къалмаз.
- Туз, гырджын аша, тюзлюк бла джаша.
- Джумушакъ сёз къаты таякъны сындырыр.
- Къарнынг ауруса, ауузунгу тый
- Эл элде бирер малынг болгъандан эсе, бирер тенгинг болсун.
- Ётюрюкню башын керти кесер.
- Орну джокъну – сыйы джокъ.
- Эки итни арасына сюек атма, эки адамны арасында сёз чыгъарма.
- Бастасын ашагъан, хантусун да ичер.
- Джан саулукъ бермей, сан саулукъ бермезсе.
- Хар сёзню орну барды.
- Эл тойса, тоймагъан, эл къойса, къоймагъан.
- Элге къуллукъ этмеген, элге ие болмаз.
- Биреуге аманлыкъны тилеме да, кесинге ашхылыкъны тиле.
- Акъыллы – эл иеси, тели – эл баласы.
- Атынг аманнга чыкъгъандан эсе, джанынг тамагъынгдан чыкъсын.
- Ариуну – ауруу кёб.
- Айранын берсенг, челегин да къызгъанма.
- Кюл тюбюндеги от кёрюнмейди.
- Сабыр джетер муратха, сабырсыз къалыр уятха.
- Чалманны аллы къалай башланса, арты да алай барады.
- Тойчу джашха къарама, къойчу джашха къара.
- Намыс сатылыб алынмайды.
- Эте билген, этген этеди, эте билмеген, юретген этеди!
- Ач къарным, тынч къулагъым.
- Къатыны харакетли болса, эри къымсыз болур.
- Бетинги сатма, малынгы сат.
- Эски джаугъа ышанма.
- Адам боллукъ, атламындан белгили болур.
- Къазанчы аман болса, къазаны къайнамаз.
- Хоншуну тауугъу къаз кёрюнюр, келини къыз кёрюнюр.
- Суугъа – чабакъ, къаягъа – ыргъакъ.
Ошибка!
Для просмотра темы введите ваши логин и пароль.Пожалуйста, авторизуйтесь: