- Тешик этген тынчды, аны джамагъан къыйынды.
- Атадан ёксюз – бир ёксюз, анадан ёксюз – эки ёксюз.
- Таукел къуру къалмаз.
- Ана къойну – балагъа джандет.
- Чабакъ башындан чирийди.
- Эркиши – от, тиширыу – суу.
- Тенгни тенглиги джашай барсанг билинир.
- Ашхы адам – халкъ байлыгъы, ашхы джер – джашау байлыгъы.
- Байлыкъдан саулукъ ашхыды.
- Сёз сёзню айтдырыр.
- Келгинчи, къонакъ уялыр, келгенден сора, къонакъбай уялыр.
- Аджал соруб келмез, келсе, къайтыб кетмез.
- Эркишиге тары кебек танг кёрюнюр.
- Джангызны оту джарыкъ джанмаз!
- Джарашыу сюйген – джалынчакъ.
- Иги адамны бир сёзю эки болмаз.
- Ашхы болсанг, атынг чыгъар, аман болсанг, джанынг чыгъар.
- Тойчу джашха къарама, къойчу джашха къара.
- Джумушакъ сёз къаты таякъны сындырыр.
- От кюйдюрген, сау болса да, тот кюйдюрген, сау болмаз.
- Ишлегенден, къарагъан уста.
- Харам къарнашдан, халал тенг ашхы.
- Ач къарным, тынч къулагъым.
- Адеб джокъда, намыс джокъ.
- Тынгылагъан тынгы бузар.
- Атынг аманнга чыкъгъандан эсе, джанынг тамагъынгдан чыкъсын.
- Ана кёлю – балада, бала кёлю – талада.
- Элиб деген, элге болушур.
- Билим – акъылны чырагъы.
- Аман адамны тепсинге олтуртсанг, къызынгы тилер.
- Окъугъанны бети джарыкъ.
- Билим ат болуб да чабар, къуш болуб да учар.
- Керек ташны ауурлугъу джокъ.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Кёпюр салгъан кеси ётер, уру къазгъан кеси кетер.
- Халкъны джырын джырласанг, халкъ санга эжиу этер.
- Чыкълы кюнде чыкъмагъан, чыкъса къуру кирмеген.
- Айран тёгюлсе, джугъусу къалыр.
- Акъыллы эркиши атын махтар, акъылсыз эркиши къатынын махтар.
- Тёрде – темир таякълы, къаяда – чыпчыкъ аякълы.
- Ачны эсинде – аш.
- Нарт сёз къарт болмаз.
- Орундукъ тюбюнде атылсам да, орта джиликме, де да айлан.
- Эл тойса, тоймагъан, эл къойса, къоймагъан.
- Кёз – сюйген джерде, къол – ауругъан джерде.
- Чарсда алчыны эл кёреди.
- Агъач – джерни чырайы, кийим – эрни чырайы.
- Эркишини аманы тиширыуну джылатыр.
- Кенгеш болса, уруш болмаз.
- Ишлегенде эринме, ишде чолакъ кёрюнме.
Ошибка!
Для просмотра темы введите ваши логин и пароль.Пожалуйста, авторизуйтесь: