- Джюрек кёзден алгъа кёрюр.
- Иги сёз – джаннга азыкъ, аман сёз башха – къазыкъ.
- Къыйынлы джети элни къайгъысын этер.
- Джолунга кёре – джюрюшюнг, джагъанга кёре – юлюшюнг.
- Ёгюзню мюйюзюнден тутадыла, адамны сёзюнден тутадыла.
- Бозаны арты дауур болур.
- Арпа, будай – ащды, алтын, кюмюш а – ташды.
- Ёксюзню къалачы уллу кёрюнюр.
- Джиби бир къат джетмей эди да, эки къат тарта эди.
- Кийимни бир кюнню аясанг, минг кюннге джарар.
- Бек анасы джыламаз.
- Татлы тилде – сёз ариу, чемер къолда – иш ариу.
- Ауругъан – джашаудан умутчу.
- Эри аманны, къатыны – аман.
- Джерни букъусу кёкге къонмаз.
- Ашлыкъ – бюртюкден, джюн – тюкден.
- Тойчу джашха къарама, къойчу джашха къара.
- Сютден ауузу кюйген, суугъа юфгюре эди.
- Сабыр джетер муратха, сабырсыз къалыр уятха.
- Уллу айтханны этмеген – уллаймаз.
- Гугурук къычырмаса да, тангны атары къалмаз.
- Аллахха ийнаннган кишини, Аллах онгдурур ишин.
- Баргъанынга кёре болур келгенинг.
- Джангызны оту джарыкъ джанмаз!
- Къралынгы – душмандан, башынгы от бла суудан сакъла.
- Ашлыкъны арба юйге келтирир, чана базаргъа элтир.
- Билими азны – ауузунда кирит.
- Ана – юйню кюн джарыгъы.
- Ачыкъ джюрекге джол – ачыкъ.
- Къалгъан ишге къар джауар.
- Мухар, кеси тойса да, кёзю тоймаз.
- Эм уллу байлыкъ – джан саулукъ.
- Булут кёкге джарашыу, уят бетге джарашыу.
- Чакъырылмай келген къонакъ сыйланмай кетер.
- Накъырда – кертини келечиси.
- Уллу суу бла уллу ауруудан башынгы сакъла.
- Эки элинги тыйсанг, джети элде махталырса.
- Акъыллы – эл иеси, тели – эл баласы.
- Ариу сёз джыланны орнундан чыгъарыр.
- Джаханимни кёрмей, джандетге кёл салмазса.
- Таш ата билмеген, башына урур.
- Къанны къан бла джуума, аманны аман бла къуума.
- Ашына кёре табагъы, балына кёре къалагъы.
- Джогъун бар этген, барын бал этген.
- Къууут – джелге, берне – бошха.
- Адамгъа аман кюн соруб келмейди.
- Ёлмесенг да, къарт дамы болмазса?
- Минг тенг да азды, бир джау да кёбдю.
- Агъач – джерни чырайы, кийим – эрни чырайы.
- Къайгъыны сюйген, къайгъы табар.
Ошибка!
Для просмотра темы введите ваши логин и пароль.Пожалуйста, авторизуйтесь: