- Керти сёзге тёре джокъ.
- Адамны джюреги нени кёрюрге сюйсе, кёзю да аны кёрюрге ёч болады.
- Ариу сёз – къылычдан джити.
- Байлыкъ болгъан джерде, тынчлыкъ джокъду.
- Джыйырма къойну юч джыйырма эбзе кюте эди.
- Джыланны къуйругъундан басарынг келсе, аны башы болгъанын унутма.
- Джыгъылгъанны сырты джерден тоймаз.
- Джарлы тюеге минсе да, ит къабар.
- Тенги кёбню джау алмаз, акъылы кёбню дау алмаз.
- Джылар джаш, атасыны сакъалы бла ойнар.
- Арбаз къынгырды да, ийнек сауалмайма.
- Керилген да, ургъан кибикди.
- Бал – татлы, балдан да бала – татлы.
- Терслик кетер, тюзлюк джетер.
- Къошда джокъгъа – юлюш джокъ.
- Бир абыннган – минг сюрюнюр.
- Татлы сёз – балдан татлы.
- Чомарт бергенин айтмаз.
- Эртде тургъан джылкъычыны эркек аты тай табар.
- Ёлген ийнек сютлю болур.
- Тилчиден кери бол.
- Кюн кёрмеген, кюн кёрсе, кюндюз чыракъ джандырыр.
- Ач къалгъандан, кеч къалгъан къолай.
- Тау башында, тау болмаз, джангыз терек, бау болмаз.
- Чабакъсыз кёлге къармакъ салгъанлыкъгъа, чабакъ тутмазса.
- Харам къарнашдан, халал тенг ашхы.
- Ойнай-ойнай кёз чыгъар.
- Хата – гитчеден.
- Намысы болмагъанны, сыйы болмаз.
- Тилсиз миллет джокъ болур.
- Уясында не кёрсе, учханында аны этер.
- Таукел тауну аудурур.
- Акъылсызны джууукъгъа алма, акъыллыны кенгнге салма.
- Окъугъанны бети джарыкъ.
- Къая джолда джортма, ачыкъ сёзден къоркъма.
- Джылкъыдан – ат чыгъар, тукъумдан – джаш чыгъар.
- Эшекге миннген – биринчи айыб, андан джыгъылгъан – экинчи айыб.
- Кимни – тили, тиши онглу, кимни – къолу, иши онглу.
- Насыб бютеу халкъны юлюшюдю.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Джарашыу сюйген – джалынчакъ.
- Аджашхан тёгерек айланыр.
- Иги сеники эсе да, сюйген кесимикин этеме.
- Къызгъанчдан ычхыныр, мухардан ычхынмаз.
- Сёз садакъдан кючлюдю.
- Артына баргъанны, къатына барма.
- Кийиминг бла танылма, адамлыкъ бла таныл.
- Рысхысына кёре, джаш ёсер, къышлыгъына кёре, мал ёсер.
- Халкъгъа джарагъан, джарлы къалмаз.
- Бозаны арты дауур болур.
Ошибка!
Для просмотра темы введите ваши логин и пароль.Пожалуйста, авторизуйтесь: